Rathiri Rounds Never Stop
Related Articles
தீவிர புயலாக இன்று அதிகாலை கரையை கடந்த நிவர், தற்போது மேலும் வலுவிழந்துள்ளதாக இந்திய வானிலை ஆய்வு மையம் தெரிவித்துள்ளது.
வங்கக் கடலில் கடந்த 24 ஆம் தேதி உருவான நிவர் புயல் நேற்று அதிதீவிர புயலாக உருவெடுத்தது. இன்று அதிகாலை 2:30 மணி அளவில புதுச்சேரிக்கு அருகே தீவிர புயலாக நிவர் கரையை கடந்தது.
அதன் தொடர்ச்சியாக, இன்று காலை முதல் , புதுச்சேரிக்கு வடமேற்கே 50 கிலோமீட்டர் தொலைவில் நிலப்பகுதியில் நிவர் புயல் நிலை கொண்டிருந்தது.
இந்த நிலையில் தற்போது தீவிர புயல் என்ற நிலையில் இருந்து புயலாக நிவர் மேலும் வலுவிழந்துள்ளதாக இந்திய வானிலை ஆய்வு மையம் தெரிவித்துள்ளது.
அடுத்த ஆறு மணிநேரத்தில் புயல் மேலும் வலுவிழந்து காற்றழுத்த தாழ்வு மண்டலாக மாறும் எனவும் தெரிவிக்கப்பட்டுள்ளது.
தற்போதைய நிலவரப்படி, சென்னையில் இருந்து 95 கிலோமீட்டர் தொலைவிலும், புதுச்சேரியில் இருந்து 85 கிவோமீட்டர் தொலைவிலும் நிவர் புயல் மையம் கொண்டுள்ளதாக வானிலை ஆய்வு மையம் கூறியுள்ளது.
Thanks to : samaiyam
