Breaking News
Home / அரசியல் / அமெரிக்க அதிபர் ட்ரம்ப் திமுகவில் இணைந்தாரா ?

அமெரிக்க அதிபர் ட்ரம்ப் திமுகவில் இணைந்தாரா ?

அமெரிக்க அதிபர் திமுகவில் இணைந்த்தாக புகைப்படம் ஒன்று சமூக வலைதளங்களில் பரவிவருகிறது.

இன்றைய அரசியல் களத்தில் சமூக வலைதளங்கள் தவிர்க்க முடியாத சக்தியாக மாறியுள்ளன. மக்கள் நேரடியாக பங்குபெற்று விவாதிக்ககூடிய தளமாக இருப்பதாலே இந்த முக்கியத்துவம் கிடைத்துள்ளது. இதனாலே அரசியல் தலைவர்களும் தங்கள் கருத்துகளை சமூக வலைதளங்கள் வாயிலாக வெளியிட்டு வருகின்றன.

வெர்ச்சுவல் உலகமான இதில் ஒருநாளைக்கு அதிக நேரத்தை இளைஞர்கள் மட்டுமல்லாமல் அனைத்து வயதினரும் செலவழிக்கின்றனர். வெட்டி அறட்டைகள் முதல் பெரிய போராட்டத்திற்கான விவாதமும் சமூக வலைதளங்களில் நடக்கிறது.

இந்த மாற்றத்தை புரிந்துகொண்ட அரசியல் கட்சிகள் இதற்கேற்ப தங்கள் தேர்தல் பிரச்சாரத்தையும் மாற்றிக்கொள்கின்றன. தேர்தல் உத்தி வகுப்பு என்பது தனி தொழிலாக உருவாகி பல ஆண்டுகளாகியுள்ள நிலையில் இந்த நிறுவனங்கள் கட்சிகளுக்காக தேர்தல் நேரத்தில் பல்வேறு பணிகளை ஆற்றுகின்றன. கட்சியின் கொள்கைகளை, திட்டங்களை மக்கள் மத்தியில் அறிமுகப்படுத்துகின்றன. அத்துடன் கட்சிக்கு ஆள் சேர்க்கும் வேலையையும் வெவ்வேறு வழிகளில் செய்கின்றன.

பல் கோடி ரூபாய் செலவு செய்து இத்தகைய பணிகள் நடைபெற்றாலும் இதையும் கிண்டல் செய்து அதே சமூக வலைதளங்களில் மீம்ஸ்கள், ட்ரோல் வீடியோக்கள் வலம் வருகின்றன.

பாஜகவுக்கு உறுப்பினர்களை சேர்க்க மிஸ்டு கால் திட்டம் சில ஆண்டுகளுக்கு முன்னர் கொண்டுவரப்பட்டது. இதன் மூலம் லட்சக்கணக்கானோர் பாஜகவில் இணைந்ததாக கூறப்பட்டது. ஆனால் இதைக் கொண்டு சமூக வலைதளங்களில் விதவிதமான நகைச்சுவை பதிவுகள் வந்தன.

தற்போது திமுகவுக்கு இணைய வழியில் ஆள் சேர்க்கும் பணி நடைபெற்று வருகிறது. இதையும் விமர்சித்து பதிவுகள் வந்து கொண்டிருக்கின்றன.

72 மணி நேரத்தில் ஒரு லட்சம் பேர் ஆன்லைன் மூலம் திமுகவில் இணைந்ததாக அக்கட்சித் தலைவர் மு.க.ஸ்டாலின் கூறியிருந்தார். அதற்கு மறுநாள் மட்டும் 93 ஆயிரத்து 308 பேர் உறுப்பினர்களாக இணைந்ததாக கூறப்பட்டது.

உண்மையில் இந்த கணக்குகள் எல்லாம் சரிதானா என்ற கேள்வி சமூக வலைதளங்களில் வெளியான நிலையில் அதை மேலும் வலுப்பெறச் செய்துள்ளது சில புகைப்படங்கள்.

 

குறிப்பிட்ட தகவல்களை அளித்து உறுப்பினராக வேண்டும் என்ற நிலையில் அமெரிக்க அதிபர் டொனால்டு ட்ரம்ப் பெயரில் ஒரு உறுப்பினர் அட்டை தயாராகியுள்ளது.

ட்ரம்பின் தந்தை பெயர், வயது என போன்ற தகவல்கள் அதில் குறிப்பிடப்பட்டுள்ளதுடன் செனை எக்மோர் தொகுதியைச் சேர்ந்தவர் என குறிப்பிடப்பட்டுள்ளது.

இது மட்டுமல்லாமல் விவரமறியா வாரிசு, மலிவு அரசியல் மன்னர் என்ற பெயர்களிலும் உறுப்பினர் அட்டைகள் தயாராகியுள்ளன.

இந்நிலையில் திமுகவின் இந்த முயற்சியை சமூக வலைதளங்களில் நெட்டிசன்கள் ட்ரோல் செய்து வருகின்றனர்.

 

Thanks to : samaiyam

About Admin

Check Also

அரசியல் சாசனப்படி குடிமக்களின் உரிமைகளை காக்கவேண்டும் : மோடி

புதுடில்லி:அரசியல் சாசனப்படி குடிமக்களின் உரிமைகளை காக்கவேண்டும் என அரசியல் சாசன நாள் விழாவில் பிரதமர் மோடி கூறினார்.     …

Leave a Reply

Your email address will not be published. Required fields are marked *

MyHoster