Sunday , October 17 2021
Breaking News
Home / உலக செய்திகள்

உலக செய்திகள்

உலக செய்திகள்

பிரான்சில் கோர விபத்து: தண்டவாளத்தில் உறங்கிய அகதிகள் மீது ரயில் ஏறியதில் மூவர் பலி

பாரீஸ்: பிரான்சின் பியாரிட்ஸ் நகரில் தண்டவாளத்தில் படுத்திருந்த அகதிகள் மீது ரயில் ஏறியதில் மூவர் உயிரிழந்தனர்; ஒருவர் படுகாயம் அடைந்தார்.

latest tamil news

பிரான்சின் தென்மேற்கு பகுதியில் உள்ள கடற்கரை நகர் பியாரிட்ஸ். இது பிரான்சுக்கு வரும் அகதிகளுக்கான பிரதான வழித்தடமாக உள்ளது. பல்வேறு நாடுகளில் இருந்து வரும் அகதிகள், இந்த நகரில் இருந்துதான் பிரான்சின் பிற இடங்களுக்கு செல்கின்றனர்.

latest tamil news

பியாரிட்ஸ் நகருக்கு வந்த அகதிகள் சிலர், நேற்று முன்தினம் இரவு அங்குள்ள ரயில் தண்டவாளத்தில் படுத்து உறங்கியதாக கூறப்படுகிறது. உள்ளூர் நேரப்படி நேற்று அதிகாலை 6:00 மணிக்கு இந்த தண்டவாளத்தில் வந்த ரயில் அவர்கள் மீது ஏறியது. இந்த கோர சம்பவத்தில் அகதிகள் 3 பேர் சம்பவ இடத்திலேயே உடல் நசுங்கி உயிரிழந்தனர். மேலும் ஒருவருக்கு கால் உடைந்தது. இறந்தவர்கள் எந்த நாட்டைச் சேர்ந்தவர்கள் என்பது குறித்து விசாரணை நடத்தப்பட்டு வருகிறது.

வளர்ந்து வரும் நாடுகளின் பொருளாதாரம் பாதிப்பு: ஐ.நா., கவலை

நியூயார்க்: ‛‛கொரோனா பாதிப்பு காரணமாக வளர்ந்து வரும் நாடுகள் பலவும் பொருளாதாரத்தில் பின்தங்கி உள்ளன,” என்று ஐ.நா., பொதுச்செயலாளர் கவலை தெரிவித்துள்ளார்.

latest tamil news

அமெரிக்காவின் நியூயார்க் நகரத்தில் சர்வதேச நிதியம் நடத்திய கொரோனா பாதிப்பு தொடர்பான நிகழ்ச்சியில் ஐ.நா., பொதுச்செயலாளர் ஆண்டனியோ குட்டரெஸ் பங்கேற்று பேசியதாவது:

கொரோனா வைரஸ் பெருந்தொற்று காரணமாக 10 கோடிக்கும் மேற்பட்ட மக்களை வறுமையில் தள்ளிவிட்டது. 400 கோடிக்கும் மேற்பட்ட மக்களுக்கு சமூக ஆதரவு குறைவாக உள்ளது. சில கோடி பேருக்கு சுத்தமாக இல்லை. சுகாதார பராமரிப்பு இல்லை. அவசரமாக தேவைப்படும்போது வருமான பாதுகாப்பு இல்லை.

latest tamil news

உலகம் 5 முதல் 6 சதவீத மொத்த உள்நாட்டு உற்பத்தியுடன் பொருளாதார மீட்பின் மத்தியில் இருந்தாலும், வளர்ந்து வரும் நாடுகள் பலவும் பின்தங்கி உள்ளன. வலுவான பொருளாதார நாடுகள் மீட்புக்காக மொத்த உள்நாட்டு உற்பத்தியில் 28 சதவீத அளவுக்கு மீட்பு திட்டங்களில் முதலீடு செய்துள்ளன. ஆனால், குறைவான வளர்ச்சி அடைந்த நாடுகள், சராசரியாக மொத்த உள்நாட்டு உற்பத்தியில் 1.8 சதவீதம் தான் முதலீட்டுக்காக ஒதுக்க முடிகிறது. இவ்வாறு அவர் பேசினார்.

பிரான்சிலிருந்து மேலும் மூன்று ரபேல் போர் விமானங்கள் குஜராத் வருகை

புதுடில்லி : ஐரோப்பிய நாடான பிரான்சில் இருந்து மேலும் மூன்று புதிய ரபேல் போர் விமானங்கள் இன்று குஜராத்தில் தரையிறங்க உள்ளன.

