உலக செய்திகள்

இந்திய அணிக்கு ‘ரூட்’ காட்டிய ஜோ ரூட்; கோலி படை 145 ரன்களில் சுருண்டது: லீச், ரூட் பந்துவீச்சைக் கூட சமாளிக்க முடியவில்லை..!!

ஜோ ரூட், ஜேக் லீச் ஆகியோரின் சுழற்பந்துவீச்சைச் சமாளிக்க முடியாமல், அகமதாபாத்தில் நடந்துவரும் இங்கிலாந்து அணிக்கு எதிரான பகலிரவு டெஸ்ட் போட்டியில், இந்திய அணி முதல் இன்னிங்ஸில் 145 ரன்களில் சுருண்டது.

முதல் நாள் ஆட்டநேர முடிவில் 3 விக்கெட் இழப்புக்கு 99 ரன்கள் சேர்த்திருந்தது இந்திய அணி. இன்று பிற்பகலில் ஆட்டம் தொடங்கிய நிலையில், கூடுதலாக 46 ரன்கள் சேர்த்து மீதமிருந்த 7 விக்கெட்டுகளையும் இந்திய அணி இழந்தது.

2-வது இன்னிங்ஸை ஆடிய இங்கிலாந்து அணி அக்ஸர் படேல் வீசிய முதல் ஓவரிலேயே கிராலி (0), பேர்ஸ்டோ (0) ஆகியோரின் விக்கெட்டுகளை இழந்து தடுமாறி வருகிறது.

இந்திய அணி முதல் இன்னிங்ஸில் 33 ரன்கள் முன்னிலை பெற்றுள்ளது. முதல் இன்னிங்ஸில் இங்கிலாந்து அணி 112 ரன்களுக்கு ஆட்டமிழந்தது குறிப்பிடத்தக்கது.

ஒரு கட்டத்தில் இந்திய அணி 114 ரன்களுக்கு 3 விக்கெட்டுகளைத்தான் இழந்திருந்தது. ஆனால், அடுத்த 31 ரன்களுக்குள் 7 விக்கெட்டுகளை இழந்து ஆட்டமிழந்தது.

டெஸ்ட் கிரிக்கெட்டில் ஜோ ரூட் மிகச்சிறந்த பந்தவீச்சாளர் என்றெல்லாம் சொல்லிவிட முடியாது. ஆனால், ரூட் பந்துவீச்சைக் கூட சமாளிக்க முடியாமல் இந்திய அணி விக்கெட்டுகளை இழந்துள்ளதை என்னவென்று சொல்வது? ஆடுகளத்தைக் குறை சொல்வதா, இந்திய பேட்ஸ்மேன்களைக் குறை சொல்வதா எனத் தெரியவில்லை.

பகுதிநேரப் பந்துவீச்சாளரான ஜோ ரூட், டெஸ்ட் கிரிக்கெட்டில் முதல் முறையாக 5 விக்கெட்டுகளை வீழ்த்தினார். ரூட் 8 ரன்களுக்கு 5 விக்கெட்டுகளை வீழ்த்தினார்.

சென்னை ஆடுகளத்தை அமைத்தது போன்றே சுழற்பந்துவீச்சுக்கு சாதகமான ஆடுகளத்தை அமைத்து இந்திய அணி கையைச் சுட்டுக்கொண்டுள்ளது. சென்னை சேப்பாக்கத்திலாவது ஓரளவுக்கு இந்திய பேட்ஸ்மேன்கள் பேட்டிங் செய்தனர். அஸ்வின் சதம் அடித்தார். ஆனால், அகமதாபாத் ஆடுகளம் அதைவிட மோசமாக இருக்கிறது.

