Breaking News
Home / அரசியல் / கர்நாடகா சிங்கத்தை கலாய்த்த சீமான்..!

கர்நாடகா சிங்கத்தை கலாய்த்த சீமான்..!

முன்னாள் ஐபிஎஸ் அதிகாரி அண்ணாமலை பாஜகவில் இணைந்தது ஒரு நகைச்சுவையான நிகழ்வு என்று சீமான் கருத்து தெரிவித்துள்ளார்.

முன்னாள் ஐபிஎஸ் அதிகாரி அண்ணாமலை பாஜகவில் இணைந்தது நகைச்சுவையாக உள்ளது என்று நாம் தமிழர் கட்சி ஒருங்கிணைப்பாளர் சீமான் விமர்சனம்

ராஜீவ்காந்தி கொலை வழக்கில் தண்டனை பெற்று வரும் பேரறிவாளன், நளினி உள்ளிட்ட 7 பேரை தேர்தல் லாபத்துக்காவது விடுவிக்கக்கோரி சீமான் போராட்டம் நடத்தினார்.

செய்தியாளர்களை சந்தித்து பேசிய அவர், இ பாஸ் நடைமுறை, அரியர் மாணவர்களுக்கு தேர்வு ரத்து மற்றும் கூட்டணி குறித்த கேள்விகளுக்கு பதிலளித்தார். அப்போது, முன்னாள் ஐபிஎஸ் அதிகாரி அண்ணாமலை பாஜகவில் சேர்ந்ததை குறித்து கருத்து தெரிவித்த அவர், ” அரசர் பீர்பால், தெனாலி ராமனின் கதையை போலத்தான் அண்ணாமலையின் கதையும். அது ஒரு நகைச்சுவை. அரசியலில் ஏற்படும் நெருக்கடியான சூழலில் நமக்கு ஒரு நகைச்சுவை தேவைப்படும். அந்த நகைச்சுவையாகத்தான் நான் அண்ணாமலை பாஜகவில் சேர்ந்ததை பார்க்கிறேன் என்றார்.

அரியர் வைத்துள்ள மாணவர்களும் தேர்வுக்கு விண்ணப்பத்திருந்தால் அந்த தேர்வுகளை ரத்து செய்யப்படுகிறது என்று தமிழக அரசு அறிவிப்புக்கு கருத்து தெரிவித்த சீமான், ” தற்போதையை சூழலில் உயிரோட இருப்பதே முக்கியம். ஆகையால் மாணவர்கள் இன்னும் இரண்டு வருடங்களுக்கு படிக்காமல் இருந்தாலும் பிரச்சினை இல்லை. படித்த ஆயிரக்கணக்கானோர் இளைஞர்களுக்கு இன்னமும் வேலை கிடைக்கவில்லை. இப்போது படித்தால் மட்டும் என்ன நடந்துவிட போகிறது என்றார்.

கமல் நடத்தும் பிக்பாஸ் நிகழ்ச்சியை குறித்து கேட்டதற்கு,, புறணி பேசுவதை விட்டுவிட்டு ஆக்கபூர்வமாக சிந்தியுங்கள் என கூறினார். செய்தியாளர் அந்த கேள்வியை எழுப்பிய சில நிமிடங்கள் அங்கிருந்த செய்தியாளர்கள் உட்பட அனைவரும் சிரித்தனர் என்பது குறிப்பிடத்தக்கது.

வரும் சட்டசபை தேர்தலில் நாம் தமிழர் கட்சி கூட்டணி வைக்குமா என்று கேட்டததற்கு, ” எங்கள் கொள்கைக்கு உடன்பட்ட கட்சி ஏதாவது இருந்தால் சொல்லுங்கள். நாங்கள் கூட்டணி அமைக்கிறோம் என்று செய்தியாளர்களை பார்த்து கேள்வி எழுப்பினார்.

 

Thanks to : samaiyam

About Admin

Check Also

சென்னை ‘உஷ்ஷ்ஷ்!’ : இப்படி இருந்தால் கட்சி எப்படி வளரும்?

கட்சி எப்படி வளரும்? அ.தி.மு.க., மாவட்ட செயலர்கள் கூட்டம், நேற்று முன்தினம் கட்சி தலைமை அலுவலகத்தில் நடந்தது. கூட்டத்தில், நகர்ப்புற …

Leave a Reply

Your email address will not be published. Required fields are marked *

MyHoster