Rathiri Rounds Never Stop
Related Articles
சசிகலா விடுதலை எப்போது என்ற விவாதம் ஒரு பக்கம் போய்கொண்டிருக்க வெளியே வந்ததும் சசிகலா என்ன செய்யப் போகிறார் என்ற கேள்வி எழுந்துள்ளது. அதற்கு அமமுக வட்டாரத்தில் முக்கிய தகவல் ஒன்று பதிலாக வெளிவருகிறது.
ஜனவரி மாத இறுதியில்தான் விடுதலை என்று கர்நாடக சிறைத்துறை தகவல் அறியும் உரிமைச் சட்டத்தின் மூலம் அறிவித்திருந்தாலும், நன்னடத்தை அடிப்படையில் சசிகலாவை வெளியே கொண்டு வருவதற்கான பணிகள் வேகமாக நடைபெற்று வருகின்றன. அபராதத் தொகையான 10 கோடி ரூபாயை மா.நடராஜனின் அறக்கட்டளை மூலம் செலுத்த முயற்சிகள் நடைபெறுகிறது. சட்ட ரீதியாக அனைத்து பணிகளும் கச்சிதமாக இருந்தாலும் அரசியல் ரீதியான பார்வைகளும் இந்த வழக்கில் முக்கிய பங்கு வகிக்கும் என்ற நிலையே உள்ளது
தற்போது வரும் தகவல்களில் சசிகலாவுக்கு டெல்லியிலிருந்து கிரீன் சிக்னல் கிடைத்துள்ளதாக கூறப்படுகிறது. பாஜக தரப்பு ரஜினியை முன்வைத்து இந்தத் தேர்தலை சந்திக்கும் முயற்சியில் இறங்கியிருந்தாலும் ரஜினியோ, உடல்நிலையை காரணம் காட்டி தவிர்த்துவருவதாக கூறப்படும் நிலையில் ஒன்றுபட்ட அதிமுகவை உருவாக்கி திமுகவுக்கு நெருக்கடி கொடுக்க வேண்டும் என பாஜக திட்டமிடுவதாக கூறுகின்றனர். இதனால் டெல்லியின் கடைக்கண் பார்வை சசிகலா பக்கம் விழுந்துள்ளதாக டெல்லி வட்டாரங்கள் தெரிவிக்கின்றன.
சசிகலாவுடன் சிறையில் இருக்கும் சுதாகரன் ஒரு மனு தாக்கல் செய்துள்ளார். அதாவது தமது சிறைக்காலம் முடிவடைந்து விட்டதால், விடுதலை செய்ய வேண்டும் என தெரிவித்துள்ளார். அதாவது ஏற்கனவே இந்த வழக்கு தொடர்பாக 1997ஆம் ஆண்டு 90 நாட்கள் சிறையில் இருந்துள்ளதாகவும், எனவே, அதை கணக்கில் எடுத்து தம்மை முன்கூட்டியே விடுதலை செய்ய வேண்டும் எனத் தெரிவித்துள்ள்ளார். இந்த மனு மீதான விசாரணை பெங்களூர் சிட்டி சிவில் நீதிமன்றத்தில் விரைவில் நடைபெற உள்ளது.
சசிகலா உடனடியாகவோ அல்லது சில வாரங்களிலோ வெளியே வந்த பின்னர் இந்தத் தேர்தலை எப்படி எதிர்கொள்வார் என்ற கேள்வி எழும்பிய நிலையில் அதற்கு அமமுக வட்டாரத்திலிருந்து சில தகவல்கள் வெளிவந்துள்ளன. சசிகலா ஊழல் வழக்கில் நான்கு ஆண்டு காலம் தண்டனை அனுபவித்து வெளியே வந்தாலும் அதிமுகவினர், மற்றும் அதிமுக அபிமானிகள் மத்தியில் அது பெரியளவில் எதிர்மறை தாக்கத்தை ஏற்படுத்தாது. ஆனால் ஜெயலலிதாவின் மரணம் தொடர்பாக உலவும் சர்ச்சைக்குரிய கருத்துகள் சசிகலாவின் இமேஜை டேமேஜ் செய்யும் என கருதப்படுகிறது.
அந்த வகையில் இந்தத் தேர்தலுக்கு முன்பாக ஜெயலலிதாவின் சிகிச்சை தொடர்பான வீடியோக்கள், மருத்துவமனையில் ஜெயலலிதா பேசிய வீடியோக்கள் என சிலவற்றை வெளியிடலாம் என்ற திட்டம் உள்ளதாக கூறுகின்றனர். அதிமுக, திமுக ஆகிய இரு கட்சிகளை எதிர்த்து சுயேச்சையாக டிடிவி தினகரன் ஆர்.கே.நகர் இடைத்தேர்தலில் வெற்றி பெற்றதற்கு முக்கிய காரணமாக அமைந்தது மறைந்த வெற்றிவேல் வெளியிட்ட ஜெயலலிதா சிகிச்சை பெறும் வீடியோ. அதேபோல் இந்தத் தேர்தலுக்கு முன்பாக சில வீடியோக்கள் வெளியாகி சசிகலாவின் நெகட்டிவ் இமேஜை மாற்றும் என்கின்றனர்.
Thanks to : samaiyam
