Rathiri Rounds Never Stop
Related Articles
கடலூரில் கிராமப் பகுதிகளில் தண்டோரா போட்டு அறிவிக்கப்படும் இந்த செய்தியானது கலெக்டர் உத்தரவு என்றும், இதனை மீறினால் கடுமையான முறையில் நடவடிக்கை எடுக்கப்படும் என்றும் பரவி வருகிறது.
சென்னையில் இருந்து வருவோரை யாரும் அனுமதிக்கக்கூடாது என்றும் மீறி அனுமதித்தால் அவர்கள் மீது நடவடிக்கை எடுக்கப்படும் என்றும் மாவட்ட ஆட்சியர் உத்தரவிட்டுள்ளார்.
கொரோனா வைரஸ் பரவல் தமிழகத்தில் நாளுக்கு நாள் அதிகரித்து வரும் நிலையில்,
சென்னை மற்றும் அதன் சுற்றூவட்டாரப் பகுதிகளில் அடிவேகமாகவும் அதிக எண்ணிக்கையிலும் அதிகரித்து வருகிறது. இதனைத் தடுக்க தொடர் ஊரடங்கு அமல்படுத்தப்பட்டிருந்தாலும், மக்களின் அன்றாட வாழ்க்கை பாதிக்கப்படுவது தொடர்கதையாக இருக்கிறது.
இதனால், சென்னையை விட்டுக் கூட்டம் கூட்டமாக,குடும்பம் குடும்பமாக மக்கள் வேறு ஊர்களுக்குச் செல்வது அதிகரித்து உள்ளது. இந்நிலையில் சென்னையில் இருந்து யாரேனு, வந்தால் தங்கள் வீடுகளில் அனுமதிக்கக் கூடாது என்று கடலூர் மாவட்டத்தின் கிராமங்களுக்கு அறிவிப்புச் செய்யப்பட்டுள்ளதாக வீடியோ வெளியாகி பரவி வருகிறது.
ஆனால், மாவட்டத்தின் பெயரோ கிராமத்தின் பெயரோ குறிப்பிடப்படாமல் அந்த வீடியோ இருந்தது சந்தேகத்தை ஏற்படுத்தியது. இது தொடர்பாக, கடலூர் மாவட்ட நிர்வாக அதிகாரிகளிடம் சமயம் தமிழ் பேசியபோது, “காலையிலிருந்தே இந்த வீடியோ பரவுவதாகவும் எங்களுக்கு இது குறித்து ஏதும் தெரியாது” என்றும் தெரிவிக்கின்றனர்.
கிராமப் பகுதிகளில் தண்டோரா போட்டு அறிவிக்கப்படும் இந்த செய்தியானது கலெக்டர் உத்தரவு என்றும், இதனை மீறினால் கடுமையான முறையில் நடவடிக்கை எடுக்கப்படும் என்றும் அறிவுறுத்துகிறது.
Thanks to : samayam
