Breaking News
Home / உலக செய்திகள்

உலக செய்திகள்

உலக செய்திகள்

78 ஆயிரம் ஆண்டு பழமையான குழந்தையின் கல்லறை கண்டுபிடிப்பு

78 ஆயிரம் ஆண்டு பழமையான குழந்தையின் கல்லறை கண்டுபிடிப்பு

78 ஆயிரம் ஆண்டுகளுக்கு முன் ஒரு குழந்தை நல்லடக்கம் செய்யப்பட்டது, ஆப்ரிக்கவின் மிகப் பழமையான இடுகாட்டுப் பகுதியில் கண்டுபிடிக்கப்பட்டு இருக்கிறது.

மத்திய கற்காலத்தைச் சேர்ந்த 3 வயது குழந்தையின் கல்லறை கென்யா நாட்டில் ஒரு குகையில் கண்டுபிடிக்கப்பட்டிருக்கிறது.

அக்குழந்தையின் கல்லறை மற்றும் எச்சங்களை ஆராய்ந்த ஆராய்ச்சியாளர்கள், அக்குழந்தையின் தலையை எப்படி ஒரு தலையணையில் கிடத்தி இருப்பது போல அடக்கம் செய்திருக்கிறார்கள் என, நேச்சர் என்கிற பத்திரிகையில் விவரித்து இருக்கிறார்கள்.

விஞ்ஞானிகள் அக்குழந்தையை ‘மடொடொ’ என பெயரிட்டு இருக்கிறார்கள். மடொடொ என்றால் ஸ்வாஹிலி மொழியில் ‘அந்த குழந்தை’ என்று பொருள்.

மீதமிருக்கும் எழும்புத் துண்டுகளை பத்திரமாக பாதுகாக்கும் நோக்கில், சர்வதேச அகழ்வாராய்ச்சியாளர்கள் அணி அக்கல்லறையை பாதுகாப்பாக பிளாஸ்டரில் வெளிக் கொண்டு வந்திருக்கிறார்கள். எனவே அவ்வுடலைக் குறித்து மேலதிகமாக தெரிந்து கொள்ளத் தேவையான ஆராய்ச்சிகளை செய்ய, அதை பாதுகாப்பாக பரிசோதனைக் கூடத்துக்கு அனுப்பி வைக்க முடிந்தது.

“ஒரு நிழலை அகழ்வாய்வது போல இருந்தது” என்கிறார் ஸ்பெயின் நாட்டின் மனித பரிணாம வளர்ச்சியின் தேசிய ஆராய்ச்சி மையத்தின் இயக்குநர் பேராசிரியர் மரியா மார்டினான் டாரஸ்.

“நாங்கள் அதை வெளிக் கொண்டு வந்த போது, ஒரு குழந்தையைக் கையில் வைத்திருக்கிறோம் என்பதை நாங்கள் அறிந்திருக்கவில்லை” என அவர் பிபிசியின் இன்சைட் சயின்ஸ் ப்ரோகிராமிடம் கூறினார்.

ஆராய்ச்சியாளர்களால் அக்குழந்தையின் பற்களை ஆராய முடிந்தது. அப்படித் தான் அது ஒரு 2 – 3 வயதுக்கு இடைப்பட்ட மனித குழந்தை என உறுதி செய்ய முடிந்தது. பரிசோதனையில் அக்குழந்தையின் உடல் தாயின் வயிற்றுக்குள் இருக்கும் கருவைப் போல கிடத்தப்பட்டிருப்பது தெரிய வந்திருக்கிறது.

அக்குழந்தையின் உடல் நல்லடக்கம் செய்யப்பட்ட போது இறுக்கமாக மூடப்பட்டிருக்கலாம் என, எழும்புகள் நகர்ந்திருப்பது நமக்கு வெளிப்படுத்துகிறது. அதே போல அக்குழந்தையின் தலை ஒரு தலையணை போன்ற இலைதலைகளின் மீது கிடத்தப்பட்டிருக்கலாம், அது காலப்போக்கில் மட்கிப் போயிருக்கலாம் எனக் கருதப்படுகிறது.

“கடைசியாக உறங்கும் போது போர்த்தப்படுவது போல, அக்குழந்தை இலைதலைகளால் ஆன சேலை அல்லது விலங்கின் தோல்களால் மூடப்பட்டிருக்கலாம்” என விளக்குகிறார் பேராசிரியர் மார்டினான் டாரஸ்.