ஐரோப்பிய நாடான பிரான்சில் இருந்து ரூ.58 ஆயிரம் கோடி மதிப்பிலான 36 புதிய ரபேல் போர் விமானங்களை வாங்க கடந்த 2016ல் மத்திய அரசு ஒப்பந்தம் போட்டது.முதல்கட்டமாக ஐந்து ரபேல் போர் விமானங்கள் ஹரியானாவின் அம்பாலா விமானப்படை தளத்திற்கு வந்து சேர்ந்தன. அதன் பின் பல்வேறு கட்டங்களாக ரபேல் போர் விமானங்கள் நம் நாட்டுக்கு வந்து சேர்ந்தன.

latest tamil news

இந்நிலையில் மேலும் மூன்று புதிய ரபேல் போர் விமானங்கள் பிரான்சில் இருந்து தொடர்ச்சியாக 6 மணி நேரம் பயணித்து இன்று (அக்.13) குஜராத்தின் ஜாம் நகரில் உள்ள விமான படைதளத்திற்கு வந்திறங்குகிறது. இதற்கான ஏற்பாடுகளை விமானப்படை செய்து வருகிறது.

நவராத்திரி கொண்டாடிய இலங்கை பிரதமர் ராஜபக்சே

கொழும்பு: நவராத்திரிவிழாவை, இலங்கை பிரதமர் ராஜபக்சே, தனது குடும்பத்தினருடன் கொண்டாடினார்.

தலைநகர் கொழும்புவில் உள்ள பிரதமரின் இல்லத்தில் இன்று (அக்.14) நடந்த நவராத்திரி விழாவில், ராஜபக்சே, குடும்பத்தினர், பா.ஜ. மூத்த தலைவர் சுப்பிரமணியன் சுவாமி , மற்றும் நண்பர்கள் அவருக்கு நெருக்கமானவர்கள் கலந்து கொண்டனர். கொலு வைக்கப்பட்டு பாரம்பரிய பூஜை, வழிபாடுகள் நடந்தது.

latest tamil news

டுவிட்டரில் ராஜ பக்சே பதிவேற்றியது, எனது நீண்டகால நண்பர் மற்றும் சகாக்களுடன் நவராத்திரி கொண்டியது மிகவும் மகிழ்ச்சி. அனைவருக்கும் பாதுகாப்பான, வளமான , ஆசீர்வதிக்கப்பட்ட நவராத்திரியாக அமைய வாழ்த்துக்கள். கடவுளின் ஆசிர்வாதங்களுடன் நாம் பயணிக்கும் பாதையில் வெற்றி ஒளிர வேண்டும். இவ்வாறு ராஜபக்சே குறிப்பிட்டுள்ளார்.

பயங்கரவாதத்திற்கு எதிராக ஒன்றுபட இந்தியா அழைப்பு

நுர் – சுல்தான்: ”பருவ நிலை மாற்றம், கொரோனா போன்றவற்றுக்கு எதிராக உலக நாடுகள் ஒன்றிணைந்துள்ளது போல, பயங்கரவாதத்திற்கு எதிராகவும் ஒன்றுபட்டு போராட வேண்டும்,” என, வெளியுறவுத் துறை அமைச்சர் ஜெய்சங்கர் தெரிவித்துள்ளார்.

மத்திய ஆசிய நாடுகளான கிர்கிஸ்தான், கஜகஸ்தான் மற்றும் ஆர்மேனியா ஆகியவற்றுக்கு நம் வெளியுறவுத்துறை அமைச்சர் ஜெய்சங்கர் சுற்றுப் பயணம் மேற்கொண்டுள்ளார். கிர்கிஸ்தான் பயணத்தை முடித்துக் கொண்டு நேற்று முன் தினம் கஜகஸ்தான் வந்து சேர்ந்தார்.கஜகஸ்தான் தலைநகர் நுர் – சுல்தானில் ஆசிய வெளியுறவு அமைச்சர்கள் மாநாட்டில் பங்கேற்றார்.

