Breaking News
Home / செய்திகள் / அண்ணா, எம்ஜிஆர் சிலைகளுக்கு கொரோனா மாஸ்க் !!

அண்ணா, எம்ஜிஆர் சிலைகளுக்கு கொரோனா மாஸ்க் !!

அண்ணா, எம்.ஜி.ஆர்., ஆகிய தலைவர்களின் சிலைகளுக்கு அடையாளம் தெரியாத நபர்கள் முகக் கவசம் அணிவித்த சம்பவம் கோவையில் பெரும் பரபரப்பை ஏற்படுத்தியது.

 

கொரோனா தொற்று பரவலை கட்டுப்படுத்த பொதுமக்கள் வீட்டைவிட்டு வெளியே செல்லும்போது முக கவசம் அணிவது கட்டாயம் என மத்திய, மாநில அரசுகள் தொடர்ந்து அறிவுறுத்தி வருகின்றன,

இதனால் பொதுமக்கள் அதிகம் கூடும் பெரும்பாலான இடங்களில் சிறுவர்கள் முதல் பெரியவர்கள் வரை அனைவரும் முகக் கவசம் அணிந்து வருவதை வழக்கமாக கொண்டுள்ளனர்.

இந்த நிலையில், கோவை நஞ்சுண்டாபுரம் பேருந்து நிறுத்தம் அருகே உள்ள எம்.ஜி.ஆர் மற்றும் அண்ணா சிலைகளுக்கு நேற்று நள்ளிரவில் அடையாளம் தெரியாத நபர்கள் முகக் கவசம் அணிவித்து சென்றுள்ளனர்.

 

தலைவர்களின் சிலைகளுக்கு முகக் கவசம் அணிவித்து இருப்பதை இன்று காலை பார்த்த அப்பகுதி மக்கள் அதிர்ச்சியடைந்தனர். இதனால் அந்தப் பகுதியில் சிறிது நேரம் பரபரப்பு ஏற்பட்டது.

இதனைத் தொடர்ந்து, அப்பகுதியை சேர்ந்த எம்.ஜி.ஆர். மற்றும் அண்ணாவின் விசுவாசிகள், சிலையில் இருந்த முகக் கவசங்களை அகற்றினர்.

 

கொரோனா தொற்றிலிருந்து தங்களை பாதுகாத்து கொள்ள மனிதர்கள் முகக் கவசம் அணியும் நிலையில், பொது இடத்தில் இருக்கும் தலைவர்களின் சிலைகளுக்கும் முகக் கவசம் அணிவிக்கப்பட்டதையறிந்து பொதுமக்கள் நொந்துக் கொண்டனர்.

 

 

Thanks To: Samayam

About Admin

Check Also

கோவை மாவட்டத்தை திமுக புறக்கணிக்கிறதா? மாஜி அமைச்சர் வேலுமணி

கோவை அதிமுக தலைமை அலுவலகத்தில் முன்னாள் அமைச்சர் எஸ் பி வேலுமணி கூறியதாவது:கோவைக்கு வந்த ஸ்டாலின் சாலைகளை சீரமைக்க உத்தரவிடுவார் …

Leave a Reply

Your email address will not be published. Required fields are marked *

MyHoster