இந்த ஆடுகளத்தில் 3 நாட்கள் முதல் மூன்றரை நாட்கள் வரை போட்டி நடந்தாலே பெரிய விஷயம். இதுபோன்ற தரமற்ற ஆடுகளங்களில் டெஸ்ட் போட்டி எந்த நோக்கத்துக்காக நடத்தப்படுகிறது எனத் தெரியவில்லை. கடந்த 2012-ம் ஆண்டு இங்கிலாந்து தொடரில் ஸ்வான், மாண்டி பனேசரிடம் இந்திய அணி 10 விக்கெட்டுகளையும் இழந்து தோல்வி அடைந்ததைப் போல் இந்த முறையும் பேக் ஃபயர் ஆகப்போகிறது.

முதல் நாள் ஆட்டநேர முடிவில் இந்திய அணி 3 விக்கெட் இழப்புக்கு 99 ரன்கள் சேர்த்திருந்தது. இன்று கூடுதலாக 20 ஓவர்கள் மட்டுமே பேட் செய்த இந்திய அணி 46 ரன்கள் கூடுதலாகச் சேர்த்து ஆட்டமிழந்தது.

ரோஹித் சர்மா 57 ரன்களிலும், ரஹானே ஒரு ரன்னிலும் இன்றைய ஆட்டத்தைத் தொடர்ந்தனர். சிறிது நேரம் மட்டுமே இருவரும் பேட் செய்தனர்.

ரஹானே 7 ரன்களில் லீச் பந்துவீச்சில் கால்காப்பில் வாங்கி வெளியேறினார். 114 ரன்களுக்கு 4-வது விக்கெட்டை இழந்தது இந்திய அணி. அடுத்த சிறிது நேரத்தில் ரோஹித் சர்மா 66 ரன்கள் சேர்த்த நிலையில் லீச் பந்துவீச்சில் கால்காப்பில் வாங்கி ஆட்டமிழந்தார்.

அதன்பின் வந்த இந்திய பேட்ஸ்மேன்கள் ஒவ்வொருவரும் வருவதும் போவதுமாக இருந்தனர். ரிஷப் பந்த் (1), அஸ்வின் (17), வாஷிங்டன் சுந்தர் (0), அக்ஸர் படேல் (0), பும்ரா (1) என வரிசையாக ரூட் பந்துவீச்சில் ஆட்டமிழந்தனர்.

52.3 ஓவர்களில் 145 ரன்களுக்கு இந்திய அணி முதல் இன்னிங்ஸில் ஆட்டமிழந்தது.

Thanks to Dailyhunt

இந்தியா – இங்கிலாந்து கிரிக்கெட் அணிகள் இடையிலான 3-வது டெஸ்ட் பகலிரவு போட்டியாக அகமதாபாத்தில் உள்ள மோடேரா மைதானத்தில் இன்று பிற்பகலில் தொடங்குகிறது…!!

இரு அணிகள் இடையிலான 4 டெஸ்ட் போட்டிகள் கொண்ட தொடரில் முதல் டெஸ்டில் இங்கிலாந்து அணியும் 2-வது டெஸ்டில் இந்திய அணியும் வெற்றி கண்டிருந்தன. தொடர் 1-1 என சமநிலை வகிக்கும் நிலையில் 3-வது டெஸ்ட் பகலிரவு போட்டியாக அகமதாபாத்தின் மோடேராவில் உள்ள சீரமைக்கப்பட்ட சர்தார் படேல் மைதானத்தில் இன்று பிற்பகலில் தொடங்குகிறது.

இந்த மைதானம் 1.10 லட்சம் ரசிகர்கள் அமர்ந்து பார்க்கக்கூடிய வகையில் கட்டப்பட்டுள்ளது. இதன் மூலம் உலகின் மிகப்பெரிய கிரிக்கெட் மைதானம் என்ற புகழை பெற்றுள்ளது. இதற்கு முன்னர் சுமார் 1 லட்சம் ரசிகர்கள் அமரும் வகையில் வடிவமைக்கப்பட்டிருந்த ஆஸ்திரேலியாவில் உள்ள மெல்பர்ன் மைதானமே பெரிய மைதானமாக கருதப்பட்டு வந்தது. இந்த சாதனையை சர்தார் படேல் மைதானம் முறியடித்திருந்தது.

