Breaking News
Home / செய்திகள் / ரூ.12 லட்சம் வசூலித்த தனியார் !! கோவிட்-19 சிகிச்சை…

ரூ.12 லட்சம் வசூலித்த தனியார் !! கோவிட்-19 சிகிச்சை…

சென்னை கீழ்ப்பாக்கத்தை சேர்ந்த தனியார் மருத்துவமனைக்கு கொரோனா சிகிச்சைக்கான அனுமதி ரத்து செய்யப்பட்டுள்ளது.

கொரோனாவால் பாதிக்கப்பட்ட நோயாளியிடம் ரூ.12 லட்சத்திற்கும் மேல் கட்டணம் வசூலித்த தனியார் மருத்துவமனைக்கு கொரோனா அனுமதிக்கான சிகிச்சை உரிமையை ரத்து செய்து தமிழக அரசு உத்தரவிட்டுள்ளது. மேலும், கூடுதல் கட்டணம் வசூலிக்கும் தனியார் மருத்துவமனைகள் மீது நடவடிக்கை எடுக்கப்படும் என்று மக்கள் நல்வாழ்வுத் துறை அமைச்சர் விஜயபாஸ்கர் எச்சரிக்கை விடுத்துள்ளார்.

 

இதுகுறித்து மக்கள் நல்வாழ்வுத் துறை இன்று வெளியிட்டுள்ள அறிக்கையில், “தனியார் மருத்துவமனைகள் அரசுடன் இணைந்து மக்களுக்கு கொரோனா சிகிச்சை வழங்க அனுமதியளிக்கப்பட்டுள்ளது. சிகிச்சைக்கு தேவையான நெறிமுறைகள், வழிகாட்டுதல்களை அவ்வப்போது வழங்கப்படுகிறது.

 

பொதுமக்கள் அதிக நிதிச்சுமைக்கு ஆளாகாத வண்ண அரசாணை எண்.240 சுகாதாரம் மற்றும் குடும்ப நலத் துறை ஜூன் 5 அன்று அதிகபட்ச கட்டணங்கள் நிர்ணயித்துள்ளது. கொரோனா சிகிச்சைக்கு தனியார் மருத்துவமனைகள் வசூலிக்கும் கட்டணங்கள் குறித்து கண்காணிப்பு மற்றும் திடீர் ஆய்வுகள் மேற்கொள்ளப்பட்டு வருகிறது.

சென்னை கீழ்ப்பாக்கத்தில் உள்ள பீ வெல் (Be well) மருத்துவமனையில் ஆய்வு நடத்தியதில் நோயாளி ஒருவருக்கு 19 நாட்களுக்கான சிகிச்சைக்கு ரூ.12,20,000 வசூலிக்கப்பட்ட விவரம் உறுதிசெய்யப்பட்டது. மேலும், அரசு நெறிமுறைப்படி கூடுதல் சிறப்பு மருந்துகள் பயன்படுத்தப்படவில்லை.

 

கூடுதல் கட்டணம் வசூல் செய்தது உறுதி செய்யப்பட்ட நிலையில் பீ வெல் மருத்துவமனைக்கு கொரோனா சிகிச்சைக்கு அளிக்கப்பட்ட அரசு அனுமதி தற்காலிகமாக ரத்து செய்யப்பட்டுள்ளது. கொரோனா சிகிச்சை வழங்கும் அனைத்து தனியார் மருத்துவமனைகளும் அரசால் அங்கீகரிக்கப்பட்ட கட்டண விவரத்தை பொதுமக்கள் பார்வைக்கு வைக்க வேண்டுமென ஏற்கெனவே அறிவுறுத்தப்பட்டுள்ளது.

தனியார் மருத்துவமனைகள் அரசு நிர்ணயித்துள்ள கட்டணத்தை விட கூடுதலாக வசூலிப்பதாக புகார் பெறப்பட்டால் உரிய நடவடிக்கை எடுக்கப்படும் என மீண்டும் வலியுறுத்தப்படுகிறது” என்று தெரிவிக்கப்பட்டுள்ளது.

 

 

Thanks to : samaiyam

About Admin

Check Also

கோவை மாவட்டத்தை திமுக புறக்கணிக்கிறதா? மாஜி அமைச்சர் வேலுமணி

கோவை அதிமுக தலைமை அலுவலகத்தில் முன்னாள் அமைச்சர் எஸ் பி வேலுமணி கூறியதாவது:கோவைக்கு வந்த ஸ்டாலின் சாலைகளை சீரமைக்க உத்தரவிடுவார் …

Leave a Reply

Your email address will not be published. Required fields are marked *

MyHoster