“அக்குழந்தை மீது அக்குழுவினருக்கு இருந்த உணர்வையும், ஒரு பண்பு நயத்தையும் இது வெளிப்படுத்துகிறது”

குழந்தையின் எலும்பின் வடிவம் மற்றும் அளவு குறித்து மேலதிகமாக நடத்தப்பட்ட ஆய்வுகள் மற்றும் பரிசோதனைகளில், அக்குழந்தை ஒரு ஆணாக இருக்கலாம் என்கிற முடிவுக்கு வந்திருக்கிறார்கள் ஆராய்ச்சியாளர்கள்.

“அந்த குழந்தை மக்கள் வாழ்ந்த இடத்திலேயே புதைக்கப்பட்டிருக்கிறார்” என பேராசிரியர் மார்டினான் டாரஸ் கூறினார். “இந்த நடத்தைகள் அனைத்தும் அக்குழுவினரின் வருத்தத்தைக் குறிப்பதாகவோ, அக்குழந்தையை செல்லவிடாமல் தடுப்பது போலவோ இருக்கிறது”

ஆப்ரிக்கா தான் தற்கால மனித இனத்தின் தொட்டில் எனக் கருதப்படுகிறது. ஆனால் முன்பு பயன்படுத்தப்பட்ட கருவிகள், கூட்டாக இணைந்து வாழ்வது என எல்லா ஆதாரங்களுக்கு மத்தியில் மனித பரிணாம வளர்ச்சியில், இறந்தவர்களை நல்லடக்கம் செய்யும் முக்கியமான விஷயம் மட்டும் காணவில்லை என கூறினார்கள் விஞ்ஞானிகள்.

“ஆப்ரிக்காவில் காணப்படும் அடுத்த பழமையான கல்லறை என்றால் அது சுமார் 74,000 ஆண்டு பழமையானது” என்கிறார் லண்டன் நகரத்தில் இருக்கும் நேச்சுரல் ஹிஸ்டரி மியூசியத்தைச் சேர்ந்த முனைவர் லூயிஸ் ஹம்ஃப்ரே. “ஆச்சர்யப்படுத்தும் வகையில் அதுவும் ஒரு இளம் வயதுக் குழந்தையின் கல்லறை, அது 50 ஆண்டுகளுக்கு முன் மோசமான முறையில் அகழ்வாய்ந்து எடுக்கப்பட்டது. எனவே அதைக் குறித்து நமக்கு அதிகம் தெரியாது”

“இங்கு நிச்சயமாக ஒரு தனிநபருக்கு ஏற்பட்ட இழப்பை வெளிப்படுத்தும் வகையிலான உணர்வு காணப்படுகிறது” என கூறினார். “அம்மக்கள் தங்களைச் சுற்றியுள்ள உலகத்தை பிரதிபலிக்கும் வகையில் பல குறியீடுகளைக் கொண்டிருந்தார்கள் என்பதற்கான ஆதாரங்கள் இவை” என்கிறார் முனைவர் லூயிஸ்.

பிற செய்திகள் :

source: bbc.com/tamil

Dailyhunt

இந்தியாவின் நிலை மனதை பதறவைக்கிறது: உலக சுகாதார நிறுவனத்தின் தலைவர் உருக்கம்!

இந்தியாவின் நிலை மனதை பதறவைக்கிறது: உலக சுகாதார நிறுவனத்தின் தலைவர் உருக்கம்!

இந்தியாவில் தற்போதுள்ள சூழ்நிலை மனதை பதறவைக்கிறது என்று உலக சுகாதார நிறுவனத்தின் தலைவர் டெட்ரஸ் அதானோம் தெரிவித்துள்ளார்.

இந்தியாவின் தற்போதைய நிலை குறித்து உலக சுகாதார நிறுவனம் சார்பில் நேற்றைய தினத்தில் செய்தியாளர் சந்திப்பு நடந்தது. அப்போது பேசிய டெட்ரஸ் அதானோம்’ இந்தியாவின் தற்போதைய சூழ்நிலை மனதை பதறவைக்கிறது. எங்களால் முடிந்த எல்லா உதவிகளைச் செய்யத் தயாராக இருக்கிறோம். இந்தியாவிற்குத் தேவையான உபகரணங்கள் அனுப்பி வைக்கப்பட்டுள்ளது’ என்று கூறினார்

மேலும் அமெரிக்கச் சுகாதார நிறுவனம் ஆக்சிஜன் கான்சென்டிரேட்டர்களை (ரத்தத்தில் குறைந்த அளவில் ஆக்சிஜன் இருக்கும் நபர்களுக்குப் பயன்படும் கருவி) இந்தியாவிற்கு அனுப்பி உள்ளது குறிப்பிடத்தக்கது. மேலும் உலக சுகாதாரத்துறை சார்பாக 2,600 வல்லுநர்கள் இந்தியாவிற்கு வர உள்ளனர். அவர்கள் இந்திய சுகாதாரத்துறையோடு இணைந்து செயல்பட உள்ளனர்.

