Rathiri Rounds Never Stop
Related Articles
லடாக் எல்லைப்பகுதியில் உள்ள கல்வான் பள்ளத்தாக்கு பகுதியில் இந்தியா – சீனா ராணுவ வீரர்கள் இடையே சமீபத்தில் ஏற்பட்ட மோதலில் இந்திய தரப்பில் 20 வீரர்கள் உயிரிழந்தனர். இதனால், எல்லை பகுதியில் இரு நாட்டு படைகளும் குவிக்கப்பட்டதால் போர் பதற்றம் நீடித்தது.
இந்த சூழலில், லடாக்கில் உள்ள லே பகுதியில் பிரதமர் மோடி இன்று திடீர் ஆய்வு மேற்கொண்டார். முப்படைகளின் தலைமை தளபதி பிபின் ராவத் உடன் ஹெலிகாப்டரில் அதிகாலையில் லடாக் சென்ற பிரதமர், அங்கிருந்து, சீனாவுடனான மோதலில் காயமடைந்து லே மருத்துவமனையில் அனுமதிக்கப்பட்டுள்ள ராணுவ வீரர்களை சந்தித்து ஆறுதல் தெரிவித்தார்.
தொடர்ந்து கடல்மட்டத்திலிருந்து 11 ஆயிரம் அடி உயரத்தில் உள்ள நிமு பகுதிக்கு சென்ற மோடி, அங்கு ராணுவம், விமானப்படை மற்றும் இந்தோ – திபெத்திய எல்லை காவல்படை வீரர்களை சந்தித்து பேசினார். அப்போது, இந்தியா – சீனா இடையேயான மோதல் தொடர்பாக பிரதமர் மோடிக்கு ராணுவ அதிகாரிகள் விளக்கம் அளித்தனர்.
மனித நேயம், அமைதியை இந்தியா விரும்புகிறது. இந்திய ராணுவத்தின் நெருப்பு போன்ற ஆக்ரோசத்தை எதிரிகள் பார்த்துள்ளனர். அமைதியை எதிர்பார்த்தாலும் நமது நிலத்தை பாதுகாக்கும் விவகாரத்தில் அச்சம் கொள்ளப்போவதில்லை நாடு பிடிக்கும் காலம் என்பது மலையேறிச் சென்றுவிட்டது.
உங்களால் நாட்டு மக்கள் பெருமையடைகிறார்கள். சுயசார்பு இந்தியா என்பது உங்களால் நிறைவேறும் என்று கூறினார்.
