Breaking News
Home / சினிமா / வனிதாவிற்கு திருமணமா? -லாக்டவுனால் வீட்டில் திருமணம்..

வனிதாவிற்கு திருமணமா? -லாக்டவுனால் வீட்டில் திருமணம்..

 

 

வனிதா விஜயகுமாருக்கு மூன்றாவது முறையாக திருமணம் நடக்கப் போவதாக வெளியான தகவல் உண்மை என்பது தெரிய வந்துள்ளது.
விஜய்யின் சந்திரலேகா படம் மூலம் நடிகையானவர் வனிதா விஜயகுமார். நடிக்க வந்த வேகத்தில் சினிமாவில் இருந்து விலகி 19 வயதில் நடிகர் ஆகாஷை திருமணம் செய்தார். 2000ம் ஆண்டு ஆகாஷை திருமணம் செய்த வனிதா கருத்து வேறுபாடு ஏற்படவே கடந்த 2007ம் ஆண்டு விவாகரத்து பெற்றாரர். அதன் பிறகு கடந்த 2007ம் ஆண்டு ஆந்திராவை சேர்ந்த ராஜன் என்பவரை திருமணம் செய்தார். ஆனால் அந்த திருமணமும் விவாகரத்தில் முடிந்தது.

முதல் திருமணம் மூலம் விஜய ஸ்ரீஹரி என்கிற மகனும், ஜோவிகா என்கிற மகளும், இரண்டாவது திருமணம் மூலம் ஜெயந்திகா என்கிற மகளும் உள்ளனர். அதில் ஸ்ரீஹரி தன் அப்பா ஆகாஷுடன் இருக்கிறார். மகள்கள் வனிதா விஜயகுமாருடன் இருக்கிறார்கள். படங்கள் வனிதாவுக்கு கை கொடுக்காத நிலையில் பிக் பாஸ் 3 நிகழ்ச்சி தான் அவருக்கு பெயரும், புகழும் வாங்கிக் கொடுத்துள்ளாது.

பிக் பாஸ் 3 வீடு பரபரப்பாக இருந்ததற்கு காரணமே வனிதா விஜயகுமார் தான். இன்று இரவு வனிதாவால் என்ன பிரச்சனை எல்லாம் வரப் போகிறதோ என்பதை தெரிந்து கொள்ளவே பலர் பிக் பாஸ் நிகழ்ச்சியை பார்த்தார்கள். அதன் பிறகு அவர் குக் வித் கோமாளி நிகழ்ச்சியில் கலந்து கொண்டு வெற்றி பெற்றார். தற்போது வனிதா யூடியூப் சேனலை துவங்கி நடத்தி வருகிறார்.

இந்நிலையில் வனிதா விஜயகுமாருக்கும், பீட்டர் பால் என்பவருக்கும் திருமணம் என்று கூறி பத்திரிகை ஒன்று சமூக வலைதளங்களில் வெளியானது. இது குறித்து விசாரித்தபோது வனிதாவுக்கு திருமணம் நடப்பது உண்மை தான் என்பது தெரிய வந்தது. வரும் 27ம் தேதி மாலை வீட்டில் வைத்தே அவர்களின் திருமணம் எளிமையாக நடக்கப் போகிறதாம். கொரோனா லாக்டவுனால் வீட்டில் திருமணத்தை நடத்துகிறார்களாம்.

 

 

இது குறித்து வனிதா விஜயகுமார் கூறியிருப்பதாவது,

என் வாழ்க்கையில் ஏற்பட்ட கசப்பான அனுபவங்களுக்கு பிறகும் எனக்கு திருமணம் மீது நம்பிக்கை உள்ளது. இந்த ஆண்டு நான் 40 வயதை நெருங்கிக் கொண்டிருக்கிறேன். இந்த லாக்டவுனால் நம் வாழ்க்கை, முக்கியத்துவம் குறித்து நிறைய தெளிவு பிறந்திருக்கிறது. ஒவ்வொரு பெண்ணுக்கம் தன் பெர்ஃபெக்ட் மேனை கண்டுபிடிக்கும் கனவு இருக்கும். என் கனவு தற்போது நிஜமாகியுள்ளது.

பீட்டர் பால் என் வாழ்க்கையில் வந்தார். அவரால் நான் பாதுகாப்பாக உணர்கிறேன். லாக்டவுனின்போது என் யூடியூப் சேனலுக்கு டெக்னிக்கல் உதவி இல்லாமல் தவித்தபோது ஒரு நண்பராக வந்து உதவி செய்தார். என் குழந்தைகள் தான் எனக்கு முக்கியம் என்பது உங்களுக்கே தெரியும். என்னை திருமணம் செய்து கொள்ளுமாறு அவர் கேட்டபோது வார்த்தையே வரவில்லை.

என் குழந்தைகள் சம்மதம் தெரிவிக்க வேண்டும் என்றேன். அவர் என் குழந்தைகளிடம் பேசியபோது அவர்கள் ஒப்புக் கொண்டார்கள். இது தான் என் வாழ்வில் நடந்துள்ள சிறந்த விஷயம் என்று என் மகள் கூறியபோது எனக்கு கண்ணீர் வந்துவிட்டது. தனியாக இருந்து மகள்களை பார்த்துக் கொள்வது எளிது அல்ல. அதிலும் என் குடும்பத்தின் ஆதரவு எதுவும் இல்லாத போது.

எனக்கு ஆதரவு தெரிவித்த அனைவருக்கும் நன்றி. உங்களின் ஆசிகள் தேவை. பீட்டர் பால் யார் என்று கேட்கிறீர்களா. அவர் ஒரு இயக்குநர். விரைவில் அவர் படத்தை திரையில் பார்த்து தெரிந்து கொள்வீர்கள். திருமணம் முடிந்த பிறகு புகைப்படங்கள், வீடியோவை வெளியிடுவோம் என்று தெரிவித்துள்ளார்.

 

 

Thanks to: samayam

About Admin

Check Also

சென்னை ‘உஷ்ஷ்ஷ்!’ : இப்படி இருந்தால் கட்சி எப்படி வளரும்?

கட்சி எப்படி வளரும்? அ.தி.மு.க., மாவட்ட செயலர்கள் கூட்டம், நேற்று முன்தினம் கட்சி தலைமை அலுவலகத்தில் நடந்தது. கூட்டத்தில், நகர்ப்புற …

Leave a Reply

Your email address will not be published. Required fields are marked *

MyHoster