சிறப்புமிக்க இந்த மைதானத்தில் இன்று தொடங்கும் பிங்க் பந்து டெஸ்ட்போட்டி மிகுந்த எதிர்பார்ப்பை ஏற்படுத்தியுள்ளது. கரோனா வைரஸ் தொற்று விதிமுறைகளால் மைதானத்தில் 50 சதவீதரசிகர்களுக்கே அனுமதி வழங்கப்பட் டுள்ளது. அந்த வகையில் 55 ஆயிரம் ரசிகர்கள் போட்டியை நேரில் கண்டுகளிக்க உள்ளனர். சீரமைக்கப்பட்ட மைதானம் என்பதால் ஆடுகளத்தின் தன்மை எப்படி இருக்கும் என்பதை அறிய இரு அணிகளும் ஆர்வமாக உள்ளன.

ஜூன் மாதம் நடைபெற உள்ள ஐசிசி உலக டெஸ்ட் சாம்பியன்ஷிப் இறுதிப் போட்டிக்கு தகுதி பெற வேண்டுமென்றால் இங்கிலாந்து அணிக்கு எதிரான எஞ்சிய இரு டெஸ்ட் போட்டிகளிலும் தோல்வியை சந்திக்கக்கூடாது என்ற நெருக்கடியில் உள்ளது இந்திய அணி. அதிலும் ஒரு ஆட்டத்தில் கட்டாயம் வென்றாக வேண்டும். பகலிரவு டெஸ்ட் என்பதால் வேகப்பந்து வீச்சாளர்கள் முக்கிய பங்காற்றுவார்கள் என எதிர் பார்க்கப்படுகிறது. ஜஸ்பிரீத் பும்ரா,இஷாந்த் சர்மா ஆகியோருடன் உடற்தகுதியை பெற்றுள்ள உமேஷ் யாதவும்விளையாடும் லெவனில் இடம் பெறக்கூடும். இதில் இஷாந்த் சர்மாவுக்கு இது 100-வது டெஸ்ட் போட்டியாகும்.

உமேஷ் யாதவ் களமிறங்குவதால் குல்தீப் யாதவ் நீக்கப்படுவார். அதே வேளையில் 4-வது வேகப்பந்து வீச்சாளர் தேவை என அணி நிர்வாகம் கருதினால் அக்சர் படேலுக்கு பதிலாக ஹர்திக் பாண்டியா களமிறக்கப்படக்கூடும். ஏனெனில் கடந்த ஆண்டு வங்கதேச அணிக்கு எதிரான பகலிரவு டெஸ்டில் சுழற்பந்து வீச்சாளர்கள் ஒட்டுமொத்தமாக 7 ஓவர்களை மட்டுமே வீசி யிருந்தனர்.

இங்கிலாந்து அணியிலும் சில மாற்றங்கள் இருக்கக்கூடும். கடந்த ஆட்டத்தில் விளையாடாத ஜேம்ஸ் ஆண்டர்சன், ஜோப்ரா ஆர்ச்சர் களமிறங்கக்கூடும். 3-வது வேகப்பந்து வீச்சாளராக மார்க்வுட் அல்லது ஸ்டூவர்ட் பிராடு இடம்பெறக்கூடும். மொயின் அலி இல்லாததால் அவரது இடத்தை டாம் பெஸ் நிரப்பக்கூடும்.

பேட்டிங்கில் ஸாக் கிராவ்லி உடற்தகுதி பெற்றுள்ளதால் ரோரி பர்ன்ஸ் நீக்கப்படக்கூடும். அதேபோன்று டேன்லாரன்ஸுக்கு பதிலாக ஜானி பேர்ஸ்டோஇடம் பெறுவார் என எதிர்பார்க்கப்படு கிறது. பகலிரவு டெஸ்ட் என்பதால் அந்திப்பொழுதில் பந்துகள் சற்று வேகமும், அதிக அளவில் ஸ்விங்கும் ஆகும்.

