விஜய் முறையாக வரி செலுத்தியுள்ளதாக வருமான வரித்துறை தகவல்

அந்த கணக்கும் நடிகர் விஜய் வருமான வரித்துறையிடம் கொடுத்த கணக்கும் முரண்பாடாக இருந்தது. இதையடுத்து வருமான வரித்துறை அதிகாரிகள்  கடந்த பிப்ரவரி 5-ந்தேதி அதிரடியாக நடிகர் விஜய்க்கு சொந்தமான பனையூர், சாலிகிராமத்தில் உள்ள வீடுகள், அலுவலகங்கள் மற்றும் பிகில் திரைப்பட தயாரிப்பு நிறுவனமான ஏஜிஎஸ் குழுமம், சினிமா பைனான்சியர்

அன்புச்செழியன் ஆகியோருக்கு சொந்தமான இடங்களில் அதிரடி சோதனை நடத்தினர்.

அப்போது அன்பு செழியன் வீட்டில் ரூ-.77 கோடி ரொக்கப்பணம் மற்றும் சோதனை நடந்த இடங்களில் ஏராளமான ஆவணங்களையும் எடுத்து சென்றார்கள்.

இந்த சோதனையில்  கிடைத்த ஆவணங்களின் படி வருமான வரித்துறை அதிகாரிகள் விசாரணை நடத்தினர். அப்போது கைப்பற்றப்பட்ட ஆவணங்களின்படி நடிகர் விஜய் நடித்து வரும் ‘மாஸ்டர்’ படத்தின் இணை தயாரிப்பாளர் லலித்குமார் வீட்டில் நேற்று வருமான வரித்துறை அதிகாரிகள்  விசாரணை நடத்தினர்.

இதன் தொடர்ச்சியாக சென்னை பனையூரில் உள்ள நடிகர் விஜய் வீட்டில் வருமான வரித்துறை அதிகாரிகள் மீண்டும் சோதனையில் ஈடுபட்டனர்.

3 வாகனங்களில் வந்த 8-க்கும் அதிகமான வருமான வரித்துறை அதிகாரிகள் சோதனை நடத்தினர்.  ஏற்கனவே கைப்பற்றப்பட்ட ஆவணங்களை சரிபார்த்து ஆய்வில் ஈடுபட்டுனர்.

இந்நிலையில்  நடிகர் விஜய் முறையாக வரி செலுத்தி உள்ளதாகவும்  பிகில் படத்திற்கு ரூ.50கோடி, மாஸ்டர் படத்திற்கு ரூ.80 கோடியை விஜய் சம்பளமாக பெற்றுள்ளதாகவும் 2 படங்களின் வருவாய்க்கும் விஜய் முறையாக வரி செலுத்தி உள்ளதாக வருமானவரித்துறை அதிகாரிகள் தரப்பில் தெரிவிக்கப்பட்டுள்ளதாக தகவல் தெரிவிக்கின்றது.