Saturday , April 17 2021
Breaking News
Home / அரசியல் / இதுதான் ஒரே கோல்.. வேல்முருகன் மட்டும் ஜெயிக்க கூடாது.. விடாப்பிடியாக நிற்கும் பாமக நிர்வாகிகள்.. பின்னணி

இதுதான் ஒரே கோல்.. வேல்முருகன் மட்டும் ஜெயிக்க கூடாது.. விடாப்பிடியாக நிற்கும் பாமக நிர்வாகிகள்.. பின்னணி

சென்னை: தமிழக சட்டசபை தேர்தலில் எங்கு திமுக வெற்றிபெற்றாலும் பிரச்சனையில்லை.. ஆனால் ஒரு தொகுதியில் மட்டும் அந்த கட்சி வெற்றிபெற்றுவிடவே கூடாது என்பதில் பாமக உறுதியாக இருக்கிறது.. அந்த தொகுதி தமிழக வாழ்வுரிமைக் கட்சியின் தலைவர் வேல்முருகன் போட்டியிடும் பண்ருட்டி தொகுதியாகும்!

தமிழக சட்டசபை தேர்தலில் திமுக கூட்டணியில் தமிழக வாழ்வுரிமை கட்சி இடம்பெற்றுள்ளது. திமுக கூட்டணியில் வேல்முருகன் 2 இடங்கள் கேட்ட நிலையில் ஒரு இடம் மட்டுமே ஒதுக்கப்பட்டது.

திமுகவின் உதய சூரியன் சின்னத்தில் வேல்முருகன் பண்ரூட்டி தொகுதியில் களமிறங்கி உள்ளார். இவர் அந்த தொகுதியில் மிக தீவிரமாக பிரசாரம் செய்து வருகிறார்.

பண்ருட்டி தொகுதியில் அதிமுக சார்பில், முன்னாள் எம்எல்ஏ சொரத்தூர் ராஜேந்திரன் போட்டியிடுகிறார். இந்த நிலையில் இங்கு போட்டியிடும் வேல்முருகனை எப்படியாவது தோற்கடிக்க வேண்டும் என்று பாமக குறியாக இருக்கிறது. யார் வேண்டுமானாலும் ஜெயிக்கட்டும், ஆனால் இவர் மட்டுமே ஜெயிக்கவே கூடாது என்பதில் பாமக மிக தீவிரமாக இருப்பதாக களநிலவரங்கள் தெரிவிக்கின்றன.

வட மாவட்டங்களில் செல்வாக்குள்ள வேல்முருகன், பாமகவிற்கு மிகப்பெரிய தலைவலியாக உருவெடுத்துள்ளார். வன்னியர் வாக்குகளை திமுக பக்கம் திருப்பும் கேம் சேஞ்சராக வேல்முருகன் உருவெடுத்துள்ளார். கடந்த லோக்சபா தேர்தலில் திமுகவிற்கு ஆதரவாக வேல்முருகன் வாக்கு சேகரித்தார். வடமாவட்டங்களில் லோக்சபா தேர்தலில் திமுக வெல்ல இவர் முக்கிய காரணமாக இருந்தார்.

வேல்முருகனின் வளர்ச்சி கொஞ்சம் கொஞ்சமாக பாமகவிற்கு எதிராக திரும்பி உள்ளது. முக்கியமாக விசிகவிற்கு ஆதரவாக வேல்முருகன் ஆட்கள் பிரசாரம் செய்வதும் பாமகவிற்கு சிக்கலாக மாறியுள்ளது. விசிக வேட்பாளர்களுக்கு ஆதரவாக சில வன்னியர்கள் வாக்கு கைமாறவும் வேல்முருகன் முக்கிய காரணமாக மாறியுள்ளார்.

வேல்முருகனுக்கு எதிராக தேர்தல் வேலைகளை பார்க்க அதிக அளவில் நிர்வாகிகள் களமிறக்கப்பட்டுள்ளனராம். இங்கு அதிமுகதான் போட்டியிடுகிறது என்றாலும் பாமக.. இதை தங்கள் சொந்த தொகுதி போல நினைத்து வேலை பார்க்கிறது. பாமக போட்டியிடும் 23 தொகுதிகள் போக மற்ற தொகுதியில் உள்ள பல நிர்வாகிகள் இங்கு களமிறக்கப்பட்டுள்ளனர்.

Thanks to Oneindia.tamil.com

About Admin

Check Also

தீவிரமாகும் கரோனா: புதுச்சேரியில் கல்லூரித் தேர்வுகள் அனைத்தும் தேதி குறிப்பிடாமல் ஒத்திவைப்பு

தீவிரமாகும் கரோனா: புதுச்சேரியில் கல்லூரித் தேர்வுகள் அனைத்தும் தேதி குறிப்பிடாமல் ஒத்திவைப்பு கரோனா தொற்றின் வேகம் காரணமாகப் புதுச்சேரி கல்லூரிகளில் …

Leave a Reply

Your email address will not be published. Required fields are marked *

MyHoster