Breaking News
Home / அரசியல் / கூட்டத்தில் காரமும் இல்லை, ரசமும் இல்லை, சுவாரசியம் மட்டுமே ;அமைச்சர் ஜெயக்குமார் ..

கூட்டத்தில் காரமும் இல்லை, ரசமும் இல்லை, சுவாரசியம் மட்டுமே ;அமைச்சர் ஜெயக்குமார் ..

அதிமுக கூட்டத்தில் காரமும் இல்லை ரசமும் இல்லை என்று அமைச்சர் ஜெயக்குமார் தெரிவித்துள்ளார்.

அதிமுகவின் உயர்நிலை ஆலோசனைக் கூட்டம் நேற்று அக்கட்சியின் ராயப்பேட்டை தலைமை அலுவலகத்தில் நடைபெற்றது. கட்சியின் ஒருங்கிணைப்பாளர் ஓ.பன்னீர்செல்வம், துணை ஒருங்கிணைப்பாளர் எடப்பாடி பழனிசாமி தலைமையில் சுமார் ஒன்றரை மணி நேரம் இக்கூட்டம் நடைபெற்றது.

கூட்டத்திற்கு பின்னர் ஓபிஎஸ், எடப்பாடி இருவரும் வெளியிட்ட கூட்டறிக்கையில், அதிமுக வளர்ச்சிப் பணிகள் குறித்து விரிவாக ஆலோசிக்கப்பட்டதாகவும், மூத்த நிர்வாகிகளும், அமைச்சர்களும் இக்கூட்டத்தில் பங்கேற்றதாகவும் தெரிவிக்கப்பட்டது.

மேலும், அதிமுகவின் செயற்குழுக் கூட்டம் செப்டம்பர் 28ஆம் தேதியன்று கட்சியின் அவைத் தலைவர் மதுசூதனன் தலைமையில் நடைபெறும் எனவும் அறிவிக்கப்பட்டுள்ளது.

நேற்று நடைபெற்ற உயர்நிலை ஆலோசனைக் கூட்டத்தில், கட்சியின் மூத்த நிர்வாகியான கே.பி.முனுசாமிக்கும், அமைச்சர் சி.வி.சண்முகத்துக்கும் இடையே பல்வேறு விவகாரங்கள் குறித்து காரசாரமான விவாதம் நடைபெற்றதாக தகவல்கள் வெளியாகியது.

இந்நிலையில், அமைச்சர் ஜெயக்குமார் இன்று காலையில் செய்தியாளர்களை சந்தித்தார். அப்போது, அதிமுக கூட்டத்தில் காரசாரமான விவாதம் நடைபெற்றதாக வெளியான தகவல்கள் குறித்து அவரிடம் கேள்வியெழுப்பப்பட்டது.

அதற்கு பதிலளித்த அமைச்சர் ஜெயக்குமார், “கட்சிக்காரர்கள் எல்லாம் ஒற்றுமையாக இருந்து தேர்தலை எதிர்கொள்ள வேண்டும். எவ்வளவோ எதிர்ப்புகளுக்கும், சதிகளுக்கும் இடையே கட்சியையும், ஆட்சியையும் சிறப்பாக நடத்தியிருக்கிறோம். அதேபோல வரும் சட்டமன்ற தேர்தலிலும் ஒற்றுமையாக இருந்து மகத்தான வெற்றிபெற வேண்டுமென்ற அடிப்படையில்தான் விவாதம் இருந்தது.

மற்றபடி கூட்டத்தில் காரமும் இல்லை, ரசமும் இல்லை, சுவாரசியம் மட்டுமே. கூட்டத்தில் சசிகலா பற்றி பேசவே இல்லை. வழக்கம்போலதான் செயற்குழு கூடுகிறதே தவிர அதில் ஒன்றும் விசேஷம் இல்லை” என்று தெரிவித்தார்.

 

Thanks to : samaiyam news

About Admin

Check Also

சென்னை ‘உஷ்ஷ்ஷ்!’ : இப்படி இருந்தால் கட்சி எப்படி வளரும்?

கட்சி எப்படி வளரும்? அ.தி.மு.க., மாவட்ட செயலர்கள் கூட்டம், நேற்று முன்தினம் கட்சி தலைமை அலுவலகத்தில் நடந்தது. கூட்டத்தில், நகர்ப்புற …

Leave a Reply

Your email address will not be published. Required fields are marked *

MyHoster