
10ஆம் தேதி பொதுத் தேர்வுத் திட்டமிட்ட தேதியில் நடக்காது எனக் கூறி தடை உத்தரவு…
10ஆம் வகுப்புப் பொதுத் தேர்வு ஜூன் 15ஆம் தேதி தொடங்கும் எனத் தமிழ்நாடு அரசு அறிவித்திருந்த நிலையில், கொரோனா பாதிப்பைச் சுட்டிக்காட்டித் தேர்வுக்குத் தடை விதித்து சென்னை உயர் நீதிமன்றம் தீர்ப்பளித்துள்ளது.
10ஆம் வகுப்பு பொதுத் தேர்வைத் தள்ளிப்போட உத்தரவு வேண்டும் எனச் சென்னை உயர் நீதிமன்றத்தில் அரசு பள்ளி ஆசிரியர்கள் கூட்டாக மனுத் தாக்கல் செய்திருந்தனர். இந்த மனுவில் இப்போதைய நேரத்தில் தேர்வு நடத்துவது மாணவர்களை உடல் ரீதியாகவும் உளவியல் ரீதியாகவும் பாதிப்படைய செய்யும் எனக் குறிப்பிடப்பட்டிருந்தது.
மேலும் அந்த மனுவில் இதைக் குறிப்பிட்டு தேர்வை குறைந்தது 2 மாதக் காலம் தள்ளிப் போட வேண்டும் என அரசு ஆசியர்கள் கோரிக்கை வைத்திருந்தனர். இந்த மனு மீதான விசாரணை இன்று நடந்த நிலையில், “இப்போதே 10ஆம் வகுப்புப் பொதுத் தேர்வை நடத்த தமிழ்நாட்டு அரசுக்கு என்ன அவசியம்” எனக் கேள்வி எழுப்பியது.
இதற்கிடையே 10ஆம் வகுப்புப் பொதுத் தேர்வு இணை இயக்குநர் உள்பட 4 பேருக்கு கொரோனா இருப்பது உறுதியான செய்தி இன்று வெளியானது. அதே வேளையில் மாநிலத்தில் உள்ள அரசியல் கட்சிகள் தேர்வு நடத்த வேண்டாம் என தொடர்ந்து கோரிக்கை வைத்து வந்தது.
இந்நிலையில் சென்னை உயர் நீதிமன்றம் மனு மீதான விசாணையின்போது “மாநில அரசு திட்டமிட்டுள்ளபடி ஜூன் 15ஆம் தேதி பொதுத் தேர்வு நடத்த அனுமதி வழங்க முடியாது. ஜூலை 2ஆம் வாரம் தேர்வுகளை நடத்தலாமா என்பது குறித்து தமிழ்நாடு அரசு பதிலளிக்க வேண்டும். இந்த நேரத்தில் 9 லட்சம் மாணவர்களின் உயிரை ஆபத்தில் தள்ள முடியாது” என உத்தரவிட்டுள்ளது.
Thanks To: Samayam
Rathiri Rounds Never Stop