Rathiri Rounds Never Stop
Related Articles
மாநிலம் முழுவதும் வேல் யாத்திரை நடத்த திட்டமிட்டிருந்த பாஜகவிற்கு, தமிழக அரசின் முடிவு ஏமாற்றம் அளித்துள்ளது.
பாஜக கட்சியின் வேல் யாத்திரை வரும் நவம்பர் 6ஆம் தேதி திருத்தணியில் தொடங்கி அடுத்த மாதம் 6ஆம் தேதி திருச்செந்தூரில் முடிவடைகிறது. இந்த யாத்திரைக்கு அனுமதி தர முடியாது என உயர் நீதிமன்றத்தில் தமிழக அரசு பதில் அளித்துள்ளது. கொரோனா இரண்டாவது மற்றும் மூன்றாவது அலைக்கான அச்சுறுத்தல்கள் உள்ளதால் அனுமதி தர முடியாது என்று தெரிவிக்கப்பட்டுள்ளது.
* பாஜக வெற்றிவேல் யாத்திரைக்கு அனுமதி கேட்டு 15.10.2020 அன்று டிஜிபி-க்கு பாஜக பொதுச் செயலாளர் மனு கொடுத்தார். சம்பந்தப்பட்ட காவல் ஆணையர் அல்லது காவல் கண்காணிப்பாளர்களை அணுகும்படி 17.10.2020 அன்று டிஜிபி பதிலளித்து உள்ளார். மனுக்கள் வந்தால் சூழ்நிலையை பொறுத்து முடிவெடுக்க காவல்துறையினருக்கு அறிவுறுத்தப்பட்டுள்ளது.
* திருவள்ளூரில் பாஜக அளித்த மனுவில் கூட்டம் நடத்துவது போல மனு கொடுக்கப்பட்டுள்ளது. ஆனால் எத்தனை பேர் கலந்து கொள்வார்கள் என விவரங்கள் இல்லை.
* ஊரடங்கிற்கு முன்பாக 20.03.2020 அன்று சென்னை உயர் நீதிமன்றம் பிறப்பித்த உத்தரவில், கொரோனா கட்டுப்பாடுகளை மத்திய, மாநில அரசுகள் அமல்படுத்தி வருவதை கருத்தில் கொண்டு, போராட்டம் அல்லது பேரணிக்கு அனுமதி வழங்க மறுத்துள்ள உத்தரவு அமலில் உள்ளது.
* தளர்வுகள் வழங்கப்பட்டாலும் மக்கள் ஒன்றுகூடுவதை தடுக்க அவ்வப்போது உத்தரவுகள் பிறப்பிக்கப்படுகிறது. அதன்படி சமீபத்தில் பிறப்பித்த உத்தரவில் நவம்பர் 16ஆம் தேதி வரை அதிகப்படியாக 100 பேர் மட்டுமே கலந்துகொள்ளும் நிகழ்வுகளுக்கு அனுமதிக்கப்பட்டுள்ளது.
* கொரோனாவின் இரண்டாவது மற்றும் மூன்றாம் அலைக்கான அச்சுறுத்தல் உள்ளதால் அனுமதி அளிக்க முடியாது என முடிவெடுக்கப்பட்டுள்ளது. இதுகுறித்து பாஜகவுக்கு தெரிவிக்கப்படும் என்று தெரிவித்தார்.
Thanks to : samaiyam
