Breaking News
Home / உலக செய்திகள் / அனைவருக்கும் கொரோனா தடுப்பூசி இலவசம்.

அனைவருக்கும் கொரோனா தடுப்பூசி இலவசம்.

அனைவருக்கும் கொரோனா தடுப்பூசி இலவசமாக வழங்கப்படும் என்று அமெரிக்க அரசு சார்பில் தெரிவிக்கப்பட்டுள்ளது.

 

கொரோனா கொள்ளை நோய் உலகையே பாடுபடுத்தி வரும் நிலையில், பல நாடுகள் தடுப்பூசி கண்டுபிடிக்க பல நாடுகள் கடுமையாக முயற்சித்து வருகின்றன. அண்மையில் ரஷ்யா தனது முதல் தடுப்பூசியை அதிகாரப்பூர்வமாக பதிவு செய்தது. இருப்பினும், ரஷ்ய தடுப்பூசியின் திறனை முழுமையாக பரிசோதிக்க வேண்டுமென மற்ற நாடுகள் கருத்து தெரிவித்துள்ளன

 

 

 

இந்நிலையில், கொரோனாவுக்கு தடுப்பூசி வெற்றிகரமாக பரிசோதிக்கப்பட்ட பிறகு அமெரிக்க மக்கள் அனைவருக்கும் இலவசமாக தடுப்பூசி வழங்கப்படும் என்று அமெரிக்க சுகாதாரத் துறை அதிகாரிகள் தெரிவித்துள்ளனர். இதுகுறித்து சுகாதாரத் துறை மூத்த அதிகாரி பவுல் மாங்கோ பேசுகையில், “கொரோனா தடுப்பூசி தீவிரமாக பரிசோதிக்கப்படும். தடுப்பூசிக்கான செலவை அரசே ஏற்றுக்கொள்ளும்.

மருத்துவ ஊழியர்களுக்கு வழங்க வேண்டிய கட்டணத்தை காப்பீட்டு நிறுவனங்கள் ஏற்றுக்கொள்ளும். மக்களுக்கு ஏற்படும் கூடுதல் செலவுகளை ஏற்க பெரும்பாலான காப்பீட்டு நிறுவனங்கள் ஒப்புக்கொண்டுள்ளன. 2021 ஜனவரி மாதத்திற்குள் பல கோடி தடுப்பூசிகளை வழங்க திட்டமிட்டிருக்கிறோம்” என்று தெரிவித்தார்.

 

கொரோனாவுக்கு தடுப்பூசி கண்டுபிடிக்க அமெரிக்க அரசு 1000 கோடி டாலருக்கு மேல் முதலீடு செய்துள்ளது. மொத்தம் ஆறு தடுப்பூசி திட்டங்களில் முதலீடு செய்யப்பட்டுள்ளது. பரிசோதனையில் வெற்றிபெறும் தடுப்பூசிகளை பல கோடி பேருக்கு வழங்க ஒப்பந்தங்களில் கையெழுத்திட்டுள்ளது.

தடுப்பூசி பற்றி அமெரிக்க தேசிய சுகாதார கழகத்தின் இயக்குநர் பிரான்சிஸ் கோலின்ஸ் பேசியபோது, “அமெரிக்கா முதலீடு செய்துள்ள தடுப்பூசி திட்டங்களின் வாயிலாக இந்தாண்டின் இறுதிக்குள் தடுப்பூசி கிடைத்துவிடும் என்று நம்புகிறேன்” என்று தெரிவித்துள்ளார்.

மற்றொரு சுகாதாரத் துறை அதிகாரியான அந்தோணி பவுசி, “ரஷ்யாவின் தடுப்பூசி பாதுகாப்பானது என்று நம்புகிறேன். எனினும், அவர்கள் நோய் தடுப்புக்கு சக்திவாய்ந்த தடுப்பூசியை உருவாக்கிவிட்டனரா என சந்தேகம் இருக்கிறது” என்று தெரிவித்துள்ளார்.

 

Thanks to : samaiyam

About Admin

Check Also

இது உங்கள் இடம்: முதல்வரின் இன்னொரு முகம்!

பா.விஜய், காட்டிகன், சுவிட்சர்லாந்து நாட்டிலிருந்து அனுப்பிய, ‘இ – மெயில்’ கடிதம்: ‘தமிழகத்தின் சுவிட்சர்லாந்து’ என்று அழைக்கப்படும் நீலகிரியில், விதிமீறல் …

Leave a Reply

Your email address will not be published. Required fields are marked *

MyHoster