Breaking News
Home / கல்வி / ஆன்லைன் வகுப்பு ; புது உத்தரவு!

ஆன்லைன் வகுப்பு ; புது உத்தரவு!

சென்னையில் சில நாட்கள் ஆன்லைன் வகுப்புக்கு வராத 14 வயது மாணவி ஒருவருக்கு பெற்றோர் திருமண ஏற்பாடுகள் செய்து வந்த விவகாரத்தை போல் வேவ்வேறு காரணங்களை கூறிக் கொண்டு, ஏராளமான மாணவர்கள் பள்ளி படிப்பை பாதியிலே கைவிட வேண்டிய கட்டாயத்திற்கு தள்ளப்படுகின்றனர்…

தலைநகர் சென்னையில் 14 வயது மாணவி ஒருவர் ஆன்லைன் வகுப்புக்கு 5 நாள் வரவில்லை. என்ன விவரம் எனச் சம்பந்தப்பட்ட ஆசிரியர் மாணவியின் வீட்டை தொடர்பு கொண்டு கேட்டுள்ளார். அப்போது அந்த 14 வயது சிறுமிக்கு வீட்டில் திருமண ஏற்பாடுகள் நடந்து வந்துள்ளது தெரியவந்துள்ளது.

அதிர்ந்துபோன ஆசிரியர், குழந்தைகள் நல அலுவலரிடம் தகவலைக் கூறி, பெற்றோருக்கு முறையான ஆலோசனை வழங்க வழி வகை செய்துள்ளார். இந்த சம்பவம் செங்குன்றம் பகுதியில் உள்ள அரசுப் பள்ளியில் நிகழ்ந்துள்ளது.

குறிப்பிட்ட மாணவியின் பெற்றோரைக் குழந்தைகள் நல அலுவலர் தொடர்பு கொண்டு கேட்டபோது, போதிய பணமில்லை என்ற காரணத்தினாலே படிப்பை நிறுத்துவதாகக் கூறியுள்ளனர். இதையடுத்து அந்த சிறுமியின் பெற்றோருக்கு அதிகாரிகள் ஆலோசனை வழங்கினர்.

இதற்கிடையே சமீப நாட்களாக ஸ்மார்ட் போன் இல்லை, வருமானம் இல்லை என மாணவர்கள் பலர் படிப்பைப் பாதியிலே நிறுத்தி வருகிறார்கள். தரவுகளின்படி 20 சதவீத மாணவர்களின் படிப்பு தடைப்பட்டுள்ளது.

“இப்போதைய நேரத்தில் மாணவர்களை அதிக அக்கரையோடு நாம் கண்காணிக்க வேண்டும். அதை நாங்கள் மேற்கொள்ள புதிய அட்டண்டன்ஸ் முறையைக் கொண்டு வந்துள்ளோம்” என்கிறார் தி. நகர் பெண்கள் அரசுப் பள்ளி ஆசிரியர் ஜீவ ராணி.

 

ஆம், ஸ்பாட் அட்டண்டன்ஸ் என்ற முறை பள்ளிகளில் அறிமுகப்படுத்தப்பட்டுள்ளது. அதன்படி, மாணவர்கள் ஒருநாள் ஆன் லைன் வகுப்பிற்கு வரவில்லை என்றாலும், அவர்களின் நிலை என்னவென்று கண்காணிக்கப்படும். தொலைப் பேசி வாயிலாக அல்லது நேரடியாக வீட்டிற்கே சென்று ஆசிரியர்கள் இந்த ஆய்வை மேற்கொள்வர்.

மாணவர்களின் கல்வி தடைப்படுவதற்கு ஆன்லைன் முறை என்பதே முக்கியக் காரணமாக உள்ளது. அரசுப் பள்ளி மாணவர்கள் பலரிடம் ஆன்லைன் வகுப்புகளில் இணைவதற்கான வசதிகள் இல்லை. இதன் காரணமாகக் கல்வி தடைப்படுகிறது.

தலைநகரிலே இந்த நிலை என்றால், தென் மாவட்டங்களில் மாணவிகள் நிலையைச் சொல்லத் தேவையில்லை. வருமானம் இல்லை, விலைவாசி உயர்வு என மக்கள் கடும் இன்னல்களுக்கு ஆளாகி வருகின்றனர். இதுபோன்ற வாழ்வாதார பிரச்சினை காரணமாக அடுத்த தலைமுறையினர் பலரின் கல்வி அறிவு மறுக்கப்படும் சூழல் உருவாகியுள்ளது. இந்த விவகாரத்தில் ஆக்கப்பூர்வமான ஒரு முடிவைத் தமிழ்நாடு அரசு மேற்கொள்ள வேண்டும் எனப் பெற்றோர்கள் கோரிக்கை வைக்கின்றனர்.

 

Thanks to : samaiyam

About Admin

Check Also

கோவை மாவட்டத்தை திமுக புறக்கணிக்கிறதா? மாஜி அமைச்சர் வேலுமணி

கோவை அதிமுக தலைமை அலுவலகத்தில் முன்னாள் அமைச்சர் எஸ் பி வேலுமணி கூறியதாவது:கோவைக்கு வந்த ஸ்டாலின் சாலைகளை சீரமைக்க உத்தரவிடுவார் …

Leave a Reply

Your email address will not be published. Required fields are marked *

MyHoster