விஜய் வருவாரா மாட்டாரா?

ஆனால், நடிகர் விஜய் ”அகில இந்திய தளபதி விஜய் மக்கள் இயக்கம் என்ற கட்சிக்கும் எனக்கும் எந்த சம்மந்தமும் இல்லை என்று கூறியதுடன் என் தந்தை தொடங்கிய கட்சிக்கும் எனக்கும் தொடர்பு இல்லை, தந்தையின் கட்சிக்கும் எனக்கும் நேரடியாகவோ, மறைமுகமாகவோ தொடர்பு இல்லை. தந்தை எடுக்கும் அரசியல் தொடர்பான நடவடிக்கை என்னை கட்டுப்படுத்தாது.

எனது ரசிகர்கள் எனது தந்தையின் கட்சியில் இணைந்து பணியாற்ற வேண்டாம்” என எச்சரிக்கை விடுத்தார். அதன் தொடர்ச்சியாக, பத்திரிகையாளர்களை சந்தித்து வரும் எஸ்.ஏ. சந்திரசேகர் , தனது மகனின் நன்மைக்காதான் கட்சி தொடங்கியதாக விளக்கமளித்து வருகிறார். முன்னதாக 2021 தேர்தலில் விஜய் தான் முதல்வர் என்று அவரது ரசிகர்கள் மதுரை உள்ளிட்ட பகுதிகளில் போஸ்டர்களை ஒட்டி பரபரப்பை ஏற்படுத்தினர்.

இதனால், பனையூரில் உள்ள பண்ணை வீட்டிற்கு மாவட்டம் மற்றும் ஒன்றிய நிர்வாகிகளை அழைத்து பேசிய நடிகர் விஜய், அரசியல் சார்ந்து தன்னை தொடர்பு படுத்தி போஸ்டர்களை ஓட்ட வேண்டாம் என அறிவுரை வழங்கினார். இச்சம்பவத்துக்கு பின்னர் விஜய்யின் தந்தையே நேரடியாக கட்சியை பதிவு செய்து பரபரப்பை ஏற்படுத்தியுள்ளார்.

இந்த சூழலில், விஜய் மக்கள் இயக்க மாவட்ட நிர்வாகிகளுடன் ஆலோசனை நடத்த நடிகர் விஜய் இன்று அழைப்பு விடுத்தார். அந்த ஆலோசனையில் முக்கிய முடிவுகள் எடுக்கப்படும் என்று எதிர்பார்க்கப்பட்ட நிலையில், ஆலோசனை கூட்டம் ரத்து செய்யப்பட்டுள்ளதாக தகவல் வெளியாகியுள்ளது. நடிகர் விஜய்க்காக பனையூரில் உள்ள அவரது பண்ணை வீட்டில் காத்துக்கிடக்கும் ரசிகர்கள் நாற்காலியை போட்டு தூங்கும் புகைப்படம் மட்டும் வெளியாகியுள்ளது.