Rathiri Rounds Never Stop
Related Articles
நடிகர் விஷ்ணு ஹைதராபாத்தில் சாலையில் சில இளைஞர்கள் செய்த மோசமான செயல் பற்றிய வீடியோ பதிவிட்டு போலீசிடம் புகார் அளித்துள்ளார்.
தமிழ் சினிமா துறையில் சிறந்த நடிகர்களில் ஒருவர் விஷ்ணு விஷால். அவர் தொடர்ந்து வித்தியாசமான கதைகளை தேர்ந்தெடுத்து நடித்து வருவது ரசிகர்களை அதிகம் கவர்ந்து வருகிறது. இவரது படங்கள் நம்பிப் பார்க்கலாம் என்கிற எண்ணம் ரசிகர்கள் மத்தியில் உருவாகி இருக்கிறது. சமூக வலைதளங்களில் எப்போதும் ஆக்டிவாக இருக்கும்
விஷ்ணு விஷால் தன்னுடைய புகைப்படங்கள் மற்றும் அப்டேட்கள் பலவற்றையும் பதிவிட்டு வருகிறார். அது மட்டுமின்றி தன்னுடைய காதலி ஜுவாலா கட்டா உடனிருக்கும் புகைப்படங்கள் சிலவற்றையும் அவர் தொடர்ந்து வெளியிட்டு வருகிறார். அந்த புகைப்படங்களுக்கு ரசிகர்கள் மத்தியில் நல்ல ரெஸ்பான்ஸ் அவருக்கு கிடைத்து வருகிறது.
தற்போது ஹைதராபாத்தில் இருக்கும் விஷ்ணு விஷால் நேற்று இரவு வெளியில் சென்ற போது தான் இப்படி ஒரு சம்பவத்தை பார்த்திருக்கிறார். அதன் பின் கோபத்துடன் போலீசில் புகார் அளித்திருக்கிறார்.
இந்நிலையில் விஷ்ணு விஷால் ட்விட்டரில் ஒரு வீடியோவை வெளியிட்டு தான் சந்தித்த ஒரு சம்பவம் பற்றி கோபத்துடன் பதிவிட்டிருக்கிறார். அவர்கள் மீது நடவடிக்கை எடுக்க வேண்டும் என்று போலீஸ் இடமும் கேட்டு இருக்கிறார். அவர் அப்படி என்ன நடந்தது என நீங்கள் கேட்பது புரிகிறது.
அவர் ஹைதராபாத்துக்கு சென்றிருக்கும் நிலையில் சாலையில் சில இளைஞர்கள் காரில் உள்ளே உட்காராமல் கதவின் மீது அமர்ந்து கொண்டு அபாயகரமான வகையில் பயணித்துக் கொண்டிருக்கிறார்கள். மற்றவர்களுக்கும் அவர்கள் தொல்லை கொடுக்கிறார்கள் என்று தான் விஷ்ணு புகார் கூறியிருக்கிறார். வீடியோவில் அந்தக் இளைஞர்களின் கார் நம்பரையும் தெளிவாக காட்டி இருக்கிறார் அவர்.
“நம் நாட்டின் படித்த இளைஞர்கள். வழக்கமாக நான் இப்படி செய்ய மாட்டேன்.. ஆனால் இப்படியொரு பதிவை போட வேண்டியதாகிவிட்டது. ஏனென்றால் அவர்கள் தங்கள் உயிரை மட்டும் ஆபத்தில் வைக்காமல் தேவையில்லாத ஸ்டன்ட் செய்து மற்றவர்களுக்கும் பிரச்சனை ஏற்படுத்துகிறார்கள்.
ஹைதராபாத் சிட்டி போலீஸ் இதை பாருங்கள்” என ட்வீட்டில் விஷ்ணு குறிப்பிட்டிருக்கிறார்.
கொரானா காரணமாக திரைப்பட ஷூட்டிங்கில் பங்கேற்காமல் இருக்கும் விஷ்ணு அடுத்து கைவசம் 4 படங்கள் வைத்திருக்கிறார். காதன் என்ற படம் ரிலீஸுக்கு தயாராக இருக்கும் நிலையில் தியேட்டர்கள் திறக்கப்பட்டதும் அது வெளியாக வாய்ப்பிருக்கிறது. பிரபு சாலமன் இயக்கும் இந்தப் படம் தமிழ், தெலுங்கு மற்றும் இந்தியிலும் வெளிவரவிருக்கிறது. மேலும் தமிழில் ஜெகஜால கில்லாடி, எப்ஐஆர் மற்றும் சைக்கோ திரில்லர் படம் ‘மோகன்தாஸ்’ ஆகியவற்றில் விஷ்ணு நடிக்க உள்ளார்.
Thanks to : samaiyam
