Rathiri Rounds Never Stop
Related Articles
கொரோனாவின் தாக்கம் தங்கநகைகளிலும் வந்துவிட்டது. கொரோனா வைரஸ் வடிவில் தங்கத்தால் செய்யப்பட்ட ஜிமிக்கி கம்மல்கள் பெண்களிடம் அமோக வரவேற்பை பெற்றுள்ளது.
உலகம் முழுவதும் தற்போது கொரோனாவின் தாக்கம் அதிகரித்துக் கொண்டிருக்கிறது. கொரோனா மீது பொதுமக்களிடம் அச்சம் இருந்தாலும் கொரோனாவை வைத்து பல்வேறு வியாபாரங்களும் நடைபெற்றுகொண்டுதான் இருக்கின்றன. குறிப்பாக முக கவசங்கள் பல்வேறு வடிவங்களில் தற்போது விற்பனை செய்யப்பட்டு வருகின்றன. இதெல்லாம் பொதுமக்கள் எளிதில் வாங்க கூடியவையாக உள்ளது.
ஆனால் தற்போது, கொரோனா வைரஸ் வடிவில் செய்யப்பட்ட தங்க ஜிமிக்கி கம்மல்கள் பெண்களின் கவனத்தை ஈர்த்து வருகின்றன. புதுக்கோட்டை தெற்கு ராஜவீதியில் நகைக்கடை மற்றும் நகைப் பட்டறை வைத்திருக்கும் வீரமணி என்பவர் கொரோனா வைரஸ் வடிவில் 2 கிராம் முதல் 4 கிராம் வரை ஜிமிக்கி கம்மல்களை தயாரித்து விற்பனைக்கு அறிமுகப்படுத்தியுள்ளார்.
தான் வடிவமைத்த ஜிமிக்கி கம்மல் குறித்த தகவல்களை வீரமணி சமூக வலைதளத்தில் பதிவிட்டிருந்தார். இது பெண்களிடம் நல்ல வரவேற்பை பெற்றதோடு, அவரிடம் இதுபோன்ற ஜிமிக்கி கம்மல் தயாரித்துத் தருமாறு ஏராளமான ஆர்டர்கள் வரத் தொடங்கியுள்ளன.
இதனால் தற்போது பிற நகைகளை தயாரிப்பதை விட்டுவிட்டு கொரோனா வைரஸ் வடிவில் ஜிமிக்கி கம்மல் தயாரிக்கும் பணியை தீவிரப்படுத்தியுள்ளார் வீரமணி. தங்க நகைகள் அதிக விலைக்கு விற்பனை செய்யப்பட்டாலும் பெண்களிடம் தங்கத்திற்கான மவுசு இன்னும் குறையவில்லை என்பதையே இது காட்டுகிறது.
Thanks To: Samayam