Advertisement:

இலங்கையில் புதிய வகை கொரோனா வைரஸ் கண்டுபிடிப்பு…!


இலங்கையில் புதிய வகை கொரோனா வைரஸ் கண்டுபிடிப்பு…!

இலங்கையில் புதிய வகை வைரஸ் பரவி வருவதாக கண்டுபிடிக்கப்பட்டுள்ளது.

கொரோனா வைரஸ் கடந்த ஒரு ஆண்டுக்கும் மேலாக உலக நாடுகளையே உலுக்கி வருகிறது. இந்நிலையில் இலங்கையில் புதிய வகை வைரஸ் பரவி வருவதாக கண்டுபிடிக்கப்பட்டுள்ளது. இலங்கையின் ஸ்ரீ ஜயவர்த்தனபுர பல்கலைக்கழகத்தின் நோயெதிர்ப்பியல் மற்றும் மூலக்கூறு அறிவியல் துறைத் தலைவர் நீலிகா மாலவிஜே அவர்கள் கூறுகையில், ‘இலங்கையில் வீரியமிக்க புதிய வகை வைரஸ் பரவி வருவது கண்டறியப்பட்டுள்ளது இதுவரை கண்டறியப்பட்ட வைரஸ்களை விட இந்த வைரஸ் அதி வேகமாக பரவும் தன்மை கொண்டதாகவும் இருப்பதாகவும், காற்றில் சுமார் ஒரு மணி நேரம் வரை உயிரோடு இருக்கும் என்றும் தெரிவித்துள்ளார்.

மேலும், இந்த வைரஸால் இளைஞர்கள் அதிகம் பாதிக்கப்படுவதாகவும் அடுத்த இரண்டு மூன்று வாரங்களில் மூன்றாவது அலையாக மாற வாய்ப்புள்ளதாகவும் பொது சுகாதார ஆய்வாளர் ஒருவர் தெரிவித்துள்ளார். மேலும் இதுகுறித்து இலங்கை சுகாதார சேவைகள் இயக்குனர் டாக்டர் அசிலாக் குணவர்தன கூறுகையில், ‘கொரோனா வைரஸ் முதல் அலையின் போது அறிகுறிகள் குறைவாக இருந்தது. ஆனால் தற்போது கொரோனா வைரஸ் பாதித்த அவர்களில் பலருக்கு மூச்சுத்திணறல் ஏற்பட்டு, ஆக்சிஜன் செலுத்த வேண்டிய நிலை உள்ளது.

குறிப்பாக இளைஞர்கள் அதிக அளவில் பாதிக்கப்படுகின்றனர் என்றும், கொரோனா நோயாளிகளுக்கு சிகிச்சை அளிக்க தேவையான தீவிர சிகிச்சை பிரிவு படுக்கைகள் போதுமான அளவில் உள்ளதாகவும் அவர் தெரிவித்துள்ளார். இலங்கையில் 99 ஆயிரத்து 667 பேர் இந்த வைரசால் பாதிக்கப்பட்டுள்ள நிலையில், இதுவரை 638 பேர் உயிரிழந்தது குறிப்பிடத்தக்கது.

மேலும் புதிய வகை கொரோனா வைரஸ் பரவி வருவதையடுத்து, அலுவலகங்கள் 50 சதவீத பணியாளர்களுடன் இயங்க வேண்டும் என்றும், முக கவசம் கட்டாயமாக அணிய வேண்டும் என்றும் சில கட்டுப்பாடுகள் விதிக்கப்பட்டுள்ளது.

Dailyhunt

இந்தியாவுக்கு ஆக்சிஜன் ,வெண்டிலேட்டர்கள், ரெம்டிவிசர் வழங்க தயார்: ரஷ்யா அறிவிப்பு

இந்தியாவுக்கு ஆக்சிஜன் ,வெண்டிலேட்டர்கள், ரெம்டிவிசர் வழங்க தயார்: ரஷ்யா அறிவிப்பு

இந்தியாவில் கொரோனா வைரஸ் நாளுக்கு நாள் மிக அதிக பாதிப்பு ஏற்பட்டு வருகிறது என்பதும் உலகிலேயே ஒரு நாள் கொரோனா பாதிப்பு கடந்த சில நாட்களாக இந்தியாவில்தான் அதிகம் என்பது குறிப்பிடத்தக்கதுகடந்த 24 மணி நேரத்தில் 3.50 லட்சம் பேர் கொரோனாவால் பாதிக்கப்பட்டுள்ளனர் என்ற நிலையில் இந்தியாவுக்கு ஆதரவாக உலகின் பல நாடுகள் முன்வந்துள்ளன. அந்தவகையில் இந்தியாவுக்கு தேவையான ஆக்சிஜன், வென்டிலேட்டர், மற்றும் ரெம்டிவிசர் மருந்து உள்பட அனைத்து வகை உதவிகளையும் வழங்க தயாராக இருப்பதாகவும் ரஷ்ய அரசு அறிவித்துள்ளது. இவை அனைத்தும் இந்தியாவுக்கு சிறப்பு விமானங்கள் மூலம் அனுப்பி வைக்கப்படும் என்றும் ரஷ்ய அரசு தெரிவித்துள்ளது

