அப்ரிடிக்கு கொரோனா..!

Related Articles

திருவண்ணாமலையில் சத்குரு தவபலேஸ்வரர் குருபூஜை விழா

December 23, 2021

கலவை தாலுகா அலுவலகத்திற்கு நள்ளிரவில் வந்த கலெக்டர்

November 29, 2021

சென்னை ‘உஷ்ஷ்ஷ்!’ : இப்படி இருந்தால் கட்சி எப்படி வளரும்?

November 26, 2021

ஷாகித் அப்ரிடி கடந்த வியாழக்கிழமை முதல் உடல்நலம் பாதிப்பிற்குச் சிகிச்சை மேற்கொண்டு வருகிறார். இது தொடர்பாக ட்விட்டர் பக்கத்தில், ”எனக்கு கொரோனா பரிசோதனை மேற்கொள்ளப்பட்டது. அதில், கொரோனா பாதிப்பு உறுதி செய்யப்பட்டுள்ளது. விரைந்து குணமடைய கடவுளை வேண்டிக்கொள்கிறேன்” என்று அவர் தெரிவித்தார்.

அப்ரிடி பாகிஸ்தான் அணிக்காக 1996ஆம் ஆண்டு முதல் 2018ஆம் ஆண்டு வரை விளையாடினார். 27 டெஸ்ட் போட்டிகளில் பங்கேற்று 1716 ரன்கள் மற்றும் 48 விக்கெட்களை வீழ்த்தியுள்ளார். 398 ஒருநாள் போட்டிகளில் பங்கேற்று 8,064 ரன்கள் மற்றும் 395 விக்கெட்களை வீழ்த்தியுள்ளார். 99 டெஸ்ட் போட்டிகளில் பங்கேற்ற அவர் 1416 ரன்கள் மற்றும் 98 விக்கெட்களை வீழ்த்தியுள்ளார்.

சர்வதேச போட்டிகளில் இருந்து ஓய்வு பெற்றாலும், உள்ளூர் போட்டிகளில் தொடர்ந்து பங்கேற்று வருகிறார். கடைசியாக மார்ச் மாதம் நடைபெற்ற பாகிஸ்தான் சூப்பர் லீக் போட்டிகளில் அவர் பங்கேற்றிருந்தார்.

அப்ரிடி விரைவில் குணமடைய சமூக வலைத்தளங்களில் அவரது ரசிகர்கள் வாழ்த்துகளைத் தெரிவித்து வருகின்றனர். இம்மாதத் தொடக்கத்தில் பாகிஸ்தான் அணியின் முன்னாள் வீரர் தவுபிக் உமர் கொரோனா பரிசோதனை செய்து கொண்டதில் அவருக்கும் தொற்று உறுதி செய்யப்பட்டிருக்கிறது.

இங்கிலாந்து தொடரில் பங்கேற்கும் பாகிஸ்தான் அணி வீரர்கள் பட்டியல் நேற்று வெளியிடப்பட்டிருந்தது. முகமது அமீர் உள்ளிட்ட முன்னணி வீரர்கள் தொடரைப் புறக்கணித்தனர். கொரோனா அச்சம் காரணமாக அவர்கள் தொடரைப் புறக்கணித்திருக்கலாம் என்று கருதப்பட்டது. இந்நிலையில், முன்னணி வீரர் ஷாகித் அப்ரிடிக்கு கொரோனா உறுதி செய்யப்பட்டிருப்பதால் வீரர்கள் மத்தியில் அச்சம் ஏற்பட்டுள்ளது.

ரசிகர்கள் முன்னிலையில் இந்திய தொடர் : மாஸ்டர் ப்ளான் செய்த ஆஸி!

மேற்கிந்தியத் தீவுகள் அணி இங்கிலாந்து சுற்றுப் பயணம் மேற்கொண்டுள்ளது. ஜூலை 8ஆம் தேதி நடைபெறவுள்ள போட்டிக்காக வீரர்கள் தற்போது 14 நாட்கள் தனிமைப் படுத்தப்பட்டுள்ளனர். இங்கிலாந்து கிரிக்கெட் அணி நிர்வாகம் விளையாட்டு வீரர்களுக்கு கொரோனா பாதிப்பு ஏற்படாமல் இருப்பதற்கு உண்டான அனைத்து தடுப்புப் பணிகளும் முழு வீச்சில் செய்யப்பட்டுள்ளது என்று தெரிவித்துள்ளது. கொரோனா அச்சம் காரணமாக மேற்கிந்தியத் தீவுகள் அணியைச் சார்ந்த முன்னணி வீரர்களும் தொடரை புறக்கணித்துள்ளனர் என்பது குறிப்பிடத்தக்கது.

இங்கிலாந்து தொடருக்காக பாகிஸ்தான் அணியில் இடம்பிடித்துள்ள வீரர்களுக்கு கொரோனா தாக்காமல் இருப்பதற்கு பல்வேறு தடுப்பு பணிகளை நிர்வாகம் செய்து வருகிறது. முன்னணி வீரரான அப்ரிடிக்கு கொரோனா தொற்று உறுதி செய்யப்பட்டுள்ளதால் ஒட்டுமொத்த கிரிக்கெட் உலகமும் அதிர்ச்சியில் உள்ளது.

 

Thanks : tamil.samayam