இதனால் அந்த நேரத்தில் பேட்ஸ்மேன்களுக்கும் வேகப்பந்து வீச்சாளர் களுக்கும் இடையே கடும் சவால் நிலவும். இதனால் இரு அணிகளும் அந்திப்பொழுதை சிறப்பாக கையாள் வதில் கவனம் செலுத்தக்கூடும்.

Thanks to Dailyhunt

Galwan clash China : கடந்த ஆண்டு இந்திய-சீன எல்லைப் பகுதியான கல்வான் பள்ளத்தாக்கு பகுதியில் நடைபெற்ற தாக்குதலில் 5 சீன வீரர்கள் உயிரிழந்துள்ளதாக சீன அரசின் அதிகாரப்பூர்வ ஊடகம் தெரிவித்துள்ளது…!!

இந்தியா-சீனா இடையே எல்லைப் பிரச்சனை தீவிரமடைந்த நிலையில், கடந்த ஆண்டு ஜூன் 15ம் தேதி இரு நாடுகளின் படைகளும் கல்வான் பள்ளத்தாக்கில் கடுமையாக மோதிக்கொண்டன. இதில், இந்தியா தரப்பில் 20 வீரர்கள் உயிரிழந்ததாக இந்திய ராணுவம் அறிவித்தது. அதே நேரம் சீனா தரப்பில் 30 பேர் உயிரிழந்திருக்கலாம் என இந்திய ராணுவம் தெரிவித்திருந்தது. ஆனால், உயிரிழப்பு ஏற்பட்டதாக சீனா ஒப்புக்கொள்ளவில்லை.

கல்வான் மோதலில் 45 சீன வீரர்கள் இறந்திருப்பதாக ரஷியாவின் அதிகாரப்பூர்வ செய்தி நிறுவனம் தகவல் வெளியிட்டிருந்தது.ஆனால், சீன வீரர்களின் எண்ணிக்கையை சீனா தெரிவிக்கவில்லை.

இந்நிலையில், கல்வான் பள்ளத்தாக்கு பகுதியில் நடைபெற்ற தாக்குதலில் 5 சீன வீரர்கள் உயிரிழந்துள்ளதாக சீன அரசின் அதிகாரப்பூர்வ ஊடகமான ‘பீப்புள்ஸ் டெய்லி’யில் தகவல் வெளியாகி இருக்கின்றது.சீன ராணுவத்தின் சின்ஜியாங் படைப்பிரிவு கமாண்டர் குய் ஃபபாவோ மற்றும் சென் ஹாங்ஜன், சென் சியாங்ராங், சியாவோ சியுவான் மற்றும் வாங் ஜுயோரன் ஆகியோர் உயிரிழந்ததாகவும், அவர்களுக்கு சீன மத்திய ராணுவ ஆணையம் மரியாதை செலுத்தி கவுரவித்ததாகவும், உயிரிழந்த 5 சீன வீரர்களுக்கும் சீனா விருது அறிவித்திருப்பதாகவும் கூறப்பட்டுள்ளது.

கல்வான் பள்ளத்தாக்கு பகுதியில், சீன ராணுவம் அத்துமீறிய போது, இந்திய ராணுவம் கொடுத்த பதிலடியில், 43-க்கும் அதிகமான சீன வீரர்கள் கொல்லப்பட்டதாக தெரிவிக்கப்பட்டது. அப்போது, 20 இந்திய வீரர்கள் வீரமரணம் அடைந்தனர்.