4 லட்சம் ரெம்டிவிசர் மருந்துகளை இந்தியாவுக்கு அனுப்ப தயார் என்று ரஷ்ய அரசு அறிவித்துள்ள நிலையில் இந்த மருந்து அமெரிக்காவில் காப்புரிமை செய்யப்பட்டு இருப்பதால் இந்தியாவுக்கு அனுப்ப முடியாத சட்ட சிக்கல் ஏற்பட்டுள்ளதாக கூறப்படுகிறது. இருப்பினும் இந்த சட்ட சிக்கலை தீர்க்க அமெரிக்கா முன் வந்து கொண்டிருப்பதாகவும் தகவல்கள் வெளிவந்துள்ளன. ஏற்கனவே அமெரிக்கா உள்பட பல நாடுகள் இந்தியாவுக்கு உதவி செய்ய முன் வந்துள்ளன என்பது குறிப்பிடத்தக்கது                                                    Dailyhunt

பத்திரிகையாளா்கள் இழந்த சுதந்திரம்!

பத்திரிகையாளா்கள் இழந்த சுதந்திரம்!

சமூக நிகழ்வுகளை மக்களிடம் எடுத்துச் செல்வதில் பத்திரிகையாளா்களுக்கு முக்கியப் பங்குண்டு. உண்மை நிகழ்ச்சிகளை மக்களுக்குக் கொண்டு செல்ல வேண்டும் என்ற நோக்கில் பத்திரிகைகள் செயல்பட்டு வருகின்றன. பத்திரிகைகள், பத்திரிகையாளா்களின் செயல்பாட்டுக்கு சுதந்திரம் மிகவும் முக்கியமானது. எந்தவிதத் தலையீடும் இல்லாமல் அவா்கள் செயல்பட்டால்தான் உண்மையான தகவல்களை மக்கள் அறிந்து கொள்ள முடியும்.

பத்திரிகையாளா்களின் சுதந்திரமான செயல்பாட்டுக்கு இந்திய அரசமைப்புச் சட்டமே வழிகோலுகிறது. அரசமைப்புச் சட்டத்தின் 19(1)(ஏ) பிரிவானது, சுதந்திரமாகக் கருத்து வெளியிடும் உரிமையை வழங்குகிறது. அதுவே, பத்திரிகையாளா்களின் சுதந்திரமான செயல்பாட்டுக்கு அடிப்படையாக உள்ளது.

தற்போதைய காலகட்டத்தில் பத்திரிகையாளா்கள் மீதும் பத்திரிகை நிறுவனங்கள் மீதுமான வன்முறை அதிகரித்துள்ளது. அவா்கள் சுதந்திரமாகச் செயல்படுவதை பயங்கரவாத அமைப்புகள், தீவிரவாத அமைப்புகள் உள்ளிட்டவை தடுக்க முயற்சிக்கின்றன. சில நாட்டு அரசுகளே பத்திரிகை சுதந்திரத்தைக் கேள்விக்குறியாக்கி வருகின்றன.

சில நாடுகளில் பத்திரிகையாளா்கள் கொல்லப்படுவதும் நிகழ்கிறது. இந்தியாவின் கௌரி லங்கேஷ், சவூதி அரேபியாவின் ஜமால் கஷோகி என அந்தப் பட்டியல் தொடா்ந்து நீண்டு கொண்டே இருக்கிறது. உலக அளவில் கடந்த 2020-ஆம் ஆண்டில் மட்டுமே சுமாா் 50 பத்திரிகையாளா்கள் கொல்லப்பட்டதாக ‘ரிபோா்ட்டா்ஸ் வித்அவுட் பாா்டா்’ அமைப்பு தெரிவிக்கிறது.

நடப்பு ஆண்டுக்கான பத்திரிகை சுதந்திரக் குறியீட்டை ‘ரிபோா்ட்டா்ஸ் வித்அவுட் பாா்டா்’ அமைப்பு வெளியிட்டுள்ளது. அதில் மொத்தமுள்ள 180 நாடுகளில் நாா்வே முதலிடத்தில் உள்ளது. முதல் நான்கு இடங்களை ஸ்கான்டினேவயியா என்று அறியப்படும் நாடுகள் பிடித்துள்ளது குறிப்பிடத்தக்கது.

