Breaking News
Home / அரசியல் / எம்.பி வசந்தகுமார் உடல்நிலை கவலைக்கிடம்!

எம்.பி வசந்தகுமார் உடல்நிலை கவலைக்கிடம்!

கொரோனா தொற்று காரணமாக மருத்துவமனையில் அனுமதிக்கப்பட்டிருந்த எம்.பி வசந்தகுமாரின் உடல்நிலை மிகவும் கவலைக்கிடமாக இருப்பதாக தெரிவிக்கப்பட்டுள்ளது.

கன்னியாகுமரி  மக்களவை தொகுதி எம்.பியாகவும், தமிழ்நாடு காங்கிரஸ் கமிட்டியின் செயல் தலைவராகவும் இருக்கக்கூடியவர் ஹெச்.வசந்தகுமார். இவருக்கு கொரோனா வைரஸ் பாதிப்பிற்கான அறிகுறிகள் தென்பட்டதை அடுத்து, சென்னையில் உள்ள தனியார் மருத்துவமனையில் சிகிச்சைக்காக அனுமதிக்கப்பட்டார். இதையடுத்து நடத்தப்பட்ட பரிசோதனையில்

கொரோனா பாதிப்பு இருப்பது உறுதி செய்யப்பட்டது.

இதையொட்டி கடந்த சில நாட்களாக தொடர் சிகிச்சை பெற்று வந்தார். இந்த சூழலில் ஹெச்.வசந்தகுமார் உடல்நிலை குறித்து தமிழக காங்கிரஸ் கமிட்டி தலைவர் கே.எஸ் அழகிரி கூறுகையில், வென்டிலேட்டர் உதவியுடன் சிகிச்சை பெற்று வருகிறார். உடல்நிலை சீராக உள்ளது.

விரைவில் பூரண நலம் பெற்று திரும்புவார் என்று நம்புவதாக தெரிவித்திருந்தார். இந்நிலையில் வசந்தகுமாரின் உடல்நிலை மிகவும் கவலைக்கிடமாக இருப்பதாக தகவல் வெளியாகியுள்ளது. இது காங்கிரஸ் தொண்டர்களிடையே கலக்கத்தை ஏற்படுத்தியுள்ளது.

 

ஹெச்.வசந்தகுமார் ”வசந்த அண்ட் கோ” என்ற பெயரில் வீட்டு உபயோகப் பொருட்கள் விற்கும் கடை நடத்தி வருகிறார். இதற்கு தமிழகம் முழுவதும் ஏராளமான கிளைகள் இருக்கின்றன. மூத்த அரசியல் தலைவராகவும் இருந்து வருகிறார்.

இவர் தமிழக காங்கிரஸ் கமிட்டியின் முன்னாள் தலைவரும், மூத்த அரசியல் தலைவருமான குமரி அனந்தனின் தம்பி ஆவார். மேலும் தெலங்கானா ஆளுநர் தமிழிசை சவுந்தரராஜனின் சித்தப்பா என்பது குறிப்பிடத்தக்கது.

 

Thanks to : samaiyam

About Admin

Check Also

சென்னை ‘உஷ்ஷ்ஷ்!’ : இப்படி இருந்தால் கட்சி எப்படி வளரும்?

கட்சி எப்படி வளரும்? அ.தி.மு.க., மாவட்ட செயலர்கள் கூட்டம், நேற்று முன்தினம் கட்சி தலைமை அலுவலகத்தில் நடந்தது. கூட்டத்தில், நகர்ப்புற …

Leave a Reply

Your email address will not be published. Required fields are marked *

MyHoster