Get all the Latest Tamil News and Tamil Nadu News at Indian Express Tamil. You can also catch all the latest Tamil India News by following us on Twitter and Facebook

Thanks to Dailyhunt

இந்தியாவில் பிறந்த பெண் விஞ்ஞானி சுவாதி மோகன் நாசாவின் ‘பெர்சவரன்ஸ்’ ரோவர் திட்டத்தில் முக்கிய பங்கு வகித்துள்ளார்..!!

இங்கிலாந்துக்கு எதிரான 2-வது டெஸ்ட் போட்டியில் இந்திய அணி 317- ரன்கள் வித்தியாசத்தில் அபார வெற்றி பெற்றது…!!

இந்தியாவுக்கு எதிரான 2-வது டெஸ்ட் போட்டியின் 3-ம் நாள் ஆட்டநேர முடிவில் இங்கிலாந்து அணி 3 விக்கெட் இழப்புக்கு 53 ரன்கள் எடுத்துள்ளது..!!

இந்தியா- இங்கிலாந்து மோதும் 2-வது டெஸ்ட் போட்டி சென்னை சேப்பாக்கத்தில் இன்று தொடங்கியது. இங்கிலாந்துக்கு பதிலடி கொடுக்குமா இந்திய அணி?

முதல்-அமைச்சர் எடப்பாடி பழனிசாமி, துணை முதல்-அமைச்சர் ஓ.பன்னீர்செல்வம் தலைமையில் அ.தி.மு.க. தலைவர்கள் டெல்லிக்கு செல்ல உள்ளனர்..!!

சென்னை:-   டெல்லியில் மாநில கட்சிகள் அலுவலகம் அமைத்துக்கொள்ள மத்திய அரசு இடம் ஒதுக்கி கொடுத்துள்ளது. கடந்த காங்கிரஸ் ஆட்சி காலத்தில் இந்த இடங்கள் ஒதுக்கீடு செய்யப்பட்டன.

அ.தி.மு.க.வுக்கும் இவ்வாறு இடம் ஒதுக்கப்பட்டுள்ளது. அந்த இடத்தில் அ.தி.மு.க. அலுவலகம் கட்டும் பணி நடந்து வந்தது. 3 மாடிகளுடன் பிரமாண்டமான முறையில் கட்டிடம் கட்டப்பட்டது.

அதில் ஒரு மாடியில் எம்.ஜி.ஆர். புகைப்பட கண்காட்சியும், மற்றொரு மாடியில் ஜெயலலிதா புகைப்பட கண்காட்சியும் அமைக்கப்படுகிறது.

இத்துடன் கூட்ட அரங்கம், முக்கிய நிர்வாகிகள், எம்.பி., எம்.எல்.ஏ.க்கள் தங்கும் அறைகள் என தனித்தனியாக கட்டப்பட்டுள்ளன. இதன் பணிகள் நிறைவுபெறும் தருவாயில் இருந்தது.

கடந்த 21-ந்தேதி முதல்-அமைச்சர் எடப்பாடி பழனிசாமி, பிரதமரை சந்திப்பதற்காக டெல்லி சென்றிருந்தார். அப்போது அவர் அ.தி.மு.க. அலுவலக கட்டுமான பணிகளை பார்வையிட்டார்.

விரைவில் கட்டிட பணிகளை முடிக்கும்படி அவர் உத்தரவிட்டார். அதைத் தொடர்ந்து பணிகள் வேகமாக நடந்தன. இப்போது கட்டுமான பணி முற்றிலும் நிறைவடையும் நிலையில் உள்ளது.

இதைத்தொடர்ந்து அ.தி.மு.க. அலுவலகத்தை திறந்து வைக்க ஏற்பாடுகள் நடந்து வருகின்றன. வருகிற 21-ந்தேதி திறப்பு விழாவை நடத்த திட்டமிட்டுள்ளனர்.

