Rathiri Rounds Never Stop
Related Articles
அமிதாப் பச்சன் தொகுத்து வழங்கி வரும் ஷோவில் மனு ஸ்மிருதி குறித்து எழுப்பப்பட்ட கேள்வி புதிய சர்ச்சையை ஏற்படுத்தியுள்ளது.
வட இந்தியாவில் இந்தி மொழியில் ஒளிபரப்பப்பட்டு வரும் “கோடீஸ்வரன்” நிகழ்ச்சி மிகவும் பிரபலமானது. இதனை பிரபல நடிகர் அமிதாப் பச்சன் தொகுத்து வழங்கி வருகிறார். இந்த நிகழ்ச்சியில் போட்டியாளர்களிடம் கேட்ட கேள்வி தற்போது பெரிய சர்ச்சையை ஏற்படுத்தியுள்ளது. அதாவது, கடந்த வெள்ளி அன்று ஒளிபரப்பான நிகழ்ச்சியில், கடந்த 25 டிசம்பர் 1927 அன்று
பி.ஆர்.அம்பேத்கர் மற்றும் அவரது ஆதரவாளர்கள் எந்த புனித நூலின் பிரதிகளை தீயிட்டு கொளுத்தினர் என்று கேள்வி கேட்கப்பட்டுள்ளது. இதற்கு,
A) விஷ்ணு புராணம்
B) பகவத் கீதை
C) ரிக் வேதம்
D) மனு ஸ்மிருதி
ஆகிய நான்கு ஆப்ஷன்கள் வழங்கப்பட்டன. இதற்கு மனு ஸ்மிருதி என்ற சரியான விடையை போட்டியாளர்கள் தெரிவித்தனர். ஆனால் இதனை திரையில் பார்த்துக் கொண்டிருந்த சிலருக்கு அதிர்ச்சி ஏற்பட்டுள்ளது. அதாவது, ஆப்ஷன்களில் வழங்கப்பட்டுள்ள அனைத்தும் இந்து சமயத்தைச் சேர்ந்தவை. எனவே இது இந்துக்களை புண்படுத்தும் வகையில் இருப்பதாக குற்றம்சாட்டுகின்றனர். அம்பேத்கரை இந்து விரோதியா காட்ட முயற்சிக்கின்றனர்.
சாதி ரீதியிலாக இந்து சமூகத்தை உடைக்க திட்டமிடுகின்றனர் என்றெல்லாம் கடுமையான விமர்சனங்கள் சமூக வலைதளங்களில் பகிரப்பட்டு வருகின்றன. இந்த நிகழ்ச்சியின் பின்னணியில் இருப்பவர்கள் இடதுசாரிகள் தான் என்று சிலர் கூறுகின்றனர். குறிப்பாக பாலிவுட் பட இயக்குநர் விவேக் அக்னிஹோத்ரி தனது ட்விட்டர் பதிவில், கோடீஸ்வரன் நிகழ்ச்சியை கம்யூனிஸ்ட்கள் தங்கள் வசப்படுத்திக் கொண்டனர்.
இவ்வாறு கேள்விகள் கேட்பது சிறுவர்கள் மனதில் தவறுதலான புரிதலை ஏற்படுத்தும். இவை அனைத்தும் திட்டமிடப்பட்ட நிகழ்வு எனக் குறிப்பிட்டுள்ளார். இது பெரிய அளவில் இணையத்தில் வைரலாகி வருகிறது. இந்த சூழலில் லக்னோவைச் சேர்ந்த அனைத்திந்திய இந்து மகாசபாவின் மாநிலத் தலைவர் ரிஷி குமார் திரிவேதி காவல் நிலையத்தில் புகார் ஒன்றை அளித்துள்ளார். அதில், கோடீஸ்வரன் நிகழ்ச்சியில் கேட்கப்பட்ட கேள்வி கண்டனத்திற்கு உரியது.
இது சமூகத்தில் சாதி ரீதியிலான வேற்றுமைகளை ஏற்படுத்தும். சம்பந்தப்பட்ட நிகழ்ச்சி தயாரிப்பாளர்கள், டிவி சேனல், நிகழ்ச்சி தொகுப்பாளர் ஆகியோர் மீது நடவடிக்கை எடுக்க வலியுறுத்தியுள்ளார்
Thanks to : samaiyam
