Rathiri Rounds Never Stop
Related Articles
தான் உட்பட யாரும் சசிகலாவால் அமைச்சர் ஆகவில்லை என்றும், முதல்வர் வேட்பாளர் தொடர்பாக அதிமுகவில் எந்த சலசலப்பும் இல்லை எனவும் அமைச்சர் ஜெ.க்குமார் காட்டமாக கூறியுள்ளார்.
தமிழக மீன்வளத் துறை அமைச்சர் ஜெயக்குமார் சென்னையில் இன்று செய்தியாளர்களை சந்தித்தார். அப்போது, வேளாண் மசோதாக்கள் மீது நாடாளுமன்றத்தில் நடைபெற்ற விவாதத்தின்போது அதிமுக எம்.பி.க்களான ரவீந்திரநாத்தும், எஸ்.ஆர். பாலசுப்ரமணியனும் மாறுபட்ட கருத்துகளை தெரிவித்துள்ளது உள்ளிட்ட தொடர்பாக கேள்வியெழுப்பட்டது.
விவசாயிகளுக்கு பாதிப்பு இல்லை என்பதாலேயே, மத்திய அரசு கொண்டு வந்துள்ள வேளாண் மசோதாக்களை தமிழக அரசு வரவேற்றுள்ளது. இந்த மசோதா குறித்து தமிழக முதல்வர் எடப்பாடி பழனிசாமி வெளியிட்டுள்ள அறிக்கையே தமிழக அரசின் முடிவு. இந்த மசோதா தொடர்பாக நாடாளுமன்ற மக்களவை, மாநிலங்களவையில் அதிமுக எம்.பி..க்கள் தெரிவித்துள்ள இருவேறு கருத்துகளை பெரிதுப்படுத்த வேண்டாம் என்று அமைச்சர் ஜெயக்குமார் தெரிவித்தார்.
மேலும், எதிர்வரும் சட்டப்பேரவைத் தேர்தலில் முதல்வர் வேட்பாளர் யார் என்பது தொடர்பாக அதிமுகவில் எவ்வித சலசலப்பும் இல்லை. நாங்கள் யாரும் சசிகலாவின் தயவால் அமைச்சராகவில்லை. மறைந்த முதல்வர் ஜெயலலிதாவால் தான் அமைச்சர்கள் ஆனோம் என்று அமைச்சர் ஜெயக்குமார் காட்டமாக பதிலளித்தார்.
முன்னதாக, மத்திய அரசு கொண்டு வந்துள்ள வேளாண் மசோதாக்கள் மீது நாடாளுமன்றத்தில் நேற்று காரசார விவாதம் நடைபெற்றது. இந்த விவாதத்தில் பங்கேற்று பேசிய அதிமுக எம்.பி. ரவீந்திரநாத், மக்களவையில் மசோதாவை ஆதரித்து பேசினார். அதேசமயம், மாநிலங்களவையில் அதிமுக எம்.பி. எஸ்.ஆர்.பாலசுப்ரமணியன் மசோதாவை எதிர்த்து பேசினார்.
விவசாய மசோதாக்களை வரவேற்று முதல்வர் எடப்பாடி பழனிசாமி அறிக்கை வெளியிட்டிருந்த நிலையில், அதற்கு எதிராக அதிமுக எம்.பி.யான எஸ்.ஆர்.பாலசுப்ரமணியன் பேசியது சர்ச்சையை ஏற்படுத்தியது. இந்த நிலையில், இதுதொடர்பாக அமைச்சர் ஜெயக்குமார் இவ்வாறு கூறியுள்ளார் என்பது குறிப்பிடத்தக்கது.
Thanks to : samaiyam
