பிரதமர் மோடி பாராட்டிய மதுரை சலூன் கடைக்காரர் மீது கந்துவட்டி புகார்!!

இந்த தகவலை அறிந்த பிரதமர் நரேந்திர மோடி, கடந்த மே மாதம் 31 ஆம் தேதி, மாதந்தோறும் தான் பங்கேற்கும் ‘மான் கி பாத்’ வானொலி நிகழ்ச்சியில் மோகனை வெகுவாக பாராட்டினார். ‘தனது வருமானம் முழுவதையும் மோகன் மக்களுக்காக செலவு செய்து வருகிறார். அவருக்கு எனது பாராட்டுக்கள்’ என்று தமது உரையில் மோடி குறிப்பிட்டிருந்தார்.

இந்த நிலையில், மோடியால் பாராட்டப்பட்ட சலூன் கடை உரிமையாளர் மோகன் மீது போலீசில் புகார் அளிக்கப்பட்டுள்ளது.

கங்கை ராஜன் என்பவர் அளித்துள்ள இந்த புகாரில், ” மருத்துவ செலவுக்காக தான் வாங்கிய 30 ஆயிரம் ரூபாயை வட்டியுடன் திருப்பி கொடுத்த பின்னரும், பணத்தை கேட்டு மோகன் தமக்கு மிரட்டல் விடுத்து வருகிறார்” என்று தெரிவிக்கப்பட்டுள்ளது.

கங்கை ராஜன் அளித்துள்ள புகாரின் பேரில் மோகன் மீது மதுரை அண்ணா நகர் போலீசார் வழக்குப்பதிவு செய்துள்ளனர். இதனையடுத்து அவர் தலைமறைவாகியுள்ளதாக தகவல் வெளியாகியுள்ளது.

பிரதமர் மோடி பாராட்டையடுத்து, மோகன் தமது குடும்பத்துடன் பாஜகவில் இணைந்ததாக சில மாதங்களுக்கு முன் தகவல் வெளியானது. பின்னர் அந்த தகவல் தவறானது என்று மோகன் விளக்கமளித்திருந்தார் என்பது குறிப்பிடத்தக்கது.

Thanks to:-www.samayam.com