இதில் முதல்-அமைச்சர் எடப்பாடி பழனிசாமி, துணை முதல்-அமைச்சர் ஓ.பன்னீர்செல்வம், அமைச்சர்கள் மற்றும் அனைத்து தலைவர்கள், நிர்வாகிகள் பங்கேற்கிறார்கள்.

20-ந்தேதி மத்திய நிதி அயோக் கூட்டம் டெல்லியில் நடைபெற இருக்கிறது. இதில் பங்கேற்பதற்காக துணை முதல்-அமைச்சர் ஓ.பன்னீர்செல்வம் டெல்லி செல்கிறார். நிதி அயோக் நிகழ்ச்சியில் பங்கேற்று விட்டு அவர் அ.தி.மு.க. அலுவலக திறப்பு விழாவிலும் பங்கேற்க உள்ளார்.

சசிகலா வருகையால் தமிழக அரசியல் சூழ்நிலையில் மாற்றங்கள் உருவாகி இருக்கின்றன. டெல்லி செல்லும் போது எடப்பாடி பழனிசாமி, ஓ.பன்னீர் செல்வம் ஆகியோர் இது சம்மந்தமாக பா.ஜனதா தலைவர்களுடன் பேசுவார்கள் என்று எதிர்பார்க்கப்படுகிறது.

நேற்று பெங்களூரில் இருந்து சென்னை திரும்பும் போது சசிகலா பேட்டி அளித்தார். அப்போது பொது எதிரியான தி.மு.க.வை தோற்கடிப்பதே எங்களுடைய ஒரே நோக்கம். எனவே அ.தி.மு.க.வினர் ஒன்றாக செயல்படுவோம் என்று கூறினார்.

அதாவது அ.தி.மு.க.வுடன் ஒருங்கிணைந்து செயல்பட சசிகலா தனது விருப்பத்தை வெளியிட்டு இருக்கிறார்.

அ.தி.மு.க.வும், சசிகலாவும் ஒன்றாக இருந்தால் தான் தி.மு.க.வை தோற்கடிக்க முடியும் என்ற எண்ணம் பா.ஜனதாவுக்கும் இருக்கிறது. அதைத்தான் இப்போது சசிகலா ஆமோதித்து இருக்கிறார்.

எனவே இது சம்மந்தமாக அ.தி.மு.க. தலைவர்கள், பா.ஜனதா தலைவர்களுடன் பேச இருப்பதாக தெரிகிறது. அரசியல் சம்மந்தப்பட்ட முக்கிய விவகாரங்களை பா.ஜனதா மூத்த தலைவர் அமித்ஷா தான் கவனித்து வருகிறார்.

அவரை எடப்பாடி பழனிசாமி, ஓ.பன்னீர்செல்வம் ஆகியோர் சந்தித்து இது சம்மந்தமாக ஆலோசனை மேற்கொள்வார்கள் என்று தெரிகிறது.

அதில் முக்கிய முடிவுகள் எடுக்கப்பட்டால் அது தமிழ்நாட்டில் பரபரப்பான அரசியல் திருப்பங்களை உருவாக்கும் என்று எதிர்பார்க்கப்படுகிறது.

Thanks to Maalaimalar

22 ஆண்டுகள் கழித்து சேப்பாக்கம் மைதானத்தில் இந்தியா தோல்வி: அசத்திய இங்கிலாந்து பந்துவீச்சு..!!   

இந்தியா – இங்கிலாந்து அணிகளுக்கு இடையேயான முதல் டெஸ்ட் போட்டியில் இங்கிலாந்து அணி 227 ரன்கள் வித்தியாசத்தில் வெற்றி பெற்றுள்ளது.

9 விக்கெட்டுகள் மீதமிருக்க 381 ரன்கள் தேவை என்கிற நிலையில் ஐந்தாம் நாள் ஆட்டத்தை இந்திய அணி தொடங்கியது. களத்தின் தன்மை பேட்டிங்குக்கு சாதகமாக இல்லை என்பதால் வெற்றி பெறுவது மிகக் கடினம் என்கிற நிலையில் இந்தியா ஆட்டத்தை ட்ரா செய்யவே விளையாடும் என்று எதிர்பார்க்கப்பட்டது.

