Breaking News
Home / கல்வி / ஜனவரியில் தமிழக பள்ளிகளைத் திறக்க திட்டம்?

ஜனவரியில் தமிழக பள்ளிகளைத் திறக்க திட்டம்?

தமிழ்நாட்டில் பள்ளிகளை மீண்டும் திறக்க உரிய நடவடிக்கை எடுக்க வேண்டும் என தனியார் பள்ளிகள் சங்கம் அரசுக்கு கோரிக்கை விடுத்துள்ளது.

இன்று முதல் அடுத்த கட்ட பொது முடக்கம் தளர்வுகளுடன் அமலுக்கு வந்துள்ளது. இது தொடர்பாக தமிழக அரசு நேற்று வெளியிட்ட அறிவிப்பில் கல்லூரி, பல்கலைக்கழகங்களில் டிசம்பர் 7ஆம் தேதி முதல் கலை அறிவியல், தொழில்நுட்பம், கால்நடை, பொறியியல், வேளாண்மை, மீன் வளம் உள்ளிட்ட அனைத்து இளங்கலை இறுதி வகுப்புகள் தொடங்கும் என தெரிவிக்கப்பட்டுள்ளது.
கல்லூரி திறப்பு குறித்த அறிவிப்பு வெளியாகியுள்ள நிலையில் பள்ளிகள் திறப்பு எப்போது என்ற கேள்வி மீண்டும் எழுந்துள்ளது. நவம்பர் 16ஆம் தேதி தமிழக அரசு பள்ளிகளைத் திறக்க உத்தரவிட்டபோதும் பெற்றோர்கள், கல்வியாளர்கள், எதிர்கட்சிகள் எதிர்ப்பு தெரிவித்ததால் அந்த முடிவு கைவிடப்பட்டது.
ஆனால் பள்ளிகளைத் திறக்க வலியுறுத்தி தனியார் பள்ளிகள் சங்கம் அரசுக்கு கோரிக்கை வைத்துள்ளது. முதல்வர் எடப்பாடி பழனிசாமி, பள்ளிக் கல்வித்துறை அமைச்சர் செங்கோட்டையன் ஆகியோருக்கு தமிழக நர்சரி, பிரைமரி, மெட்ரிக் மற்றும் சி.பி.எஸ்.இ., பள்ளிகள் சங்க மாநில பொதுச் செயலர் நந்தகுமார் கோரிக்கை மனு அனுப்பியுள்ளார்.
அந்த மனுவில், “கொரோனா தொற்று பரவியதால், 10 மாதங்களாக பள்ளிகள் திறக்கப்படவில்லை; மாணவர்களுக்கு பாடங்கள் சரியாக நடத்தப்படவில்லை. உயர்நீதிமன்றம் அனுமதி அளித்தும், நர்சரி, பிரைமரி பள்ளிகளில், பலர் கல்வி கட்டணம் செலுத்தவில்லை. மெட்ரிக் பள்ளிகளில், 80 சதவீதம் பேர் கட்டணம் செலுத்தவில்லை. இதனால், ஆசிரியர்களின் வாழ்வாதாரம் கேள்விக்குறியாகி உள்ளது. ஆசிரியர்கள் பலர் கிராமங்களில் தினக்கூலி வேலைக்கு செல்லும் நிலை உள்ளது.
அந்த மனுவில், “கொரோனா தொற்று பரவியதால், 10 மாதங்களாக பள்ளிகள் திறக்கப்படவில்லை; மாணவர்களுக்கு பாடங்கள் சரியாக நடத்தப்படவில்லை. உயர்நீதிமன்றம் அனுமதி அளித்தும், நர்சரி, பிரைமரி பள்ளிகளில், பலர் கல்வி கட்டணம் செலுத்தவில்லை. மெட்ரிக் பள்ளிகளில், 80 சதவீதம் பேர் கட்டணம் செலுத்தவில்லை. இதனால், ஆசிரியர்களின் வாழ்வாதாரம் கேள்விக்குறியாகி உள்ளது. ஆசிரியர்கள் பலர் கிராமங்களில் தினக்கூலி வேலைக்கு செல்லும் நிலை உள்ளது.
தனியார் பள்ளிகளில், 50 சதவீத மாணவர்கள், புத்தகம் வாங்காமல் உள்ளனர். அவர்களுக்கு, அரசின் சார்பில் இலவச புத்தகம் வழங்க நடவடிக்கை எடுக்க வேண்டும். தமிழகத்தில் இரண்டாவது கொரோனா அலை இல்லை என, சுகாதாரத்துறை அமைச்சர் அறிவித்து உள்ளார். எனவே, பெற்றோர் மற்றும் ஆசிரியர்களின் வேண்டுகோளை ஏற்று, பள்ளிகளை திறக்க, தமிழக அரசு நடவடிக்கை எடுக்க வேண்டும். பொது தேர்வு குறித்து அறிவிப்பு வெளியிட வேண்டும்” என குறிப்பிடப்பட்டுள்ளது.
கொரோனா பாதிப்பு இரண்டாயிரத்துக்கும் கீழே குறைந்து விட்டதால் பாதுகாப்பு வழிமுறைகளை சரிவர கடைபிடித்து பள்ளிகளைத் திறக்கலாம் என ஒரு சாரார் கூறிவருகின்றனர். புயல், பருவமழை என வானிலை மாறியுள்ள நிலையில் பிற தொற்றுகளும் பரவ வாய்ப்புள்ளது. வழக்கமாக டிசம்பர் இறுதியில் அரையாண்டு விடுமுறையும் அறிவிக்கப்படும். எனவே தை பொங்கலுக்குப் பின் பள்ளிகளைத் திறக்கலாம் எனவும் மற்றொரு சாரார் கூறிவருகின்றனர். அரசு நேற்று வெளியிட்ட அறிவிப்பில் பள்ளிகளைத் திறப்பது தொடர்பாக எந்த அறிவிப்பையும் வெளியிடவில்லை.
எனவே இந்த மாத இறுதியில் அடுத்த மாதத்துக்கான ஊரடங்கு தளர்வு, பாதுகாப்பு வழிமுறைகளை அரசு வெளியிடும் போது பொங்கல் பண்டிகைக்குப் பின்னர் பள்ளிகள் திறக்கப்படும் என அறிவிக்க அதிக வாய்ப்புகள் உள்ளதாக கூறப்படுகிறது.
Thanks to : samaiyam

About Admin

Check Also

கோவை மாவட்டத்தை திமுக புறக்கணிக்கிறதா? மாஜி அமைச்சர் வேலுமணி

கோவை அதிமுக தலைமை அலுவலகத்தில் முன்னாள் அமைச்சர் எஸ் பி வேலுமணி கூறியதாவது:கோவைக்கு வந்த ஸ்டாலின் சாலைகளை சீரமைக்க உத்தரவிடுவார் …

Leave a Reply

Your email address will not be published. Required fields are marked *

MyHoster