Breaking News
Home / செய்திகள் / இன்னும் இரண்டு நாளைக்கு மழை:வானிலை ஆய்வு மையம்!

இன்னும் இரண்டு நாளைக்கு மழை:வானிலை ஆய்வு மையம்!

தமிழ்நாடு புதுச்சேரியில் மழை பற்றிய முன் அறிவிப்பை சென்னை வானிலை ஆய்வு மையம் வெளியிட்டுள்ளது.

வெப்பச் சலனம் காரணமாக அடுத்த 24 மணி நேரத்தில் தமிழகம் மற்றும் புதுவையில் கடலோர மாவட்டங்கள், தஞ்சாவூர், திருவாரூர், புதுக்கோட்டை, அரியலூர், கரூர், நீலகிரி, ஈரோடு, சேலம், வேலூர், தர்மபுரி, கிருஷ்ணகிரி, திருவாரூர், விருதுநகர், சிவகங்கை மாவட்டங்களில் லேசானது முதல் மிதமானது வரை மழை பெய்ய வாய்ப்புள்ளதாக
சென்னை வானிலை ஆய்வு மையம் தெரிவித்துள்ளது ‌.

மேலும் அடுத்த 48 மணி நேரத்திற்கு தமிழகத்தின் கடலோர மாவட்டங்கள், புதுவை மற்றும் காரைக்கால் பகுதிகளில் மிதமான மழைக்கு வாய்ப்புள்ளதாக வானிலை ஆய்வு மையம் தகவல்.

கடந்த 24 மணி நேரத்தில், மகாபலிபுரத்தில் 7செ.மீ மழையும், திருக்கழுக்குன்றத்தில் 6 செ.மீ மழையும், வந்தவாசி மற்றும் மதுராந்தகத்தில் 5 செ.மீ மழையும், பெருங்களூர், திருப்பத்தூர், புதுக்கோட்டை மற்றும் பெருந்துறையில் 4 செ.மீ மழையும் பதிவாகியுள்ளது.
சென்னையை பொருத்தவரை வானம் ஓரளவு மேகமூட்டத்துடன் காணப்படும். மாலை நேரங்களில் நகரின் ஒரு சில பகுதிகளில் லேசான முதல் மிதமான மழைக்கு வாய்ப்பு உள்ளது. அதிகபட்ச வெப்பநிலையாக 36 டிகிரி செல்சியஸ் என்ற அளவிலும் குறைந்தபட்ச வெப்ப நிலை 26 டிகிரி செல்சியஸ் என்ற அளவிலும் பதிவாகும்.

அடுத்த 24 மணிநேரத்திற்கு மத்திய வங்கக் கடல் பகுதியில் பலத்த காற்று மணிக்கு 40 முதல் 50 கிலோ மீட்டர் வேகத்திலும்,

மேலும் கேரளா, கர்நாடகா, லட்சத்தீவு மற்றும் கோவா கடலோர பகுதிகளில் சூறாவளி காற்று 40 முதல் 50 கிலோ மீட்டர் வேகத்தில் வீசும் என்பதால் இந்தப் பகுதிகளுக்கு அடுத்த 24 மணி நேரத்திற்கு மீனவர்கள் மீன்பிடிக்க கடலுக்கு செல்ல வேண்டாம் என அறிவுறுத்தப்படுகிறார்கள்.

 

Thanks To: samaiyam

About Admin

Check Also

கோவை மாவட்டத்தை திமுக புறக்கணிக்கிறதா? மாஜி அமைச்சர் வேலுமணி

கோவை அதிமுக தலைமை அலுவலகத்தில் முன்னாள் அமைச்சர் எஸ் பி வேலுமணி கூறியதாவது:கோவைக்கு வந்த ஸ்டாலின் சாலைகளை சீரமைக்க உத்தரவிடுவார் …

Leave a Reply

Your email address will not be published. Required fields are marked *

MyHoster