Rathiri Rounds Never Stop
Related Articles
ஸ்ரீ ஸ்வாமி நாராயண் மந்திர் மீண்டும் திறக்கப்பட்டதை அடுத்து ஆப்பிள்களைக் கொண்டு சிறப்பு பூஜை நடைபெற்றுள்ளது.
குஜராத் மாநிலம் அகமதாபாத் நகரில் ஸ்ரீ ஸ்வாமி நாராயண் மந்திர் அமைந்துள்ளது. இங்கு நர் நாராயண் தேவ் மற்றும் லக்ஷ்மி நாராயண் தேவ் ஆகியோர் முதன்மையான சாமிகளாக இருக்கின்றனர். இது புகழ்பெற்ற சுற்றுலா தலமாக விளங்குகிறது. இந்த கோயில் கடந்த மார்ச் மாதம் நாடு முழுவதும் அமலுக்கு வந்த
கொரோனா ஊரடங்கு காரணமாக மூடப்பட்டிருந்தது. இந்நிலையில் நவராத்திரி திருவிழா வரும் 17ஆம் தேதி தொடங்கவுள்ளதை அடுத்து, நேற்று கோயில் திறக்கப்பட்டது. இதையடுத்து சாமி தரிசனத்திற்கு மரப் பலகைகளால் ஆன சிறப்பு படிக்கட்டுகள் அமைக்கப்பட்டிருந்தன.
அதில் சிவப்பு, பச்சை, பொன்னிறத்திலான ஆப்பிள்கள் முக்கோண வடிவில் வைக்கப்பட்டிருந்தன. அதுவும் 3,000 கிலோ அளவிற்கு ஆப்பிள்களை பூஜைக்காக வைத்திருந்தனர். இதுபற்றி கோயிலின் பூசாரி கூறுகையில், ஆப்பிள்களைக் கொண்டு சாமிக்கு சிறப்பு பூஜைகள் செய்யப்படவுள்ளன.
அதன்பிறகு இந்த ஆப்பிள்கள் கொரோனா நோயாளிகளுக்கும், சுகாதாரத்துறை ஊழியர்களுக்கும் வழங்கப்படும் என்று தெரிவித்தார். இதேபோல் குஜராத் மாநிலத்தில் உள்ள பல்வேறு கோயில்களும் நவராத்திரி விழாவை ஒட்டி திறக்கப்பட்டுள்ளன.
இவற்றில் மாநில அரசின் வழிகாட்டுதலின்படி, கோவிட்-19 தொடர்பான விதிமுறைகள் அமலுக்கு வந்துள்ளன. நவராத்திரி விழா காரணமாக பொதுமக்கள் அதிகளவில் கூடுவர். இதனால் கொரோனா வைரஸ் பரவுவதற்கு அதிக வாய்ப்புகள் ஏற்படும்.
எனவே போதிய முன்னெச்சரிக்கை நடவடிக்கைகளை கையாள வேண்டிய கட்டாயத்தில் மாநில அரசுகள் இருக்கின்றன. இந்த சூழலில் 65 வயதுக்கு மேற்பட்ட மற்றும் 10 வயதுக்கு உட்பட்டவர்கள் வர வேண்டாம் என்று அறிவுறுத்தப்பட்டுள்ளது.
Thanks to : samaiyam
