Home / அரசியல் / முதல்வர் மீதான புகார் மனுக்கள் வாபஸ்….

முதல்வர் மீதான புகார் மனுக்கள் வாபஸ்….

டெண்டர் ஊழல் நடைபெற்றதாக ஆர்.எஸ்.பாரதி உயர்நீதிமன்றத்தில் அளித்த முதல்வர் மீதான புகார் மனுக்கள் வாபஸ்

ஃபைபர் நெட் இணைப்பு மற்றும் நெடுஞ்சாலை அமைப்பது தொடர்பாகவிடப்பட்ட டெண்டரில் ஊழல் நடந்திருப்பதாக முதலமைச்சர் எடப்பாடி பழனிசாமி மீது வழக்குத் தொடர வேண்டும் என்று திமுக அமைப்புச் செயலாளரும் மாநிலங்களவை உறுப்பினருமான ஆர்.எஸ்.பாரதி சென்னை உயர்நீதிமன்றத்தில் மனுத்தாக்கல் செய்திருந்தார்.

இந்த மனு நேற்று முன்தினம் விசாரணைக்கு வந்தபோது, ‘டெண்டரில் யாரும் பங்கேற்காதபோது ஊழல் நடந்துள்ளதாக, அரசியல் காரணங்களுக்காக வழக்குத் தொடரபட்டுள்ளது’ என அரசுத் தரப்பில் தெரிவிக்கப்பட்டது.

அதன்படி இன்று இவ்வழக்கு மீண்டும் விசாரணைக்கு வந்தபோது, தமிழக அரசின் விளக்கத்தை ஏற்று, முதல்வர் மற்றும் அமைச்சருக்கு எதிராக தாக்கல் செய்த இரண்டு மனுக்களையும் ஆர்.எஸ்.பாரதி வாபஸ் பெற்றார்.

மேலும், இந்தப் புகாரில் முகாந்திரம் இல்லை என லஞ்ச ஒழிப்புத் துறை முடிவெடுத்துவிட்டது. அது தொடர்பான புகாரை முடித்து வைத்தது குறித்து ஆர்.எஸ்.பாரதிக்கும் தகவல் அனுப்பியுள்ளது’ என்றும் அரசு தரப்பில் தெரிவிக்கப்பட்டது. இத்துடன், டெண்டர் நடைமுறை இன்னும் முடியவில்லை என லஞ்ச ஒழிப்புத் துறை தெரிவித்ததும் குறிப்பிடத்தக்கது.

 

 

Thanks To: Samayam

 

 

Leave a Reply

Your email address will not be published. Required fields are marked *