என்ன ஜூலி இதெல்லாம்?: மிரண்டு போன ரசிகர்கள்..

மெரினா கடற்கரையில் நடந்த ஜல்லிக்கட்டு போராட்டத்தில் கலந்து கொண்டு சின்னம்மா, சின்னம்மா ஓபிஎஸ்ஸ எங்கம்மா என்று கோஷமிட்டதன் மூலம் தமிழகம் முழுவதும் பிரபலமானவர் ஜூலி. அவரின் ஆக்ரோஷத்தை பார்த்த இளசுகள் ஜூலியை வீரத் தமிழச்சி என்று அழைத்தார்கள்.

தமிழக இளைஞர்கள் கொண்டாடிய ஜூலியை பிக் பாஸ் வீட்டில் தங்க வைத்தார்கள். அங்கு ஆரம்பித்தது பிரச்சனை. பிக் பாஸ் வீட்டில் ஜூலி நடந்து கொண்ட விதத்தை பார்த்து அவரை போலி, போலி என்று கிண்டல் செய்தார்கள். பிக் பாஸ் நிகழ்ச்சியின் 4வது சீசனும் துவங்கி நடந்து வருகிறது. ஆனால் இன்னும் ஜூலியை சமூக வலைதளவாசிகள் கிண்டல் செய்கிறார்கள்.

யார் கலாய்த்தால் எனக்கென்ன வந்தது என்று ஜூலி தைரியமாக தன் புகைப்படங்கள், வீடியோக்களை தொடர்ந்து ட்விட்டரில் வெளியிட்டு வருகிறார். இந்நிலையில் ஜூலி தங்க நிற புடவை உடுத்தி தங்கச் சிலை போன்று இருக்கும் புகைப்படத்தை ட்விட்டரில் வெளியிட்டுள்ளார்.

அந்த புகைப்படத்தை பார்த்த ரசிகர்களோ, ஜூலிக்கா செம. அழகுச் சிலையாக இருக்கிறீர்கள். பார்த்துக் கொண்டே இருக்க வேண்டும் போலிருக்கு. நீங்கள் வெளியிட்ட புகைப்படங்களிலேயே இது தான் பெஸ்ட். தொடர்ந்து இது போன்ற புகைப்படங்களை வெளியிடவும் என்று தெரிவித்துள்ளனர்.

சமூக வலைதளவாசிகளோ, என்ன ஜூலி இதெல்லாம். ப்ப்பா, மேக்கப் டூ மச்சாக இருக்கிறது. இயற்கையாக இருக்கும் அழகே அழகு. இந்த பெயிண்ட் அடிக்கிற வேலை எல்லாம் வேண்டாம் என்று கூறியுள்ளனர்.

ஜூலிக்கு தமிழகத்தில் தீவிர ரசிகர்கள் எல்லாம் இருக்கிறார்கள். அது நெசந்தான்யா, நம்புங்க. அப்படிப்பட்ட தீவிர ரசிகர் ஒருவர் ஜூலியின் புகைப்படத்தை பூஜை அறையில் வைத்திருக்கிறார் என்றால் பாருங்களேன். பிக் பாஸ் நிகழ்ச்சிக்கு பிறகு ஜூலி அம்மன் தாயி, நீட் தேர்வால் உயிரை விட்ட அனிதாவின் படம் உள்ளிட்ட படங்களில் நடிக்க ஒப்பந்தம் ஆனார்.

அந்த படங்கள் எல்லாம் என்னாச்சு என ரசிகர்கள் அவ்வப்போது ஜூலியிடம் கேட்டுக் கொண்டிருக்கிறார்கள். அந்த அனிதா படம் பற்றியாவது அப்டேட் கொடுங்கள் ஜூலிக்கா என பலரும் கேட்கிறார்கள்.

THANKS TO : SAMAIYAM