இந்தியா 142-ஆவது இடத்தில் உள்ளது. கடந்த ஆண்டும் இந்தியா இதே இடத்தில்தான் இருந்தது. கடந்த 2016-ஆம் ஆண்டில் 133-ஆவது இடத்தில் இருந்தது.

பத்திரிகையாளா்களுக்கு மிகவும் ஆபத்து நிறைந்த நாடுகளில் ஒன்றாக இந்தியாவை அந்த அமைப்பு பட்டியலிட்டுள்ளது. காவல்துறையினா், அரசியல் செல்வாக்கு கொண்டோா், சில அமைப்புகளைச் சோந்தோா் உள்ளிட்டோரிடமிருந்து பத்திரிகையாளா்கள் திட்டமிட்ட தாக்குதலை அதிகம் எதிா்கொண்டு வருவதாக அந்த அறிக்கையில் கூறப்பட்டுள்ளது.

ஜனநாயகம் தழைப்பதற்கும் நாட்டின் சுதந்திரம் நிலைப்பதற்கும் பத்திரிகைகளும் பத்திரிகையாளா்களும் எந்தவிதத் தலையீடுமின்றி சுதந்திரமாகச் செயல்படுவது அவசியம் என்பதை அறிஞா்களும் நிபுணா்களும் சுட்டிக்காட்டியுள்ளனா்.

பத்திரிகை சுதந்திரம் – முதல் பத்து நாடுகள்

1-நாா்வே

2-ஃபின்லாந்து

3-ஸ்வீடன்

4-டென்மாா்க்

5-கோஸ்டா ரிகா

6-நெதா்லாந்து

7-ஜமைக்கா

8-நியூஸிலாந்து

9-போா்ச்சுகல்

10-ஸ்விட்சா்லாந்து

பத்திரிகை சுதந்திரம் – கடைசி பத்து நாடுகள்

171 – கியூபா

172 – லாவோஸ்

173-சிரியா

174-ஈரான்

175-வியத்நாம்

176-ஜிபூட்டி

177-சீனா

178-துா்க்மெனிஸ்தான்

179-வட கொரியா

180-எரித்ரேயா

மற்ற நாடுகளின் நிலவரம்

11 – பெல்ஜியம்

12 – அயா்லாந்து

13-ஜொமனி

14-கனடா

25-ஆஸ்திரேலியா

29-ஸ்பெயின்

32-தென்னாப்பிரிக்கா

33-பிரிட்டன்

34-பிரான்ஸ்

41-இத்தாலி

42-தென் கொரியா

43 – தைவான்

44 – அமெரிக்கா

52-செஷல்ஸ்

57-மடகாஸ்கா்

65-பூடான்

67-ஜப்பான்

70-கிரீஸ்

72-மாலத்தீவுகள்

80-ஹாங்காங்

86-இஸ்ரேல்

106-நேபாளம்

111-பிரேஸில்

113-இந்தோனேசியா

119-மலேசியா

127-இலங்கை

128-கத்தாா்

131-ஐக்கிய அரபு அமீரகம்

137-தாய்லாந்து

138-பிலிப்பின்ஸ்

140-மியான்மா்

142-இந்தியா

143-மெக்ஸிகோ

145-பாகிஸ்தான்

150-ரஷியா

152-வங்கதேசம்

153-துருக்கி

160-சிங்கப்பூா்

163-இராக்

170-சவூதி அரேபியா

தொகுப்பு: சுரேந்தா் ரவி

ஆதாரம்: ரிபோா்ட்டா்ஸ் வித்அவுட் பாா்டா்

Dailyhunt

கொரோனா வைரஸ் பேரழிவை உண்டாக்கும் என்பதற்கு இந்தியாவே சான்று – WHO தலைவர்

கொரோனா வைரஸ் பேரழிவை உண்டாக்கும் என்பதற்கு இந்தியாவே சான்று – WHO தலைவர்

கொரோனா வைரஸ் பேரழிவை உண்டாக்கும் என்பதற்கு இந்தியாவே சான்று .

உலகம் முழுவதும் கொரோனா வைரஸ் கடந்த ஓராண்டாக தீவிர பாதிப்பை ஏற்படுத்தி வந்த நிலையில், தற்போது இந்தியாவில் இந்த வைரஸின் இரண்டாவது அலை கட்டுக்கடங்காமல் தனது ஆட்டத்தை நிகழ்த்தி வருகிறது. இந்நிலையில் இந்த வைரஸால் பாதிக்கப்படுவோரின் எண்ணிக்கையும், உயிரிழப்போரின் எண்ணிக்கையும் நாளுக்கு நாள் அதிகரித்து வரும் நிலையில், மத்திய மாநில அரசுகள் இதனை தடுக்க பல முன்னெச்சரிக்கை நடவடிக்கைகளை மேற்கொண்டுள்ளது மட்டுமல்லாமல் பல புதிய கட்டுப்பாடுகளை விதித்துள்ளனர்.

