Rathiri Rounds Never Stop
Related Articles
மதுரவாயலில் பூட்டியிருந்த வீட்டிற்குள் புகுந்த திருடனை அயர்லாந்தில் இருந்து கண்டுபிடித்து போலீசாரிடம் ஒப்படைத்துள்ளார் வீட்டு உரிமையாளர். கொள்ளையடிக்கும் போதெல்லாம் எதுவுமே அனுபவிக்க முடியாமல் போலீசாரிடம் சிக்கி விடுவதாக கொள்ளையன் புலம்பியுள்ளார், நடந்தது என்ன?
நகரம் திரைப்படத்தில், திருடனாக வரும் நடிகர் வடிவேலு தனது கூட்டாளிகளால் 100-வது திருட்டின் சம்பவம் நடப்பதற்கு முன்பே, போலீசாரிடம் சிக்கிக் கொள்வார். அதைப்போல, ஆனால் கொஞ்சம் வித்தியாசமாக மதுரவாயலில் ஒரு திருடன் போலீசாரிடம் சிக்கியுள்ளார். வீட்டு வாசலில் கோலம் போடவில்லையா? எனப் பார்த்து கோலம் போடாத வீடுகளில் ஆளிருக்க மாட்டார்கள் என்ற சிம்பிள் லாஜிக்கை வைத்து திருட முயன்ற சைக்கோ முரளி போலீசாரிடம் சிக்கியுள்ளார். மதுரவாயல் திருட்டு அயர்லாந்தில் தெரிந்தது எப்படி?
சென்னை மதுரவாயல் அடுத்த செட்டியார் அகரம் மூர்த்தி நகரைச் சேர்ந்தவர் 67 வயதான மூதாட்டி சண்முகசுந்தரவள்ளி. ஓய்வுபெற்ற ஆசிரியரான இவர் வீட்டில் தனியாக வசித்து வருகிறார். இவரது மகன் அருள்மோகன் அயர்லாந்து நாட்டில் குடும்பத்துடன் தங்கிப் பணியாற்றி வருகிறார். திங்கட்கிழமை அன்று அண்ணாநகரில் உள்ள தனது மகள் வீட்டிற்கு மூதாட்டி சென்று விட்டார்.
தகவல் அறிந்த அயர்லாந்தில் உள்ள மகன் அருள்மோகன், பாதுகாப்பு கருதி, அயர்லாந்து நேரப்படி திங்கள் இரவு 11 மணியளவில் தனது செல்போன் மூலம் வீட்டின் சிசிடிவியைக் கண்காணித்துள்ளார். அப்போது இந்திய நேரப்படி செவ்வாய்க்கிழமை அதிகாலை 3.20 மணியளவில், ஒரு திருடன் வீட்டின் கதவை உடைத்து உள்ளே சென்றது தெரியவந்தது.
செங்கல்பட்டைச் சேர்ந்தவர் 25 வயதான முரளி. இவர் காதல் தோல்வி காரணமாக அடிக்கடி உடல் முழுவதும் பிளேடால் கீறிக் கொள்வதால் நண்பர்கள் சைக்கோ முரளி எனப் பெயர் வைத்து அழைத்துள்ளனர். கஞ்சா பழக்கம் கொண்ட முரளி, எந்த வீட்டின் முன்பு தொடர்ந்து சில நாட்கள் கோலம் போடவில்லையோ அதில் ஆளில்லை எனத் தெரிந்து கொண்டு அந்த வீட்டைக் குறிவைத்துக் கொள்ளையடிப்பார்.
2018-ஆம் ஆண்டு, அரும்பாக்கத்தில் கடையில் திருட்டு, கூடுவாஞ்சேரியில் பைக் திருட்டு, கடந்த 1 மற்றும் 15-ஆம் தேதிகளில் 2 வீடுகளில் பூட்டை உடைத்து 15,000 ரூபாய் பணம் மற்றும் ஒரு கிலோ வெள்ளி திருட்டு என மொத்தம் 3 திருட்டு சம்பவங்களில் ஈடுபட்டுள்ளார்
