Breaking News
Home / கல்வி / செல்போன் வாங்க சாக்கடை அள்ளும் மாணவர் !!!

செல்போன் வாங்க சாக்கடை அள்ளும் மாணவர் !!!

ஆன்லைன் வகுப்பில் கலந்து கொள்வதற்தாக செல்போன் வாங்க பணமில்லாமல் சாக்கடை அள்ளும் பணியில் மாணவர் ஒருவர் ஈடுபட்டது சோகத்தையும் அதிர்ச்சியையும் ஏற்படுத்தியுள்ளது

கொரோனா பரவலை கட்டுக்குள் கொண்டு வரும் நடவடிக்கையாக நாடு முழுவதும் கல்வி நிறுவனங்கள் மூடப்பட்டுள்ளன. தமிழகத்தை பொறுத்தவரை பள்ளி, கல்லூரிகள் உள்ளிட்ட கல்வி நிறுவனங்கள் கடந்த மார்ச் மாதம் 16ஆம் தேதி முதல் மூடப்பட்டுள்ளன.

கல்வி நிறுவனங்கள் திறப்பது தொடர்பான முடிவுகள் இன்னும் அதிகாரப்பூர்வமாக எடுக்கப்படாத நிலையில், தமிழக அரசு தொலைக்காட்சி வாயிலாக அரசு பள்ளி மாணவர்களுக்கு பாடங்களை எடுத்து வருகிறது. மேலும், ஆன்லைன் மூலம் பள்ளி மாணவர்களுக்கு வகுப்புகள் எடுக்கப்பட்டு வருகின்றன. குறிப்பாக, தனியார் பள்ளிகள் ஆன்லைன் வகுப்புகளை தீவிரமாக எடுத்து வருகின்றன.

ஆன்லைன் வகுப்புக்கு ஸ்மார்ட்போன், மடிக்கணினி மற்றும் இணைய வசதிகள் தேவைப்படுகின்றன. ஆனால், கிராமப்புறங்களிலும் 44 சதவீத பேரிடமும் நகரங்களில் 65 சதவீத பேரிடம் மட்டுமே இணையதள வசதி உள்ளதால் ஆன்லைன் கல்வி அனைவருக்கும் சென்று சேருவதில்லை

செல்போன் இல்லாத பல மாணவர்களின் பெற்றோர்கள் மிகுந்த சிரமத்துடன் தங்களது குழந்தைகளுக்கு செல்போன் வாங்கிக்கொடுத்துள்ளனர். அதேசமயம், கொரோனா பொது முடக்கத்தால் வாழ்வாதாரத்தை இழந்துள்ள பல பெற்றோர்களால் தங்களது குழந்தைகளுக்கு செல்போன்கள் வாங்கித் தர இயலவில்லை.

மேலும், ஆன்லைன் வகுப்பில் பங்கேற்க அடிப்படை வசதிகள் இல்லாத மாணவர்கள் மன உளைச்சலுக்கு ஆளாவார்கள் என்றும், ஆன்லைன் வகுப்புகளை அரசு தடை செய்ய வேண்டும் என்றும் கல்வியாளர்கள் கூறி வருகின்றனர். ஆன்லைன் வகுப்பில் பங்கேற்க முடியாத மன உளைச்சலால் சில மாணவர்கள் தற்கொலை செய்துகொண்ட சம்பவங்களும் அரங்கேறியுள்ளன.

இந்த நிலையில், சென்னை அருகே கொடுங்கயூரைச் சேர்ந்த பன்னிரெண்டாம் வகுப்பு மாணவர் ஒருவர், ஆன்லைன் வகுப்புகளுக்கு செல்போன் போன் வாங்க பணம் இல்லாததால், கோயம்பேடு அருகே உள்ள ஒரு வடிகால் சுத்தம் செய்யும் பணியில் ஈடுபட்டுள்ளார். இது தொடர்பான புகப்படங்கள் வெளியாகி சோகத்தை ஏற்படுத்தியுள்ளது. ஏற்கனவே, மனித கழிவுகளை மனிதனே அள்ளும் முறைக்கு தடை வேண்டும் என்ற கோரிக்கைகள் வலுவாக எழுந்து வரும் நிலையிலும், குழந்தைகளை பணியில் அமர்த்துவதற்கு தடை இருக்கும் போதிலும், பள்ளி செல்லும் சிறுவன் சாக்கடை அள்ளும் பணியில் ஈடுபட்டுள்ளது அதிர்ச்சியை ஏற்படுத்தியுள்ளது.

முன்னதாக, ஆன்லைன் வகுப்புகளுக்கான வழிகாட்டு நெறிமுறைகளை வெளியிட்டுள்ள தமிழக அரசு, ஆன்லைன் வகுப்புகளில் மாணவர்கள் கட்டாயம் பங்கேற்க வேண்டும் என்ற அழுத்தம் கொடுக்கக் கூடாது, என்றும் பள்ளிகளில் இந்த விவகாரத்தில் விதிகளை மீறிச் செயல்பட்டால் அவற்றின் மீது சட்ட ரீதியான நடவடிக்கை எடுக்கப்படும் என்றும் எச்சரிக்கை விடுத்துள்ளது என்பது குறிப்பிடத்தக்கது.

 

Thanks to : news 18

About Admin

Check Also

கோவை மாவட்டத்தை திமுக புறக்கணிக்கிறதா? மாஜி அமைச்சர் வேலுமணி

கோவை அதிமுக தலைமை அலுவலகத்தில் முன்னாள் அமைச்சர் எஸ் பி வேலுமணி கூறியதாவது:கோவைக்கு வந்த ஸ்டாலின் சாலைகளை சீரமைக்க உத்தரவிடுவார் …

Leave a Reply

Your email address will not be published. Required fields are marked *

MyHoster