அப்போது அவர் பேசியதாவது: அமைதி மற்றும் வளர்ச்சி தான் நம் பொதுவான கொள்கை என்றால், பயங்கரவாதம் என்ற மிகப் பெரிய எதிரியை நாம் வெல்ல வேண்டும்.ஒரு நாட்டிற்கு எதிராக மற்றொரு நாடு பயங்கரவாதத்தை ஊக்குவிப்பதை அனுமதிக்கக் கூடாது. எல்லை தாண்டிய பயங்கரவாதத்தை துாண்டுவது ஒரு நாட்டிற்கு அழகு அல்ல; அது பயங்கரவாதத்தின் மற்றொரு வடிவம்.

latest tamil news

கொரோனா போன்ற கொடிய தொற்று நோய்கள், பருவ நிலை மாற்றப் பிரச்னைகள் ஆகியவற்றுக்கு எதிராக உலக நாடுகள் ஒருங்கிணைந்துள்ளது போல, பயங்கரவாதத்திற்கு எதிராகப் போராடவும் ஒன்றுபட வேண்டும்.குறுகிய கால ஆதாயத்திற்காக பயங்கரவாதம், மதவாதம், வன்முறை, இனவெறி ஆகியவற்றை துாண்டுகின்றனர். அவை ஒருநாள், துாண்டியவரையே பதம் பார்த்து விடும். இவ்வாறு அவர் பேசினார்.

இந்த மாநாட்டில் பயங்கரவாதத்தை துாண்டும் பாக்., குறித்தும், பாக்., ஆக்ரமிப்பு காஷ்மீர் வழியாக பொருளாதார வழித் தடம் அமைக்கும் சீனா பற்றியும் பெயர் குறிப்பிடாமல் ஜெய்சங்கர் பேசினார்.

ரஷ்ய அமைச்சருடன் ஜெய்சங்கர் சந்திப்பு

வெளியுறவுத்துறை அமைச்சர்கள் மாநாட்டின் இடைவெளியில் ரஷ்ய வெளியுறவுத்துறை அமைச்சர் செர்கெய் லாவ்ரவ்வை, நம் வெளியுறவுத் துறை அமைச்சர் ஜெய்சங்கர் சந்தித்து பேசினார். அப்போது இருநாட்டு உறவை வலுப்படுத்துவது, ஆப்கானிஸ்தான், இந்தோ – பசிபிக் பிரச்னைகள் குறித்து அவர்கள் விவாதித்தனர். கஜகஸ்தானில் இருந்து ஆர்மேனியா செல்லும் ஜெய்சங்கர், அந்நாட்டு வெளியுறவுத்துறை அமைச்சர் அராரத் மிர்ஸோயன் மற்றும் பிரதமர் நிகோல் பஷின்யான் ஆகியோரை சந்தித்து பேச உள்ளார்.

இந்தியாவில் மேலும் 15 ஆயிரம் பேருக்கு கோவிட்; 22 ஆயிரம் பேர் டிஸ்சார்ஜ்

புதுடில்லி: இந்தியாவில் தினசரி கோவிட் பாதிப்பு 15 ஆயிரமாக பதிவானது. அதேபோல், கடந்த 24 மணிநேரத்தில் கோவிட் பாதித்த 22 ஆயிரம் பேர் குணமடைந்து வீடு திரும்பியுள்ளனர்.

இந்தியாவில் கோவிட் நிலவரம் குறித்து மத்திய சுகாதாரத்துறை வெளியிட்ட தகவல்கள்:

latest tamil news

இதன்மூலம் தற்போது கோவிட் பாதிப்பில் இருந்து மீண்டவர்கள் விகிதம் 98.06 சதவீதமாகவும், உயிரிழந்தவர்கள் விகிதம் 1.33 ஆகவும் உள்ளது. மேலும், தற்போது 0.61 சதவீதம் பேர் சிகிச்சையில் உள்ளனர்.

தடுப்பூசி

இந்தியாவில் இன்று (அக்டோபர் 13) காலை 8 மணி நிலவரப்படி 96.43 கோடி டோஸ் தடுப்பூசி செலுத்தப்பட்டுள்ளது. இதில், நேற்று மட்டும் 50,63,845 பேருக்கு தடுப்பூசி போடப்பட்டுள்ளது.

latest tamil news

உலக பாதிப்பு

இன்று (அக்டோபர் 13-ம் தேதி) காலை 10.00 மணி நிலவரப்படி உலகில் கோவிட் தொற்றால் 23 கோடியே, 94 லட்சத்து, 81 ஆயிரத்து, 625 பேர் பாதிக்கப்பட்டுள்ளனர். 48 லட்சத்து, 81 ஆயிரத்து, 590 பேர் பலியாகினர். 21 கோடியே, 68 லட்சத்து, 44 ஆயிரத்து 181 பேர் மீண்டனர்.

