நடிகர், நடிகைகளுக்கு நல்ல செய்தி !!

படப்பிடிப்புகள் நடக்கும் இடத்தில் கடைபிடிக்க வேண்டிய விதிமுறைகளை மத்திய அரசு வெளியிட்டுள்ளது.

அதன்படி,

படப்பிடிப்பு தளங்கள், ரெக்கார்டிங் ஸ்டுடியோக்கள், எடிட்டிங் அறைகள் உள்ளிட்ட இடங்களில் 6 அடி இடைவெளி இருக்க வேண்டும்.

படக் காட்சிகள், கேமரா லொகேஷன்கள், இருக்கைகள் விஷயத்தில் இடைவெளியை கடைபிடிக்க வேண்டும்.

படப்பிடிப்பு தளத்தில் குறைந்தபட்ச ஆட்களே இருக்க வேண்டும்.

செட்டில் பார்வையாளர்களுக்கு அனுமதி கிடையாது.

அவுட்டோர் ஷூட்டிங்கின்போது உள்ளூர் அதிகாரிகளின் உதவியுடன் பார்வையாளர்களை கட்டுப்படுத்த வேண்டும்.

ஓய்வு எடுக்கும் இடங்களிலும் சமூக விலகல் கடைபிடிக்கப்பட வேண்டும்.

செட்டுகள், மேக்கப் அறைகள், வேனிட்டி வேன்கள், கழிவறைகள் அவ்வப்போது சானிடைஸ் செய்ய வேண்டும்.

படப்பிடிப்பில் கலந்து கொள்பவர்களுக்கு கையுறை, பூட்ஸ், மாஸ்க், பிபிஇ கிட் வழங்க வேண்டும்.

கேமராவுக்கு முன்பு நிற்கும் நடிகர்கள், நடிகைகளை தவிர மற்ற அனைவரும் மாஸ்க் அணிந்திருக்க வேண்டும்.

உடைகள், விக்குகள், மேக்கப் பொருட்களை முடிந்த அளவுக்கு ஷேர் செய்யாமல் இருக்க வேண்டும்.

மேக்கப் கலைஞர்கள், ஹேர் ஸ்டைலிஸ்டுகள் பிபிஇ கிட் பயன்படுத்த வேண்டும்.

படப்பிடிப்பு கருவிகளை ஷேர் செய்பவர்கள் கண்டிப்பாக கையுறை அணிய வேண்டும்.

லேபல் மைக்குகள் பயன்படுத்துவதை தவிர்க்கலாம், மேலும் ஷேர் செய்யவே கூடாது.

ப்ராப்ஸ் பயன்படுத்துவதை குறைத்துக் கொள்ளலம். மேலும் ப்ராப்ஸுகளை பயன்படுத்துவதற்கு முன்பு சானிடைஸ் செய்ய வேண்டும் என்று அதில் தெரிவிக்கப்பட்டுள்ளது.

மேலும் ஆன்லைனில் டிக்கெட்டுகள் புக் செய்வது குறித்தும் மத்திய அரசு தெரிவித்துள்ளதால் தியேட்டர்கள் திறக்கப்படும் என்று எதிர்பார்க்கப்படுகிறது.

படப்பிடிப்புகள் துவங்கினால் தான் தியேட்டர்களை திறக்க முடியும் என்று தியேட்டர் உரிமையாளர்கள் தெரிவித்தனர். இந்நிலையில் மத்திய அரசின் இந்த உத்தரவு திரையுலகினர், தியேட்டர் உரிமையாளர்களை மகிழ்ச்சி அடையச் செய்யும்.

தியேட்டர்கள் திறக்கப்படுகிறது என்றால் சூர்யா அவசரப்பட்டு சூரரைப் போற்று படத்தை ஓடிடியில் வெளியிடுகிறாரோ என்கிற பேச்சும் கிளம்பியுள்ளது. சுதா கொங்கரா இயக்கத்தில் தான் நடித்த சூரரைப் போற்று படம் அக்டோபர் மாதம் 30ம் தேதி அமேசான் பிரைமில் வெளியாகும் என்று சூர்யா அறிவித்தார். அந்த அறிவிப்பை பார்த்து தியேட்டர் உரிமையாளர்கள் அதிருப்தி அடைந்துள்ளனர்.