Breaking News
Home / இந்தியா / அதிரவைக்கும் சிபிஐ ரெய்டு !!

அதிரவைக்கும் சிபிஐ ரெய்டு !!

பல்வேறு மாநிலங்களில் திடீரென நடத்தப்பட்ட சிபிஐ ரெய்டால் பெரும் பரபரப்பு ஏற்பட்டுள்ளது.

மேற்குவங்கம் மற்றும் ஜார்க்கண்ட் மாநிலங்களில் செயல்பட்டு வரும் நிலக்கரி சார்ந்த பொதுத்துறை நிறுவனம் ஈஸ்டர்ன் கோல்ஃபீல்ட் லிமிடெட் (ECL). இதில் பணியாற்றும் பொது மேலாளர்கள், அதிகாரிகள், பாதுகாப்பு அலுவலர்கள் ஆகியோர் சட்டவிரோத நிலக்கரி ஊழலில் ஈடுபட்டதாக குற்றச்சாட்டு எழுந்தது. இதுதொடர்பாக சிபிஐ முதல் தகவல் அறிக்கை பதிவு செய்துள்ளது. இதையடுத்து விசாரணையை தொடங்கிய நிலையில், குற்றம்சாட்டப்பட்ட நபர்களின் வீடுகள், அலுவலகங்கள், அவர்களது உறவினர்களின் வீடுகள், அலுவலகங்களில் நேற்று திடீர் சோதனை நடத்தப்பட்டது. இதில் முக்கிய குற்றவாளியாக கருதப்படும் நபர் மேற்குவங்க மாநிலம் அசன்சோல் பகுதியில் வசித்து வருகிறார் என்று கூறப்பட்டுள்ளது.

மேற்குவங்க மாநிலத்தின் துர்காபூர், ராணிகஞ்ச், புஷ்னுபூர் உள்ளிட்ட 25 இடங்களில் சிபிஐ சோதனை நடைபெற்றது. இம்மாநிலத்தின் மேற்கு புர்த்வான் மாவட்டத்தில் உள்ள நிலக்கரி சுரங்க நிறுவனத்தில் சோதனை செய்த போது அங்கு பணியாற்றி வந்த பாதுகாவலருக்கு திடீரென மாரடைப்பு ஏற்பட்டது. பின்னர் மருத்துவமனையில் அனுமதிக்கப்பட்ட நிலையில், சிகிச்சை பலனின்றி உயிரிழந்தார்.

மேலும் உத்தரப் பிரதேசம், ஜார்க்கண்ட், பிகார் ஆகிய மாநிலங்களிலும் சிபிஐ சோதனை நடைபெற்றது. மொத்தம் 40 இடங்களில் தீவிர சோதனை நடத்தப்பட்டது. இதில் பல லட்ச ரூபாய் ரொக்கம் கைப்பற்றப்பட்டுள்ளதாக அதிகாரிகள் தெரிவித்துள்ளனர். நிலக்கரி ஊழலில் தொடர்புடையதாக கூறப்படும் லாலா எனப்படும் மாஜி, மேற்குவங்கம் – ஜார்க்கண்ட் எல்லையில் நிலக்கரி சுரங்கம் ஒன்றை நடத்தி வருவதாக தகவல்கள் தெரிவிக்கின்றன.

இதுதொடர்பாகவும் விசாரணை நடத்தப்படும் என்று எதிர்பார்க்கப்படுகிறது. முன்னதாக மேற்குவங்க மாநிலத்திற்கு இரண்டு நாட்கள் சுற்றுப்பயணமாக மத்திய உள்துறை அமைச்சர்

அமித் ஷா சென்றிருந்தார். இதைச் சுட்டிக் காட்டி பேசிய முதல்வர் மம்தா பானர்ஜி, மேற்குவங்கத்தில் மத்திய புலனாய்வு அமைப்புகளின் சோதனையும், அமித் ஷா வருகையும் சந்தேகத்தை எழுப்புவதாக குறிப்பிட்டிருந்தார்.

அதற்கு பதிலளிக்கும் வகையில் பேசிய அமித் ஷா, லாலாவை குறிவைத்து சிபிஐ சோதனை நடத்தினால் முதல்வர் மம்தாவிற்கு ஏன் இவ்வளவு கோபம் வருகிறது என்று கேள்வி எழுப்பியிருந்தார். மேற்குவங்க மாநிலத்தில் அடுத்த ஆண்டு சட்டமன்ற தேர்தல் நடைபெறவுள்ளது. இதையொட்டி திரிணாமூல் காங்கிரஸிடம் இருந்து ஆட்சியை கைப்பற்ற பாஜக மிகவும் தீவிரம் காட்டி வருவது குறிப்பிடத்தக்கது.

 

Thanks to : samaiyam

About Admin

Check Also

சென்னை ‘உஷ்ஷ்ஷ்!’ : இப்படி இருந்தால் கட்சி எப்படி வளரும்?

கட்சி எப்படி வளரும்? அ.தி.மு.க., மாவட்ட செயலர்கள் கூட்டம், நேற்று முன்தினம் கட்சி தலைமை அலுவலகத்தில் நடந்தது. கூட்டத்தில், நகர்ப்புற …

Leave a Reply

Your email address will not be published. Required fields are marked *

MyHoster