Rathiri Rounds Never Stop
Related Articles
நடிகர் நெப்போலியன் விஜய் படங்களை பார்ப்பதில்லை என சமீபத்தில் கூறிய நிலையில் தற்போது அஜித் உடன் நடிக்க ஆசை என தெரிவித்துள்ளார்.
90களில் தமிழ் சினிமாவில் முன்னணி நடிகர்களில் ஒருவராக இருந்தவர் நெப்போலியன். நெகட்டிவ் வேடங்கள், குணச்சித்திர ரோல்கள் மற்றும் ஹீரோ என படங்களில் பலவிதமான நடிப்பை கொடுத்து ரசிகர்களை கவர்ந்தவர் அவர். அதற்கு பிறகு வாய்ப்புகள் படிப்படியாக குறைந்து வந்ததால் சமீப வருடங்களில் தமிழ், தெலுங்கு உள்ளிட்ட சினிமாத் துறைகளில் குணச்சித்திர வேடங்களில் அதிகம் நடித்து வருகிறார்.
தற்போது அமெரிக்காவில் வசித்து வரும் அவர் சில ஹாலிவுட் படங்களிலும் நடித்துள்ளார். அவர் நடித்து முடித்துள்ள டெவில்ஸ் நைட் என்ற ஹாலிவுட் படம் தற்போது ரிலீஸுக்கு தயாராக உள்ளது. இந்த சமயத்தில் தியேட்டரில் ரிலீஸ் செய்ய பிரச்சினை இருப்பதால் அதை அமெரிக்காவில் நேரடியாக ஓடிடி இணையதளங்களில் ரிலீஸ் செய்கின்றனர். அந்த படம் விரைவில் இந்தியாவிலும் ரிலீசாகும் என எதிர்பார்க்கப்படுகிறது. இந்நிலையில் அந்த படத்தை விளம்பரப்படுத்தும் நோக்கில் தற்போது வீடியோ காலில் நெப்போலியன் பல்வேறு பேட்டிகள் கொடுத்து வருகிறார்.
அத்தகைய ஒரு பேட்டியில் சமீபத்தில் விஜய் உடன் உள்ள பிரச்சனை பற்றி பேசி இருந்தார் அவர். ‘போக்கிரி படத்தில் நான் பிரபுதேவா அதிகம் வற்புறுத்தி கேட்டுக் கொண்டதால் தான் நடிக்க ஒப்புக் கொண்டேன். அந்த படத்தில் நடிக்கும் போது விஜய்க்கும் எனக்கும் கருத்து வேறுபாடு ஏற்பட்டது. அப்போதிலிருந்து அவருடன் நான் பேசுவதும் இல்லை, அவரது படங்களை நான் பார்ப்பதும் இல்லை’ என கூறினார் நெப்போலியன்.
இதனைத் தொடர்ந்து அஜித் பற்றி தற்போது ஒரு பேட்டியில் பேசியுள்ளார் அவர். தமிழ் சினிமாவில் பல்வேறு நடிகர்களுடன் நடித்து விட்டேன் ஆனால் அஜித்துடன் மட்டும் நடிக்கவில்லை அதனால் அவருடன் கூட்டணி சேர ஆசை என்று தெரிவித்துள்ளார்.
அவர் கூறியிருப்பதாவது..
“நான் சிவகார்த்திகேயன் உடன் (சீமராஜா படத்தில்) நடித்து விட்டேன், கார்த்தியுடன் ஒரு படத்தில் நடித்து விட்டேன், பல வருடங்களுக்கு முன்பு விஜய் படம் போக்கிரியில் நடித்து விட்டேன், அஜித் உடன் தான் என்னும் நடிக்கவில்லை. அவருடன் நடிக்க வேண்டும் என்ற ஆசை. ஆனால் வில்லனாக நடிக்க மாட்டேன். பாசிட்டிவான ரோல் கொடுத்தால் அவருடன் நடிக்க தயார்” என நெப்போலியன் கூறியுள்ளார்.
விஜய் உடன் பேசுவது கூட இல்லை என தெரிவித்த நெப்போலியன் தற்போது அஜித்துடன் நடிக்க ஆசை என்று தெரிவித்திருப்பது சமூக வலைதளங்களில் வைரல் ஆகி வருகிறது.
தமிழ் சினிமாவில் விஜய் மற்றும் அஜித் இருவரும் டாப் ஹீரோக்களாக உள்ளனர். இருவருக்கும் அதிக அளவில் ரசிகர்கள் இருக்கின்றனர் என்பது குறிப்பிடத்தக்கது. அவர்கள் உடன் சேர்ந்து நடிக்க வேண்டும் என ஆசை இருப்பதாக பல்வேறு நடிகர்களும் பேட்டிகளில் தெரிவித்து வருகின்றனர். அந்த வரிசையில் தற்போது நெப்போலியனுக்கு இணைந்துவிட்டார்.
அஜித் தற்போது வலிமை படத்தில் நடித்து வருகிறார். அந்த படத்தின் ஷுட்டிங் ஏற்கனவே துவங்கி நடந்து வருகிறது என்பதால், நெப்போலியனின் ஆசை நிறைவேறுமா என்பது அஜித்தின் அடுத்த படம் துவங்கும் போது தான் தெரியவரும்.
அஜித் போலீஸ் அதிகாரியாக நடிக்கும் வலிமை படத்தினை ஹெச்.வினோத் இயக்கி வருகிறார். படத்தின் ஷூட்டிங் கொரோனா காரணமாக நிறுத்தப்பட்டு விட்டது. அது மீண்டும் துவங்க இன்னும் பல மாதங்கள் ஆகும் என்று தெரிகிறது.
thanks To: Samaiyam
