Rathiri Rounds Never Stop
Related Articles
கொரோனா வைரஸ் பாதிப்பால் உயிரிழந்தவர்களின் எண்ணிக்கை இந்தியாவில் 14 ஆயிரத்தை தாண்டியுள்ளது. அதேசமயம் புதிய பாதிப்புகள் சற்றே குறைந்திருக்கின்றன.
இந்தியாவில் நாளுக்கு நாள் கொரோனா வைரஸ் பாதிப்பு அதிகரித்துக் கொண்டிருக்கிறது. இதனைக் கட்டுப்படுத்த மத்திய, மாநில அரசுகள் பல்வேறு நடவடிக்கைகள் எடுத்து வருகின்றன. நாட்டின் தற்போதைய நிலை குறித்து இங்கே காணலாம்.
எகிறிய பலி எண்ணிக்கை
இந்தியாவில் நேற்று புதிதாக கொரோனா வைரஸ் பாதிப்பு கடந்த 3 நாட்களில் முதல்முறையாக 15,000ஐ விடக் குறைந்து காணப்பட்டது. அதேசமயம் புதிதாக 314 பேர் பலியானதன் மூலம் மொத்த எண்ணிக்கை 14,000ஐ தாண்டியுள்ளது. தற்போதைய நிலவரப்படி 14,006 பேர் இந்தியாவில் கோவிட்-19 பாதிப்பால் உயிரிழந்துள்ளனர். இதன்மூலம் மொத்த வைரஸ் பாதிப்பு 4.4 லட்சத்தை தாண்டியுள்ளது. இதில் 2.47 லட்சம் பேர் குணமடைந்துள்ளனர்.
உச்சம் தொட்ட மாநிலங்கள்
கடந்த 6 நாட்களில் முதல்முறையாக புதிய உச்சம் தொடாமல் வைரஸ் தொற்று காணப்படுகிறது. இந்த 6 நாட்களில் புதிதாக 87,000 பேருக்கு கொரோனா பாதிப்பு கண்டறியப்பட்டுள்ளது. நேற்றைய தினம் 14,778 பேருக்கு புதிதாக வைரஸ் தொற்று உறுதி செய்யப்பட்டுள்ளது. இது முந்தைய நாளில் பதிவான 15,372ஐ விட குறைவாகும். தமிழ்நாடு(2,710), தெலங்கானா(872), கேரளா(138), நாகாலந்து(69), மணிப்பூர்(57) ஆகிய மாநிலங்களில் கொரோனா பாதிப்பில் புதிய உச்சங்களை தொட்டுள்ளன.
மகாராஷ்டிர நிலவரம்
மகாராஷ்டிர மாநிலத்தில் நேற்று புதிதாக 3,721 பேருக்கு கோவிட்-19 பாதிப்பு உறுதி செய்யப்பட்டுள்ளது. இதன்மூலம் அம்மாநிலத்தில் மொத்த பாதிப்பு 1,35,796ஆக அதிகரித்துள்ளது. கடந்த 6 நாட்களாக தொடர்ந்து 3,000க்கும் அதிகமான பாதிப்புகளை மகாராஷ்டிரா பதிவு செய்துள்ளது. அதேசமயம் வாராந்திர வைரஸ் பரவல் விகிதம் 3 சதவீதமாக குறைந்திருக்கிறது.
டெல்லியில் பாதிப்பு
நேற்று இம்மாநிலத்தில் 113 பேர் பலியாகியுள்ளனர். இதில் 51 பேர் கடந்த வாரங்களில் பலியானவர்கள் ஆவர். கடந்த 48 மணி நேரத்தில் 62 பேர் கொரோனா வைரஸால் உயிரிழந்துள்ளனர். இதன்மூலம் மொத்த பலி 6,283ஆக அதிகரித்துள்ளது. மும்பையில் மட்டும் நேற்று 66 பேர் பலியாகி இருக்கின்றனர். டெல்லியில் புதிதாக 2,909 பேருக்கு கொரோனா வைரஸ் பாதிப்பு கண்டறியப்பட்டது.
தீவிர பாதிப்பில் தமிழ்நாடு
கடந்த சில நாட்களாக 3,000க்கும் அதிகமான பாதிப்புகள் பதிவான நிலையில் சற்றே குறைந்துள்ளது. தமிழகத்தில் அனைத்து மாநிலங்களிலும் கொரோனா வைரஸ் பாதிப்பு பரவியுள்ளது. இங்கு மொத்த பாதிப்பு 62,087ஆக உயர்ந்துள்ளது. புதிதாக 37 பேர் பலியானதன் மூலம் எண்ணிக்கை 794ஆக அதிகரித்துள்ளது. சென்னையில் மிக மோசமான பாதிப்பு பதிவாகியுள்ளது.
Thanks To : Samayam news