மருத்துவமனைகளில் தொற்றால் உயிரிழந்தவர்களின் எண்ணிக்கை மட்டுமல்லாமல், படுக்கை வசதிகள், ஆக்சிஜன் குறைவு காரணமாகவும் உயிரிழப்பது வேதனையை அளிக்கிறது. இறந்தவர்களின் சடலங்களை அடக்கம் பண்ணுவதற்கு நீண்ட வரிசையில் காத்திருக்கும் பரிதாபமான சூழ்நிலைகளும் தற்போதைய சூழலில் ஏற்பட்டுள்ளது.

இந்த நிலை குறித்து, உலக சுகாதார அமைப்பின் தலைவர் கூறுகையில், இந்தியாவின் நிலைமை மோசமாகிக் கொண்டே செல்கிறது. இது வேதனை அளிக்கிறது. கொரோனா வைரஸ் பேரழிவை உண்டாக்கும் என்பதற்கு இந்தியாவே சான்று என தெரிவித்துள்ளார்.

Dailyhunt

அச்சச்சோ! முடி வெட்ட களமிறங்குகிறது அமேசான்! இனி எல்லாமே கார்ப்பரேட் மயம் தான்!

அச்சச்சோ! முடி வெட்ட களமிறங்குகிறது அமேசான்! இனி எல்லாமே கார்ப்பரேட் மயம் தான்!

இணைய வர்த்தக நிறுவனமான அமேசான் லண்டனில் விரைவில் சலூன் கடையை தொடங்க உள்ளது.

உலக அளவில் இணைய வர்த்தகத்தில் அமேசான் நிறுவனம் கொடி கட்டி பறக்கிறது. அந்த நிறுவனத்தின் உரிமையாளர் ஜெஃப் பெசோஸ் உலகின் பணக்காரர்கள் பட்டியலில் முதல் 5 இடங்களில் உள்ளார். அந்த அளவுக்கு தனது கிளைகளை பரப்பி அமேசான் செயல்பட்டு வருகிறது.

இணைய வர்த்தகம் மட்டுமல்லாமல் பொழுதுபோக்கு துறையிலும் அமேசான் சிறப்பாக செயல்பட்டுவருகிறது. இந்நிலையில் அமேசான் நிறுவனம் சலூன் துறையில் கால் பதிக்க உள்ளது.

முதலில் அமேசான் லண்டனில் சலூன் கடையை தொடங்க திட்டமிட்டுள்ளது. அங்கு அகுமேட்டட், ரியாலிட்டி போன்ற செயலி தொழில்நுட்பங்கள் பயன்படுத்த உள்ளனர்.

முதல் கட்டமாக சலூன் அமேசான் ஊழியர்களுக்காக மட்டும் செயல்படும் என தெரிவிக்கப்பட்டுள்ளது. அதன்பிறகு விரிவுபடுத்தப்படும் என்று எதிர்பார்க்கப்படுகிறது.

Dailyhunt

தங்கம் விலை உயர்வு: ரூ.208 உயர்ந்து ஒரு சவரன் ரூ.36,296-க்கு விற்பனை!

தங்கம் விலை உயர்வு: ரூ.208 உயர்ந்து ஒரு சவரன் ரூ.36,296-க்கு விற்பனை!

சென்னை: தங்கம் விலை கடந்த சில மாதமாக ஏற்றம் மற்றும் இறக்கத்துடன் காணப்பட்டு வருகிறது. ஒருசில நாள் விலை அதிகரிக்கும், அடுத்த நாள் விலை குறையும், இப்படி தங்கத்தின் விலையில் ஒரு நிலையற்ற தன்மை இருந்து வருகிறது. ஆனால் ஏப்ரல் மாதத்தில், இதுவரை தங்கத்தின் விலை குறையவில்லை.

இந்தியாவில் திருமண சீசன் தொடங்கியுள்ளதால், தங்கத்திற்கான தேவையை அதிகரிக்கும். ஆனால் விலையில் மாற்றம் வருமா? எனப்பலர் எதிர்பார்த்து இருக்கின்றனர்.

இந்த நிலையில், இன்று தங்கம் விலை சவரனுக்கு ரூ.208 உயர்ந்துள்ளது. அதேபோல நேற்று மட்டும் ஒரே நாளில் சவரனுக்கு ரூ.472 உயர்ந்தது குறிப்பிடத்தக்கது.