டில்லியில் பாக்., பயங்கரவாதி கைது: தாக்குதல் சதி முறியடிப்பு

புதுடில்லி: டில்லியில், பாகிஸ்தானை சேர்ந்த பயங்கரவாதி ஒருவனை சிறப்பு பிரிவு போலீசார் கைது செய்தனர். இதன் மூலம், பண்டிகை நாட்களில் தாக்குதல் நடத்த திட்டமிட்டிருந்த அவனின் சதி முறியடிக்கப்பட்டு உள்ளது.

டில்லியின் சாஷ்திரி நகரில் போலி அடையாள அட்டையுடன் வசித்து வந்த பாகிஸ்தானை சேர்ந்த முகமது அஸ்ரப் என்ற அலி என்பவனை லட்சுமி நகர் ரமேஷ் பூங்காவில் போலீசார் கைது செய்தனர். அவனிடம் இருந்து ஏ.கே.47 ரக துப்பாக்கிகள், 2 பிஸ்டல்கள், கையெறி குண்டு, தோட்டாக்கள் உள்ளிட்டவை பறிமுதல் செய்யப்பட்டன. டில்லியில் கைது செய்யப்பட்ட முகமது அஸ்ரப், பாகிஸ்தானின் பஞ்சாப் மாகாணத்தை சேர்ந்தவன் என்பது தெரியவந்துள்ளது. பல பிரிவுகளில் அவன் மீது வழக்குப்பதிவு செய்யப்பட்ட நிலையில், தொடர்ந்து விசாரணை நடந்து வருகிறது.

latest tamil news

ஹிந்து பாரம்பரிய மாதமாக கொண்டாட்டம்: கரோலினா கவர்னர் அறிவிப்பு

வடக்கு கரோலினா: அக்டோபர் மாதத்தை ஹிந்து பாரம்பரிய மாதமாக அமெரிக்காவின் வடக்கு கரோலினா மாகாண கவர்னர் அறிவித்துள்ளார்.

உலகம் முழுவதும் ஹிந்து மதம் பரவியுள்ளன. சதவீத அடிப்படையில் ஹிந்து மத மக்கள் அதிகம் உள்ள நாடாக நேபாளம் உள்ளது. அதனைத்தொடர்ந்து, இந்தியா, மொரிசீயஸ் நாடுகள் உள்ளதாக சில ஆய்வறிக்கை தெரிவிக்கின்றன. அந்த வகையில், ஹிந்து மக்களையும் அவர்களின் வழிபாட்டுத் தலங்களையும் உலகின் பெரும்பாலான நாடுகளிலும் காணமுடிகிறது. கிட்டத்தட்ட 100 கோடி ஹிந்துக்கள் உலகின் எல்லா பகுதிகளிலும் வாழ்ந்து கொண்டிருக்கிறார்கள்.

இந்நிலையில், அமெரிக்காவின் வடக்கு கரோலினா மாகாண கவர்னர் ராய் கூப்பர், அக்டோபர் மாதத்தை ஹிந்து பாரம்பரிய மாதமாக அறிவித்துள்ளார். இது தொடர்பாக அவர் வெளியிட்ட அறிவிப்பு:
ஹிந்து மதம் உலகின் மூன்றாவது பெரிய மதமாகும். உலகளவில் ஹிந்து மதத்தில் நூறு கோடி பக்தர்களும், அமெரிக்காவில் மட்டும் 40 லட்சம் பக்தர்களும் உள்ளனர். ஹிந்து பாரம்பரியம், கலாச்சாரம், மரபுகள் மற்றும் மதிப்புகள் ஆகியன வாழ்க்கையின் பல பிரச்னைகளுக்கு விலைமதிப்பற்ற தீர்வுகளை வழங்குகின்றன. மேலும் ஹிந்து மதத்தின் போதனைகளைப் பார்க்கும் லட்சக்கணக்கான மக்களுக்கு உத்வேகத்தையும் சிந்தனையையும் தருகிறது.

latest tamil news

எங்களுடைய துடிப்பான ஹிந்து அமெரிக்க சமூகம், வடக்கு கரோலினா மாகாண குடிமக்களின் வாழ்க்கையை வளப்படுத்தி பெரும் பங்களிப்பு செய்துள்ளது. இந்தாண்டு அக்டோபர் மாதத்தில், வடக்கு கரோலினா மாகாணத்தில் உள்ள ஹிந்து சமூகம், ஹிந்து மதத்தின் கலாச்சாரம் மற்றும் பாரம்பரியத்தை கூட்டாக கொண்டாடும். இதன்மூலம் நடப்பு அக்டோபர் மாதத்தை, வடக்கு கரோலினா மாகாணத்தில் ‛ஹிந்து பாரம்பரிய மாதமாக’ அனைத்து குடிமக்களும் பின்பற்றுமாறு அறிவிக்கிறேன். இவ்வாறு கவர்னர் ராய் கூப்பர் தெரிவித்துள்ளார்.

