Rathiri Rounds Never Stop
Related Articles
தொலைக்காட்சி விவாதங்களில் பாஜகவினர் கலந்து கொண்டால் தாங்கள் பங்கேற்க மாட்டோம் என திமுக கூட்டணிக் கட்சிகள் இணைந்து உருவாக்கிய குழு கூறியுள்ளது.
பா.ஜ.க தலைவர்கள் மற்றும் செயல்பாட்டாளர்கள் பங்கேற்கும் செய்தி சேனல் விவாதங்களில் பங்கேற்க வேண்டாம் என்று திமுக மற்றும் அதன் கூட்டணி கட்சிகளின் ஊடக கண்காணிப்புக் குழு வெள்ளிக்கிழமை முடிவு செய்துள்ளது.
இது தொடர்பாக அக்குழு இரண்டு தீர்மானங்களை நிறைவேற்றியுள்ளது. திமுக மற்றும் அதன் அனைத்து கூட்டணி கட்சிகளையும் பிரதிநிதித்துவப்படுத்தி குழுவின் உறுப்பினர்கள் நியமிக்கப்பட்டுள்ளனர். பாஜக செயல்பாட்டாளர்கள் தனிநபர்களை குறிவைத்து வெறுப்பு பிரச்சாரம் செய்வதாக தீர்மானத்தில் குறிப்பிட்டுள்ளனர்.
எனவே, டிவி சேனல்களில் விவாதங்களின் தரம் மோசமாக குறைந்துவிட்டது. தொலைக்காட்சி சேனல்களும், விவாதங்களின் நெறியாளர்களும், மத்திய அரசின் நடவடிக்கைகளை கண்டு அஞ்சி, பாஜகவினர் விவாதத்தில் கலந்து கொள்ளும் பிற கட்சியினரை வெளிப்படையாக மோசமாக தாக்கி பேசுவதை தடுக்க முடியவில்லை.
எனவே, குழு “பா.ஜ.க செயல்பாட்டாளர்கள் பங்கேற்கும் விவாதங்களில் திமுக மற்றும் அதன் கூட்டணி கட்சிகளின் பிரதிநிதிகள் பங்கேற்க மாட்டார்கள் என்று முடிவு செய்யப்பட்டுள்ளது.
இந்தக் குழு, இரண்டாவது தீர்மானத்தில், காப்பி ரைட் குறித்த தங்கள் கருத்தை மறுபரிசீலனை செய்ய வேண்டும் என்றும், விவாதங்களில் பங்கேற்கும் அரசியல்வாதிகள், விவாதங்களின் போது அவர்களது பேச்சின் இடையில் சமூக வலைதள வீடியோ காட்சிகளைப் பகிர்வதைத் தடுக்க வேண்டும் என்றும் ஊடக நிறுவனங்களைக் கோரியுள்ளது.
THANKS TO : SAMAIYAM