தங்கத்தின் விலையில் சரிவு, மேலும் விலை குறையுமா? முழு மூவரம்

இன்று கிராமுக்கு ரூ.26 உயர்ந்து ஒரு கிராம் ரூ.4,537க்கும், சவரனுக்கு ரூ.208 உயர்ந்து ஒரு சவரன் ரூ.36,296க்கும் விற்பனை செய்யப்படுகிறது. சென்னையின் ஒரு கிராம் வெள்ளியின் விலை ரூ.1.60 காசுகள் உயர்ந்து ரூ.75.70க்கு விற்பனை செய்யப்படுகிறது

அதேபோல தேசிய தலைநகரம் டெல்லியில் தங்கத்தின் விலை இன்று 10 கிராமுக்கு 220 ரூபாய் உயர்ந்துள்ளது.                                                                                                                                                                                             Dailyhunt

இந்தியாவில் உச்சத்தில் கொரோனா;உலகில் 2 வது இடத்திற்கு வந்தது

இந்தியாவில் உச்சத்தில் கொரோனா;உலகில் 2 வது இடத்திற்கு வந்ததுபுதுடில்லி: இந்தியாவில் ஒரே நாளில் 1,68,912 பேருக்கு கொரோனா உறுதியானதால், பாதிக்கப்பட்டவர்களின் எண்ணிக்கையும் ஒரு கோடியே 35 லட்சத்து 27 ஆயிரத்தை கடந்தது.இந்தியாவில் கடந்த 24 மணி நேரத்தில் 75 ஆயிரம் பேர் கொரோனா பாதிப்பில் இருந்து மீண்டுள்ளனர். இதனால் குணமடைந்தோரின் எண்ணிக்கை ஒரு கோடியே 21 லட்சத்து 56 ஆயிரத்தை தாண்டியது. 12.01 லட்சம் பேர் சிகிச்சை பெற்று வருகின்றனர். 1,70,179 பேர் உயிரிழந்துள்ளனர்.இதன்மூலம் தற்போது கொரோனா பாதிப்பில் இருந்து மீண்டவர்கள் விகிதம் 89.86 சதவீதமாகவும், உயிரிழந்தவர்கள் விகிதம் 1.26 ஆகவும் உள்ளது. மேலும், தற்போது 8.88 சதவீதம் பேர் சிகிச்சையில் உள்ளனர்.தடுப்பூசிசோதனைகள்இந்தியாவில் நேற்று (ஏப்.,11) ஒரே நாளில் 11,80,136 மாதிரிகள் பரிசோதனைக்கு எடுத்துக்கொள்ளப்பட்டதாக ஐ.சி.எம்.ஆர் தெரிவித்துள்ளது. இதுவரை இந்தியாவில் 25 கோடியே 78 லட்சத்து 06 ஆயிரம் மாதிரிகள் சோதனை செய்யப்பட்டுள்ளன.உலக பாதிப்புஇன்று (ஏப்ரல் 12-ம் தேதி) காலை 10:15 மணி நிலவரப்படி உலகில் கொரோனாவால் 13 கோடியே 36 லட்சத்து 98 ஆயிரத்து 363 பேர் பாதிக்கப்பட்டுள்ளனர். 29 லட்சத்து 01 ஆயிரத்து 130 பேர் பலியாகினர். 10 கோடியே 78 லட்சத்து 28 ஆயிரத்து 758 பேர் மீண்டனர்.2வது இடம்உலக அளவில் அதிகம் பாதிக்கப்பட்ட நாடுகளில் இந்தியா 2வது இடத்திற்கு முன்னேறியுள்ளது. 3 கோடியே 19 லட்சம் பாதிப்புகளுடன் அமெரிக்கா முதலிடத்திலும், ஒரு கோடியே 34 லட்சம் பாதிப்புகளுடன் பிரேசில் 3வது இடத்திலும் உள்ளது.உச்ச நீதிமன்றம்உச்ச நீதிமன்ற ஊழியர்கள் 50 சதவீதத்துக்கும் மேற்பட்டோருக்கு கொரோனா தொற்று உறுதியாகியுள்ளதாகக் கூறப்படுகிறது. இதனால், உச்ச நீதிமன்ற வளாகம், அறைகள் முழுவதுமே கிருமிநாசினி மூலம் சுத்தப்படுத்தப்பட்டு வருகிறது. கொரோனா அச்சுறுத்தல் காரணமாக பல நீதிபதிகளும் இனி முன்புபோல் காணொளியில் விசாரணையை வீட்டிலிருந்தே நடத்தப் போவதாக தகவல் வெளியாகியுள்ளது.

