Rathiri Rounds Never Stop
Related Articles
கொரோனா வைரஸ் காரணமாக ஏற்பட்டுள்ள உலகளாவிய பொருளாதார மந்தநிலைக்கு மத்தியில், வெளிநாட்டு முதலீட்டாளர்கள் இந்தியாவிலிருந்து ரூ.1.2 லட்சம் கோடி முதலீடுகளை வெளியே எடுத்துள்ளனர்.
அமெரிக்க காங்கிரஸின் ஆய்வு மையம் பொருளாதாரம் குறித்து சமீபத்தில் அறிக்கை ஒன்றை வெளியிட்டது. அதில் கூறப்பட்டுள்ளதாவது: ஐரோப்பிய நாடுகளான ஜெர்மனி, பிரான்ஸ், இங்கிலாந்து, ஸ்பெயின் மற்றும் இத்தாலியைச் சேர்ந்த 3 கோடி மக்கள் அரசு உதவிக்காக விண்ணப்பித்துள்ளனர். ஐரோப்பிய மண்டலத்தில் 2020ன் முதல் காலாண்டில் பொருளாதார வளர்ச்சி 3.8% ஆக சுருங்கியுள்ளது. இது 1995க்கு பிறகு ஏற்பட்ட மிகப்பெரிய சரிவாகும். அதே போல் அமெரிக்க ஜி.டி.பி 4.8% ஆக சரிந்துள்ளது. 2008 நான்காம் காலாண்டிற்கு பிறகு இத்தகைய சரிவை அமெரிக்கா சந்திக்கிறது.
வளர்ந்து வரும் ஆசிய பொருளாதாரங்களில் முதலீடு செய்து இருந்த வெளிநாட்டு முதலீட்டாளர்கள் சுமார் ரூ.2 லட்சம் கோடிகளை வெளியே எடுத்துள்ளனர். இதில் இந்தியாவிலிருந்து மட்டும் ரூ.1.2 லட்சம் கோடி முதலீடு வெளியேறியுள்ளது. இக்கொரோனா நெருக்கடி, நிலையான பொருளாதாரத்துக்கு உதவும் வகையிலான நிதி கொள்கைகளை செயல்படுத்துவதில் அரசாங்கங்களுக்கு சவாலானதாக உள்ளது. இதனால் பெரும்பாலான முக்கிய பொருளாதாரங்கள் ஆட்டம் கண்டுள்ளன. இந்தியா, சீனா மற்றும் இந்தோனேசியா நாடுகள் மட்டுமே 2020ல் சிறிய அளவில் வளர்ச்சி காணும்.
வைரஸ் பரவலால் பள்ளிகள் மூடப்பட்டிருப்பதால் உலகளவில் 150 கோடி குழந்தைகள் பாதிக்கப்பட்டுள்ளனர். ஊரடங்கினால் வியாபார மற்றும் சுற்றுலா பயணிகளின் எண்ணிக்கை பெருமளவு குறைந்துவிட்டது. இதனால் விமானப் போக்குவரத்து, சொகுசு கப்பல்கள், ஹோட்டல் துறையினர் பல லட்சம் கோடி நஷ்டம் அடைந்துள்ளனர். 2020-ம் ஆண்டு இத்துறைகளின் பல நிறுவனங்கள் திவால் நிலைக்கு தள்ளப்படும்.
மேலும், சீனாவில் தொழில்துறை நடவடிக்கைகளுக்கு இடையூறு ஏற்படுவதால் கணினிகள், அலைபேசிகள், பொம்மைகள் மற்றும் மருத்துவ உபகரணங்களை ஏற்றுமதி செய்வது தாமதமாகும். ஏராளமான வாகன உற்பத்தியாளர்கள் உதிரி பாகங்களுக்கு சீனாவை நம்பியிருப்பதால் பற்றாக்குறையை எதிர்கொள்கின்றனர். இவ்வாறு அவ்வறிக்கையில் கூறப்பட்டுள்ளது.
Thanks to Dinamalar.
