Breaking News
Home / செய்திகள் / பொதுமுடக்கம்: மூன்று மாதங்களுக்கு வீட்டு வாடகை ரத்தா?

பொதுமுடக்கம்: மூன்று மாதங்களுக்கு வீட்டு வாடகை ரத்தா?

கொரோனா பரவல் தடுப்பு நடவடிக்கையாக பொதுமுடக்கம் அமல்படுத்தப்பட்டதால், சென்னை மாநகரில் ஏப்ரல் முதல் மூன்று மாதங்களுக்கு வீட்டு வாடகை வசூலிக்கக் கூடாது என உத்தரவிட கோரிய வழக்கில் தமிழக அரசு பதிலளிக்க சென்னை உயர் நீதிமன்றம் உத்தரவிட்டுள்ளது.

 

கொரோனோ வைரஸ் பரவல் தடுப்பு நடவடிக்கையாக, நாடு முழுவதும் மார்ச் 25 ஆம் தேதி முதல் மே 31 ஆம் தேதி வரை ஐந்து கட்டங்களாக பொதுமுடக்கம் அமல்படுத்தப்பட்டது. ஜூன் 1 ஆம் தேதியிலிருந்து பல்வேறு தளர்வுகளுடன் பொதுமுடக்கம் அமலில் உள்ளது.

தமிழகத்தில் சென்னையை பொருத்தவரை கொரோனா வைரசின் பாதிப்பு நாளுக்கு நாள் அதிகரித்து வருவதால், ஜூலை 5 ஆம் தேதி வரை பொதுமுடக்கம் அமலில் உள்ளது.

இந்த நிலையில், பொதுமுடக்கம் காரணமாக ஏப்ரல், மே, ஜூன் ஆகிய மூன்று மாதகளுக்கு சென்னை மாநகரின் பல்வேறு பகுதிகளில் வீட்டு வாடகை வசூலிக்கக்கூடாது என அவற்றின் உரிமையாளர்களுக்கு அரசு முறையாக உத்தரவிட கோரி, சென்னை உயர் நீதிமன்றத்தில் வழக்குத் தொடரப்பட்டுள்ளது.

வழக்கறிஞர் ஒருவர் சார்பில் தொடரப்பட்ட இந்த வழக்கு இன்று விசாரணைக்கு வந்தது. அப்போது, ” கொரோனா அச்சம் காரணமாக பலர், சென்னையிலிருந்து தங்களின் சொந்த ஊர்களுக்கு சென்றுவிட்டனர். இருப்பினும் அவர்கள் வசித்துவந்த வீட்டுக்கு எப்போதும் போல் வாடகை தர வேண்டும் அவற்றின் உரிமையாளர்கள் வற்புறுத்தி வருகின்றனர்.

கொரோனா பாதிப்பு மற்றும் பொதுமுடக்கம் காரணமாக, ஏப்ரல் ,மே, ஜூன் ஆகிய மூன்று மாதங்களுக்கு வீட்டின் உரிமையாளர்கள் வாடகை வசூலிக்கக்கூடாது என்று தமிழக அரசு ஏற்கெனவே அறிவுறுத்தியுள்ளது. இந்த அறிவுறுத்தலை வீட்டின் உரிமையாளர்கள் கண்டுகொள்ளாததால், இதுதொடர்பாக அரசாணை வெளியிட தமிழக அரசுக்கு உத்தரவிட வேண்டும்” என்று மனுதாரர்கள் தரப்பில் வாதம் முன்வைக்கப்பட்டது.

இதையடுத்து, மனுதாரரின் கோரிக்கை தொடர்பாக உரிய விளக்கம் அளிக்க, தமிழக அரசு இரண்டு வார காலம் அவகாசம் கோரியது. இதனையடுத்து, வழக்கின் விசாரணையை ஒத்திவைத்து நீதிபதிகள் உத்தரவிட்டனர்.

 

Thanks To: Samaiyam

About Admin

Check Also

கோவை மாவட்டத்தை திமுக புறக்கணிக்கிறதா? மாஜி அமைச்சர் வேலுமணி

கோவை அதிமுக தலைமை அலுவலகத்தில் முன்னாள் அமைச்சர் எஸ் பி வேலுமணி கூறியதாவது:கோவைக்கு வந்த ஸ்டாலின் சாலைகளை சீரமைக்க உத்தரவிடுவார் …

Leave a Reply

Your email address will not be published. Required fields are marked *

MyHoster