Dailyhunt

அச்சுறுத்தும் கரோனா தொற்று: நாடு முழுவதும் ஒரே நாளில் 1,45,384 பேருக்கு தொற்று

நாடு முழுவதும் கரோனா நோய்த்தொற்றால் பாதிக்கப்படுவோரின் எண்ணிக்கை தொடா்ந்து அதிகரித்து வருகிறது. நாடு முழுவதும் ஒரே நாளில் தொற்றால் பாதிக்கப்பட்டு சிகிச்சை பெறுவோரின் எண்ணிக்கை 10,46,631 கடந்துள்ளது.

இதுதொடா்பாக மத்திய சுகாதாரத் துறை அமைச்சகம் வெளியிட்ட அறிக்கையில் மேலும் கூறப்பட்டுள்ளதாவது: நாடு முழுவதும் சனிக்கிழமை காலை 8 மணி வரையிலான 24 மணி நேரத்தில் புதிதாக 1,45,384 போ கரோனா தொற்றால் பாதிக்கப்பட்டிருப்பது உறுதி செய்யப்பட்டுள்ளது.

தற்போது தொடா்ச்சியாக 30 -ஆவது நாளாக கரோனா தொற்றால் பாதிக்கப்பட்டவா்களின் எண்ணிக்கை அதிகரித்து வருகிறது. தற்போது நாடு முழுவதும் 10,46,631 போ கரோனா தொற்றால் பாதிக்கப்பட்டு சிகிச்சை பெற்று வருகின்றனா்.

கடந்த 24 மணி நேரத்தில் தொற்றால் பாதிக்கப்பட்டு சிகிச்சை பெற்று வந்தவா்களில் மேலும் 77,567 போ குணமடைந்து வீடு திரும்பினா். இதையடுத்து நாடு முழுவதும் குணமடைந்தவா்களின் எண்ணிக்கை 1,19,90,859-ஆக அதிகரித்துள்ளது.

794 போ மரணம்: நாடு முழுவதும் தொற்றால் பாதிக்கப்பட்டு சிகிச்சை பெற்று வந்தவா்களில் 794 போ உடல்நிலையில் முன்னேற்றமின்றி உயிரிழந்தனா். நாட்டில் கரோனா தொற்றால் ஏற்பட்ட மொத்த உயிரிழப்பு எண்ணிக்கை 1 லட்சத்து 68 ஆயிரத்து 436 ஆக அதிகரித்துள்ளது.

இந்திய மருத்துவ ஆராய்ச்சி கவுன்சிலின் (ஐசிஎம்ஆர்) தகவல்படி, கடந்த வெள்ளிக்கிழமை மட்டும் 11 லட்சத்து 73 ஆயிரத்து 219 மாதிரிகள் பரிசோதனை செய்யப்பட்டுள்ளன. இதுவரை, மொத்தம் 25 கோடியே 52 லட்சத்து 14 ஆயிரத்து 803 மாதிரிகள் பரிசோதனை செய்யப்பட்டுள்ளன.

நாடு முழுவதும் சனிக்கிழமை காலை 7 மணி நிலவரப்படி, நாடு முழுவதும் 9,80,75,160 பேருக்கு கரோனா தடுப்பூசிகள் செலுத்தப்பட்டுள்ளதாகவும், கடந்த 24 மணி நேரத்தில் மட்டும் 36,91,511 பேருக்கு தடுப்பூசி செலுத்தப்பட்டுள்ளது என்று மத்திய சுகாதார அமைச்சகம் தெரிவித்துள்ளது.

மகாராஷ்டிரம், தமிழகம், கேரளம், குஜராத், மத்திய பிரதேசம் உள்பட 10 மாநிலங்களில் கரோனா பாதிப்பு தொடா்ந்து அதிகரித்து வருகிறது என்று தெரிவிக்கப்பட்டுள்ளது.

மேலும் நோய்த்தொற்றால் பாதிக்கப்படுவோரின் எண்ணிக்கை, உயிரிழப்பு அதிகரிப்பது நாடு முழுவதும் காணப்படுகிறது. இந்த காலகட்டத்தில் மக்கள் முகக் கவசம் அணிதல், கூட்டங்களில் இருந்து விலகி இருத்தல், நோய் கட்டுப்பாட்டு நடவடிக்கைகள், பரிசோதனைகள், மருத்துவ உள்கட்டமைப்பு வசதிகளை அதிகரித்தல், தடுப்பூசி திட்டத்தை தீவிரப்படுத்துதல் ஆகியவைதான் நோய்த்தொற்றை எதிா்ப்பதற்கான வழிமுறைகளை சரிவர பின்பற்றுவதில் மக்களின் பங்களிப்பு மிக முக்கியம் என்று சுகாதாரத்துறை அமைச்சகம் தெரிவித்துள்ளது.

MyHoster