12 ரன்கள் எடுத்து களத்தில் இருந்த புஜாரா மேற்கொண்டு வெறும் 3 ரன்கள் மட்டுமே எடுத்து லீச் பந்துவீச்சில் ஆட்டமிழந்தார். இதன் பிறகு களமிறங்கிய விராட் கோலி, ஷுப்மன் கில்லுடன் சேர்ந்து பொறுப்பான ஆட்டத்தை வெளிப்படுத்தினார். அரை சதம் அடித்த கில் நம்பிக்கை தர ஆரம்பித்த நேரத்தில் ஆண்டர்சன் பந்துவீச்சில் ஆட்டமிழந்தார். அதே ஓவரில் புதிய பேட்ஸ்மேன் ரஹானேவும் ரன் ஏதும் எடுக்காமல் பெவிலியன் திரும்பினார்.

அடுத்தடுத்து இந்திய அணி விக்கெட்டுகளை பறிகொடுக்க ஆரம்பித்தது. ரிஷப் பந்த் 11 ரன்களுக்கும், வாஷிங்டன் சுந்தர் ரன் ஏதும் எடுக்காமலும் வீழ்ந்தனர். இதன் பின் ஒரு பக்கம் கோலி ரன் சேர்க்க மறுமுனையில் அஷ்வின் தன்னால் முடிந்த வரை பந்துவீச்சை எதிர்கொண்டு ட்ராவை நோக்கி ஆட்டத்தை எடுத்துச் செல்ல முயற்சித்தார்.

உணவு இடைவேளியின் போது இந்தியா 6 விக்கெட்டுகளை இழந்து 144 ரன்களைச் சேர்த்திருந்தது. உணவு இடைவேளைக்குப் பின் விராட் கோலி அரை சதம் எட்டினார். 46 பந்துகளில் 9 ரன்களை எடுத்திருந்த அஷ்வின் லீச் பந்துவீச்சில் ஆட்டமிழந்தார். 72 ரன்கள் எடுத்திருந்த கோலி பென் ஸ்டோக்ஸ் பந்துவீச்சில் ஸ்டம்பைப் பறிகொடுத்தார். இதனால் இந்திய அணியின் தோல்வி கிட்டத்தட்ட உறுதியானது.

அடுத்த சில ஓவர்களில் ஷபாஸ் நதீம் (0), பும்ரா (4) ஆட்டமிழக்க 227 ரன்கள் வித்தியாசத்தில் இங்கிலாந்து அணி வெற்றி கண்டது. அந்த அணியின் ஜாக் லீச் அதிகபட்சமாக 4 விக்கெட்டுகளை வீழ்த்தியிருந்தார். ஜேம்ஸ் ஆண்டர்சன் 3 விக்கெட்டுகளை வீழ்த்தினார்.

கடைசியாக இந்தியா 1999 ஆண்டு பாகிஸ்தானுக்கு எதிரான டெஸ்ட் போட்டியில் தான் சேப்பாக்கம் மைதானத்தில் தோல்வி கண்டது. அதன் பிறகு இந்த டெஸ்ட் போட்டியில் தோல்வி கண்டுள்ளது. இங்கிலாந்து அணி ஆசிய கண்டத்தில் பதிவு செய்திருக்கும் ஆறாவது தொடர் வெற்றி இது என்பது குறிப்பிடத்தக்கது.

Thanks to Dailyhunt

சென்னை சேப்பாக்கம் டெஸ்டில் இங்கிலாந்து 2-வது இன்னிங்சில் 178 ரன்களில் ஆல்அவுட் ஆக இந்தியாவுக்கு 420 ரன்கள் வெற்றி இலக்காக நிர்ணயித்துள்ளது..!!