ஆரவுக்கு இன்று திருமணம் நடைபெற்றது. அதில் பிக் பாஸ் பிரபலங்கள் கலந்து கொண்டு மணமக்களை வாழ்த்தினார்கள்.
பிக் பாஸ் நிகழ்ச்சியின் முதல் சீசன் மூலம் பிரபலமானவர் ஆரவ். அதன் பிறகு அவரை தேடி பட வாய்ப்புகள் வரவே நடிப்பதில் பிசியாகிவிட்டார். இந்நிலையில் கவுதம் மேனன் இயக்கியுள்ள ஜோஷ்வா இமை போல் காக்க படம் மூலம் நடிகையாகும் ராஹீ என்பவரை
ஆரவ் காதலிப்பதாகவும், அவர்களுக்கு செப்டம்பர் மாதம் 6ம் தேதி திருமணம் என்றும் தகவல் வெளியானது.
திருமணம் குறித்து ஆரவ் எதுவும் கூறவில்லை. அதனால் இது வதந்தியாக இருக்கும் என்று ஓவியா ரசிகர்கள் நினைத்தார்கள். ஆனால் இது வதந்தி இல்லை. நிஜமாகவே இன்று ஆரவுக்கும், ராஹீக்கும் திருமணம் நடந்துள்ளது. திருமணத்தில் பிக் பாஸ் பிரபலங்களான ஆர்த்தி, சினேகன், காயத்ரி, பிந்து மாதவி, ஹரிஷ் கல்யாண், சுஜா வருணி உள்ளிட்டோர் கலந்து கொண்டுள்ளனர்.
ஆரவ் திருமணத்தின்போது எடுத்த புகைப்படத்தை ட்விட்டரில் வெளியிட்டு தன் மகிழ்ச்சியை வெளிப்படுத்தியுள்ளார் ஆர்த்தி. அவர் வெளியிட்டுள்ள புகைப்படத்தை பார்த்து ஓவியா ரசிகர்களுக்கு ஒரு நிமிடம் தலையே சுத்திருச்சு.
ஆரவ் திருமண புகைப்படத்தை பார்த்த ஓவியா ரசிகர்கள் கூறியிருப்பதாவது,
ஆரவ் நிஜமாகவே ஓவியாவை பிரிந்துவிட்டார் என்பது இப்போது தான் புரிகிறது. ஓவியா இருக்க வேண்டிய இடத்தில் யாரோ ஒருவர் இருப்பதை பார்க்க கஷ்டமாக இருக்கிறது. இருந்தாலும் பரவாயில்லை, நல்லா இருங்க ஆரவ் என்று தெரிவித்துள்ளனர்.
பிக் பாஸ் வீட்டில் இருந்தபோது ஓவியா, ஆரவ் இடையே காதல் ஏற்பட்டது. பிக் பாஸ் நிகழ்ச்சி முடிந்த பிறகும் இருவரும் காதலை தொடர்ந்தார்கள். ஜோடியாக ஊர் சுற்றினார்கள். அவர்கள் ஜோடியாக வெளிநாட்டிற்கு சென்றபோது எடுக்கப்பட்ட வீடியோ சமூக வலைதளத்தில் வெளியாகி வைரலானது. ஆரவின் ராஜபீமா படத்தில் ஒரு பாடலுக்கு டான்ஸ் ஆடினார் ஓவியா.
ஓவியாவின் பிறந்தநாளுக்கு அவருக்கு கேக் எல்லாம் ஊட்டிவிட்டார் ஆரவ். அதனால் ஆரவ் நிச்சயமாக ஓவியாவை தான் திருமணம் செய்து கொள்வார் என்று ரசிகர்கள் நம்பினார்கள். இந்நிலையில் தனக்கு திருமணத்தில் நம்பிக்கை இல்லை என்று கூறினார் ஓவியா.
சரி ஆரவ், ஓவியா இடையே ஏதோ பிரச்சனை போன்று. ஆனால் பிரச்சனை தீர்ந்து மீண்டும் ஒன்று சேர்ந்துவிடுவார்கள் என்று ரசிகர்கள் நம்பினார்கள். இந்நிலையில் ஆரவ் தன் காதலியை திருமணம் செய்து கொண்டுள்ளார்.
ஆரவுக்கு திருமணம் நடந்ததை பார்த்து பிக் பாஸ் பார்வையாளர்கள் அவரை வாழ்த்தியுள்ளனர். பிக் பாஸ் வீட்டில் உருவாகும் காதல் நிலைக்காது என்று எங்களுக்கு ஏற்கனவே தெரியும். அதற்கு ஆரவ், ஓவியா காதல் ஒன்றும் விதிவிலக்கு அல்ல என்று தெரிவித்துள்ளனர்.
Thanks to : samaiyam
Rathiri Rounds Never Stop