Breaking News
Home / இந்தியா / சீன நிறுவனங்களுடன் ரூ.5,000 கோடி புரோஜக்ட்? -மாநில அரசு!

சீன நிறுவனங்களுடன் ரூ.5,000 கோடி புரோஜக்ட்? -மாநில அரசு!

இருநாட்டு எல்லையில் கடும் மோதல் ஏற்பட்டதை அடுத்து மகாராஷ்டிர மாநில அரசு அதிரடி முடிவெடுத்துள்ளது.
இந்திய – சீன எல்லையில் இருநாட்டு ராணுவத்தினர் கடந்த 15ஆம் தேதி கடுமையாக மோதிக் கொண்டனர். இதில் இருதரப்பிலும் உயிர் சேதம் ஏற்பட்டது. இதன் தொடர்ச்சியாக சீனாவின் மீதும், சீனப் பொருட்களின் மீதும் இந்தியர்களிடையே வெறுப்புணர்வு அதிகரிக்கத் தொடங்கியுள்ளது. இதையொட்டி சீன நிறுவனங்கள் உடனான ஒப்பந்தங்களை முடக்கும் வேலையில் மத்திய அரசு ஈடுபட்டு வருகிறது. கொரோனா வைரஸ் பாதிப்பில் இருந்து மீண்டு வருவதற்கு பொருளாதாரத்தை ஊக்கப்படுத்தும் வகையில் ”

இந்திய – சீன எல்லையில் இருநாட்டு ராணுவத்தினர் கடந்த 15ஆம் தேதி கடுமையாக மோதிக் கொண்டனர். இதில் இருதரப்பிலும் உயிர் சேதம் ஏற்பட்டது. இதன் தொடர்ச்சியாக சீனாவின் மீதும், சீனப் பொருட்களின் மீதும் இந்தியர்களிடையே வெறுப்புணர்வு அதிகரிக்கத் தொடங்கியுள்ளது. இதையொட்டி சீன நிறுவனங்கள் உடனான ஒப்பந்தங்களை முடக்கும் வேலையில் மத்திய அரசு ஈடுபட்டு வருகிறது. கொரோனா வைரஸ் பாதிப்பில் இருந்து மீண்டு வருவதற்கு பொருளாதாரத்தை ஊக்கப்படுத்தும் வகையில் ”

மேக்னடிக் மகாராஷ்டிரா 2.0″ என்ற பெயரில் திட்டங்கள் வகுக்கப்பட்டு வருகின்றன.

இதற்காக பல்வேறு நாடுகளுடன் ஒப்பந்தங்கள் கையெழுத்திடப்பட்டு கூட்டாக செயல்பட திட்டமிடப்பட்டுள்ளது. தற்போது வரை சிங்கப்பூர், தென் கொரியா, அமெரிக்கா உள்ளிட்ட நாடுகளுடன் 12 ஒப்பந்தங்கள் போடப்பட்டுள்ளன. அந்த வகையில் சீன நிறுவனங்கள் உடன் கையெழுத்திடப்பட்ட ரூ.5,000 கோடி மதிப்பிலான திட்டங்களை மகாராஷ்டிர மாநில அரசு முடக்கி வைத்துள்ளது.

இதுபற்றி தொழிற்துறை அமைச்சர் சுபாஷ் தேசாய் கூறுகையில், மத்திய அரசுடன் ஆலோசனை நடத்திய பிறகு இத்தகைய முடிவு எடுக்கப்பட்டுள்ளது. இந்திய – சீன ராணுவத்தினர் மோதலுக்கு முன்பாக மகாராஷ்டிர அரசு ஒப்பந்தம் கையெழுத்திட்டது. ஆனால் தற்போது அவ்வாறு இல்லை. எனவே சீன நிறுவனங்கள் உடன் ஒப்பந்தங்கள் கையெழுத்திடுவது மற்றும் இணைந்து செயலாற்றுவதை உடனடியாக நிறுத்த வேண்டும் என்று மத்திய அரசு அறிவுறுத்தியதாக குறிப்பிட்டார்.

கடந்த திங்கள் அன்று சீனா அம்பாசிடர் சன் வெய்தோங் ஆன்லைன் மூலம் கலந்து கொண்ட கூட்டம் நடைபெற்றது. இதில் புனே அருகே தாலேகோன் பகுதியில் ஆட்டோமொபைல் நிறுவனத்தைக் கட்டமைக்க சீனாவின் கிரேட் வால் மோட்டார்ஸ் நிறுவனத்துடன் ரூ.3,770 கோடி மதிப்பில் ஒப்பந்தம் கையெழுத்தானது. மேலும் சீனாவின் போட்டான் நிறுவனத்துடன் பிஎம்ஐ எலக்ட்ரோ மொபிலிட்டி நிறுவனமும் கூட்டாக செயல்பட ரூ.1,000 கோடி மதிப்பிலான திட்டம் பற்றி அறிவிப்பு வெளியானது.

இதன்மூலம் 1,500 பேருக்கு வேலைவாய்ப்பு கிடைக்கும் என்று மாநில அரசின் அறிவிப்பில் தெரிவிக்கப்பட்டது. தாலேகோன் தளத்தின் இரண்டாம் கட்ட விரிவாக்கத்தில் சீனாவின் ஹெங்லி எஞ்சினியரிங் நிறுவனம் ரூ.250 கோடி முதலீடு செய்துள்ளது. இதன்மூலம் 150 பேருக்கு வேலைவாய்ப்பு கிடைக்கும். இந்நிலையில் எல்லையில் ஏற்பட்ட மோதலைத் தொடர்ந்து மேற்கூறிய ஒப்பந்தங்கள் செயல்பாட்டிற்கு வராமல் நிறுத்தி வைக்கப்பட்டுள்ளது.

இதுபற்றி முதலமைச்சரும், சிவசேனா கட்சி தலைவருமான உத்தவ் தாக்கரே கூறுகையில், இந்தியா அமைதியை விரும்புகிறது. அதற்காக இந்தியாவை பலவீனமான நாடு என்று கருத வேண்டாம். சீனா எப்போதும் துரோக மனப்பான்மையுடன் செயல்படக்கூடியது. அதேசமயம் இந்தியாவும் வலிமையானது. சீனாவிற்கு பதிலடி கொடுக்க மத்திய அரசுடன் எங்களது அரசும் ஒருங்கிணைந்து செயல்படும். நாங்கள் அனைவரும் ஒன்றே என்று கூறியுள்ளார்.

 

 

Thanks to: samayam

About Admin

Check Also

அரசியல் சாசனப்படி குடிமக்களின் உரிமைகளை காக்கவேண்டும் : மோடி

புதுடில்லி:அரசியல் சாசனப்படி குடிமக்களின் உரிமைகளை காக்கவேண்டும் என அரசியல் சாசன நாள் விழாவில் பிரதமர் மோடி கூறினார்.     …

Leave a Reply

Your email address will not be published. Required fields are marked *

MyHoster