இதன்போது, ஒவ்வொரு கிராம பஞ்சாயத்திலும் நடந்த வளர்ச்சிப் பணிகள், அடுத்தக்கட்ட நடவடிக்கைகள், நிதி பயன்பாடு உள்ளிட்ட வரவு – செலவு கணக்குகளை மக்கள் முன்னிலையில் சமூகத்தணிக்கை செய்யப்படும். அத்துடன், பொதுமக்கள் தங்கள் பகுதி கோரிக்கையையும் வலியுறுத்துவார்கள்.

இந்நிலையில், கொரோனா பரவல் காரணமாக கடந்த ஆண்டுகளில் கிராம சபைக் கூட்டங்கள் நடத்தப்படவில்லை. இதனிடையே, ஆகஸ்ட் 15ம் தேதி தமிழகம் முழுவதும் கிராம சபைக் கூட்டம் நடத்த வேண்டும் என மக்கள் நீதி மய்யம் சார்பில் அனைத்து மாவட்ட கலெக்டர்களிடமும் கோரிக்கை வைக்கப்பட்டது.