Rathiri Rounds Never Stop
Related Articles
முத்தையா முரளிதரனின் வாழ்க்கை வரலாற்று படத்தில் விஜய் சேதுபதி நடிப்பதை உறுதி செய்து போஸ்டர் வெளியிட்டுள்ளனர்.
இலங்கையை சேர்ந்த முன்னாள் கிரிக்கெட் வீரர் முத்தையா முரளிதரனின் வாழ்க்கை வரலாற்றை படமாக எடுக்கிறார்கள். அந்த படத்தில் முத்தையா முரளிதரனாக விஜய் சேதுபதி நடிக்கவிருக்கிறார். ஸ்ரீபதி இயக்கும் அந்த படம் குறித்து இன்று அதிகாரப்பூர்வ அறிவிப்பு வெளியிட்டுள்ளதுடன் போஸ்டரையும் வெளியிட்டுள்ளனர்.
ஒருவர் பந்து வீசுவது போன்று போஸ் கொடுத்திருக்கும் அந்த போஸ்டரில் விஜய் சேதுபதி தான் முத்தையா முரளிதரன், அதிகாரப்பூர்வ அப்டேட் விரைவில் வெளியாகும் என்று குறிப்பிடப்பட்டுள்ளது. அந்த போஸ்டரை ட்விட்டரில் வெளியிட்டு முத்தையா முரளிதரன் வாழ்க்கை வரலாற்று படத்தில் நடிப்பதை கவுரவமாக கருதுவதாக விஜய் சேதுபதி தெரிவித்துள்ளார்.
முன்னதாக அந்த படத்திற்கு 800 என்று பெயர் வைத்ததாக கூறப்பட்டது. ஆனால் போஸ்டரில் பெயரை குறிப்பிடவில்லை. அதனால் முத்தையா முரளிதரன் படத்திற்கு வேறு பெயர் தான் வைக்கப் போவதாக பேச்சு கிளம்பியுள்ளது.
விஜய் சேதுபதியின் ட்வீட்டை பார்த்த ரசிகர்கள் கூறியிருப்பதாவது,
தலைவா, படத்திற்காக மரண வெயிட்டிங். முரளிதரன் கதாபாத்திரத்திற்கு நீங்கள் தான் சரியாக இருப்பீர்கள். வெறித்தனம் என்று தெரிவித்துள்ளனர்.
சிலரோ, முத்தையா முரளிதரனாக நடித்து உங்கள் பெயரை கெடுத்துக் கொள்ள வேண்டாம் என்று கோரிக்கை விடுத்துள்ளனர்.
முத்தையா முரளிதரனின் வாழ்க்கை வரலாற்று படத்தில் நடிப்பது குறித்து முன்னதாக விஜய் சேதுபதி பேட்டி ஒன்றில் கூறியதாவது,
முத்தையா முரளிதரன் பயோப்பிக்கில் நடிப்பதில் மகிழ்ச்சியாக உள்ளது. நான் கிரிக்கெட் போட்டிகளை பார்க்க மாட்டேன். கிரிக்கெட் போட்டிகளை பார்த்தால் போர் அடிக்கும். சிறுவயதில் இருந்தே கிரிக்கெட் பார்ப்பது இல்லை. இதை நான் முத்தையா முரளிதரன் சாரிடம் கூட கூறினேன். அதற்கு அவரோ, என் கதாபாத்திரத்தில் நடிக்க இது தான் சிறந்த தகுதி என்று கூறினார் என்றார்.
முரளிதரனாக நடிக்க விஜய் சேதுபதி தன் உடல் எடையை குறைக்கவிருக்கிறார் என்பது குறிப்பிடத்தக்கது.
ப்ளூ சட்டை மாறனின் பெருமூளை மழுங்கி மட்டையாகிப் போனது: இயக்குநர் பொளேர்
Thanks to : samaiyam
