Rathiri Rounds Never Stop
Related Articles
பன்முகத்தன்மைக்கு புதைகுழி தோண்டுகிறவர்களே அதில் புதையுண்டு போவார்கள் என்று தி.மு.க தலைவர் மு.க.ஸ்டாலின் கண்டனம் தெரிவித்துள்ளார்.
தி.மு.க எம்.பி கனிமொழி விமானநிலையத்துக்கு சென்றிருந்தபோது, மத்திய தொழிலக பாதுகாப்பு படை அதிகாரி, ‘உங்களுக்கு இந்தி தெரியவில்லையா? நீங்கள் இந்தியரா?’ என்று கேள்வி எழுப்பியுள்ளார். இந்தச் சம்பவத்தை கனிமொழி ட்விட்டரில் பதிவிட்டிருந்தார். அதனையடுத்து, இந்த விவகாரம் பெரும் பரபரப்பை ஏற்படுத்தியது.
இதுதொடர்பாக, உரிய நடவடிக்கை எடுப்பதாக சி.ஐ.எஸ்.எஃப் உறுதியளித்தது. இந்தச் சம்பவத்துக்கு அரசியல்கட்சித் தலைவர்கள் பலரும் கண்டனம் தெரிவித்துவருகின்றனர். இதுகுறித்து மு.க.ஸ்டாலின் ட்விட்டர் பதிவில், ‘இந்தி தெரியாது என்று சொன்னதால், ‘நீங்கள் இந்தியரா?’ என்று விமானநிலைய பாதுகாப்பு அதிகாரி ஒருவர் கனிமொழியைப் பார்த்துக் கேட்டுள்ளார். இந்திதான் இந்தியன் என்பதற்கான அளவுகோலா? இது இந்தியாவா? “இந்தி”-யாவா? பன்முகத்தன்மைக்கு புதைகுழி தோண்டுகிறவர்களே அதில் புதையுண்டு போவார்கள்’ என்று குறிப்பிட்டுள்ளார்.
Thanks to : news 18