ரஷ்யாவில் விமானம் விழுந்து விபத்து: 16 பேர் பலி

மாஸ்கோ: ரஷ்யாவில் இன்று விமானம் தரையில் விழுந்து விபத்துக்குள்ளானதில் 16 பேர் பலியாகினர். இடிபாடுகளில் சிக்கியவர்களை மீட்கும் பணி நடந்து வருகிறது. 7 பேர் கவலைக்கிடமாக உள்ளனர்.

ரஷ்யாவின் டாடர்ஸ்தான் குடியரசு பகுதியில் பாராசூட் வீரர்கள் உள்ளிட்ட 23 பேருடன் இன்று விமானம் சென்று கொண்டிருந்தது. திடீரென விமானியின் கட்டுப்பாட்டை இழந்து தரையில் விழுந்த விமானம் இரண்டாக பிளந்து விபத்துக்குள்ளானது.

latest tamil news

இதுபற்றி தகவல் அறிந்த மீட்புக்குழுவினர் மற்றும் தீயணைப்புத் துறையினர் சம்பவ இடத்திற்கு விரைந்து சென்று மீட்பு பணியில் ஈடுபட்டனர். இருப்பினும் விமான இடிபாடுகளில் சிக்கி 16 பேர் உயிரிழந்ததாக முதற்கட்ட தகவல் வெளியாகி உள்ளது. படுகாயமடைந்த 7 பேர் மீட்கப்பட்டு அருகிலுள்ள மருத்துவமனையில் சேர்க்கப்பட்டுள்ளனர். அவர்களின் நிலையும் கவலைக்கிடமாக இருப்பதாக தெரிகிறது. பலி எண்ணிக்கை மேலும் அதிகரிக்கும் என்று அஞ்சப்படுகிறது.

ரஷ்யாவின் ராணுவம், விமான போக்குவரத்து மற்றும் கடற்படைக்கான தன்னார்வ சங்கத்திற்கு இந்த விமானம் சொந்தமானது என தெரியவந்துள்ளது. விமான விபத்துக்கான காரணம் குறித்து விமான போக்குவரத்து உயரதிகாரிகள் விசாரணை நடத்தி வருகின்றனர்.

கோவிட் சாதாரண ஜலதோஷ வைரசாக மாறும்: இங்கிலாந்து மருத்துவ வல்லுநர் கணிப்பு

புதுடில்லி: ‘கோவிட் வைரஸ் சாதாரண ஜலதோஷ வைரஸ் போல் மாறிவிடும்; ஆனால் அதற்கு நீண்ட காலம் ஆகும்’ என, இங்கிலாந்து தேசிய சுகாதார சேவையின் முன்னாள் தலைவர் சர் மால்கம் கிராண்ட் தெரிவித்துள்ளார்.

latest tamil news

டில்லியில் நடைபெற்ற மாநாட்டில், இங்கிலாந்து தேசிய சுகாதார சேவையின் முன்னாள் தலைவர் சர் மால்கம் கிராண்ட் பங்கேற்று தெரிவித்து உள்ளதாவது: கோவிட் வைரஸ் தொடர்பாக இன்னும் நாம் நிறைய புரிந்துகொள்ள வேண்டி இருக்கிறது. அதற்கு எதிராக தடுப்பூசிகள் செலுத்தப்பட்டு வந்தாலும், இன்னும் அது பெருந்தொற்றாகத்தான் தொடர்கிறது.

latest tamil news

அதிகப்படியான மக்களுக்கு தடுப்பூசிகள் செலுத்திய அமெரிக்காவில் தற்போதும், கோவிட் வைரசால் வாரத்துக்கு 53 ஆயிரம் பேர் உயிரிழந்து வருகிறார்கள். இதைவிட ஐரோப்பாவின் நிலை மோசமாக இருக்கிறது; அங்கு வைரஸ் பாதிப்பு அதிகமாக உள்ளது.ஆனால், கோவிட் வைரஸ் சாதாரண ஜலதோஷ வைரஸ் போல் மாறிவிடும். ஆனால் அதற்கு இன்னும் நீண்ட காலம் ஆகும். இவ்வாறு அவர் தெரிவித்தார்.

MyHoster