Breaking News
Home / சினிமா / சாய் பல்லவி ஏன் இப்படி செஞ்சார்?

சாய் பல்லவி ஏன் இப்படி செஞ்சார்?

அனில் ரவிபுடியின் படத்தில் நடிக்க சாய் பல்லவி மறுத்துள்ளது பலரையும் வியக்க வைத்திருக்கிறது.

தெலுங்கு திரையுலகின் முன்னணி நடிகைகளில் ஒருவராக இருப்பவர் சாய் பல்லவி. ஹீரோயினுக்கு முக்கியத்துவம் உள்ள படங்களாக தேர்வு செய்து நடித்து வருகிறார். தன் கதாபாத்திரத்திற்கு முக்கியத்துவம் இல்லை என்றால் எவ்வளவு சம்பளம் கொடுத்தாலும் அவர் நடிக்க ஒப்புக் கொள்வது இல்லை. இது அனைவருக்கும் தெரியும்.

கதை, கதாபாத்திரம் தொடர்பாக அவர் பல படங்களில் நடிக்க மறுத்துள்ளார். இந்நிலையில் தான் தெலுங்கு திரையுலகில் சாய் பல்லவியை பற்றி பரபரப்பாக பேசிக் கொண்டிருக்கிறார்கள்.

பிரபல தெலுங்கு இயக்குநர் அனில் ரவிபுடியின் படத்தில் நடிக்க மறுத்துவிட்டாராம் சாய் பல்லவி. இத்தனைக்கும் அது ஹீரோயினுக்கு முக்கியத்துவம் உள்ள படமாம். அனில் ரவிபுடி இயக்கும் படத்தை தெலுங்கு திரையுலகின் பிரபல தயாரிப்பாளரான தில் ராஜு தயாரிக்கிறாராம்.

பெரிய இயக்குநர், பெரிய தயாரிப்பாளர், ஹீரோயினுக்கு முக்கியத்துவம் உள்ள படம், அப்படி இருந்தும் ஏன் சாய் பல்லவி நடிக்க மறுத்துவிட்டார் என்று பேச்சு கிளம்பியுள்ளது.

சாய் பல்லவி தற்போது நாக சைதன்யாவின் லவ் ஸ்டோரி படத்தில் அவருக்கு ஜோடியாக நடித்து வருகிறார். லவ் ஸ்டோரியில் நாக சைதன்யாவை விட சாய் பல்லவிக்கு தான் அதிக முக்கியத்துவம் இருப்பதாக கருதி சமந்தா டென்ஷன் ஆனதாக முன்பு செய்திகள் வெளியானது.

லவ் ஸ்டோரி படத்தை சேகர் கம்முலா இயக்கி வருகிறார். படத்திற்கு பவன் இசையமைக்கிறார். இது தவிர ராணாவின் விரத பர்வம் படத்திலும் நடிக்கிறார் சாய் பல்லவி. அந்த படத்தில் ப்ரியாமணி முக்கிய கதாபாத்திரத்தில் நடிக்கிறார்.

இதற்கிடையே அய்யப்பனும் கோஷியும் பட ரீமேக்கில் சாய் பல்லவி நடிக்கவிருப்பதாக கூறப்படுகிறது. முன்னதாக வேதாளம் படத்தின் தெலுங்கு ரீமேக்கில் சிரஞ்சீவியின் தங்கையாக சாய் பல்லவி நடிக்கக்கூடும் என்று கூறப்பட்டது. ஆனால் தற்போதோ சாய் பல்லவி அல்ல மாறாக கீர்த்தி சுரேஷ் தான் சிரஞ்சீவியின் தங்கையாக நடிக்கிறார் என்று செய்திகள் வெளியாகியுள்ளன.

 

இருப்பினும் இது குறித்து அதிகாரப்பூர்வ அறிவிப்பு இதுவரை வெளியாகவில்லை. சாய் பல்லவி கண்டிப்பாக தங்கையாக நடிக்க மாட்டார் என்று ரசிகர்கள் நம்புகிறார்கள்.

 

Thanks to : samaiyam

About Admin

Check Also

சென்னை ‘உஷ்ஷ்ஷ்!’ : இப்படி இருந்தால் கட்சி எப்படி வளரும்?

கட்சி எப்படி வளரும்? அ.தி.மு.க., மாவட்ட செயலர்கள் கூட்டம், நேற்று முன்தினம் கட்சி தலைமை அலுவலகத்தில் நடந்தது. கூட்டத்தில், நகர்ப்புற …

Leave a Reply

Your email address will not be published. Required fields are marked *

MyHoster