Related Articles

திருவண்ணாமலையில் சத்குரு தவபலேஸ்வரர் குருபூஜை விழா

December 23, 2021

கலவை தாலுகா அலுவலகத்திற்கு நள்ளிரவில் வந்த கலெக்டர்

November 29, 2021

சென்னை ‘உஷ்ஷ்ஷ்!’ : இப்படி இருந்தால் கட்சி எப்படி வளரும்?

November 26, 2021

வேலூரில், 33 வயது நபருடன் 13 வயது சிறுமிக்கு நடக்கவிருந்த திருமணத்தை அதிகாரிகள் தடுத்து நிறுத்தியிருக்கிறார்கள்.

வேலூர், கொசப்பேட்டையைச் சேர்ந்த சுப்பு என்பவரின் 33 வயது மகன் சதீஷ். இவர், அதே பகுதியில் ஹோட்டல் நடத்திவருகிறார். சதீஷுக்கும், அவரது தெருவில் வசிக்கும் 13 வயதுடைய சிறுமிக்கும் திருமணம் செய்துவைக்க இருவீட்டாரும் கலந்துபேசியிருக்கிறார்கள். வரும் 26-ம்தேதி, திருமணத்தை நடத்துவதற்கான ஏற்பாடுகளையும் மும்முரமாக செய்துவந்திருக்கிறார்கள். அந்தச் சிறுமிக்கு தந்தை கிடையாது. தாய் உடல்நிலை பாதிக்கப்பட்டிருக்கிறார். 16 வயது மற்றும் 19 வயதில் இரண்டு அண்ணன்கள் மட்டுமே வேலைக்குச் சென்று குடும்பச் சுமையை சமாளித்துவருகிறார்கள். குடும்பத்தின் வறுமைநிலை காரணமாகவே, 33 வயதுடைய சதீஷுக்குத் திருமணம் செய்துவைக்க சிறுமியை அவரது தாய் மிரட்டி கட்டாயப்படுத்தியிருக்கிறார்.

இதையடுத்து, சிறுமியை மீட்டு அரியூரிலுள்ள காப்பகத்தில் தங்க வைப்பதற்கான ஏற்பாடுகளை பெண்களுக்கான சேவைமைய பணியாளர்கள் செய்துவருகிறார்கள். மேலும், இது தொடர்பாக சிறுமியின் தாய், அவரைத் திருமணம் செய்து கொள்ளவிருந்த சதீஷ், அவருடைய பெற்றோர் மற்றும் பிறப்புச் சான்றிதழ் பெற போலியான பரிந்துரைக் கடிதம் கொடுத்த மருத்துவர் ஆகியோர்மீது நடவடிக்கை எடுக்கக் கோரி வேலூர் அனைத்து மகளிர் காவல்நிலையத்திலும் ஒருங்கிணைந்த சேவைமைய நிர்வாகி பிரியங்கா புகார் கொடுத்திருக்கிறார். புகார் மனுவின் அடிப்படையில், போலீஸாரும் விசாரணை மேற்கொண்டுவருகிறார்கள்.

Thanks to : Vikatan